Tá clár iontach maith ar fáil anseo go dtí 4 Eanáir, dar teidil 'Inheritance.' Molaim go hard é. Léirgeas is ea é ar mharthanóir an Uileloiscthe, agus iníon an fhir a bhí i mbun champa an bháis ina raibh sí ina sclábhaí aige. An campa as a sabháil Schindler roinnt mhór daoine, ise san áireamh. Ní raibh an iníon seo ach bliain d'aois nuair a crochadh a hathair, agus ní raibh aon fhios aici gurb arracht é a hathair go dtí an uair go raibh sí aon bhliain déag d'aois. Níor chuala sí aon trácht ar na Giúdaigh sa Ghearmáin, fiú. Bhí oideachas aici ó shin. Bualann siad lena chéile, agus thugann siad cuairt ar an áit.
Cheapfaí gur gnátháiteanna agus gnáthdhaoine iad. Agus gach duine sna tíortha siúd, go háirithe sa Ghearmáin, bíonn a leithéid ina dtimpeall i gcónaí. Agus san oirthear, maraon le déantóirí coireanna na Naitsithe, bíonn déantóirí choireanna na gcummánach ina dtimpeall freisin, mar a fheictear sa scannán iontach maith Das Leben Der Anderen.
Mise, anseo i Nua-Eabhrac, is iomaí marthóir an Uileloiscthe agus iarshaighdeoir an dara cogadh domhanda lena mbuail mé, ach bíonn níos lú díobh beo gach lá. Ní mór a scéal a choimeád beo.
Subscribe to:
Post Comments (Atom)
No comments:
Post a Comment