An Caomhach

Apologia Altera Pro Vita Israel

2012-01-18T10:12:00.000-08:00

Cúpla focal nua daoibh, b'fhéidir. Cosúil le hasbara... Fuair mé an focal Eabhraise sin ar bhlagmhír de chuid Grá Faoi Ghruaim, agus fuair sise ar Nótaí Imill é, agus fuair seisean ó shuíomh frith-Iosraelach é, a úsáideann focal eile iasachta, apartheid (dá dtuigfidís é!).

Is oth liom a rá gur féidir le duine deas rudaí olca a rá is a smaoineamh. Fiú i ngan fhios dó. Go háirithe nuair a bhíonn claonadh seanbhunaithe i gceist, atá domhainfhréamhaithe sa tsochaí. Agus droch-chlaonadh in aghaidh Iosrael a fhaightear go rí-mhinic i measc na nÉireannach, faraor. Tá an mhír seo ann mar fhreagra ar an méid a scríobhadh ar GFG.

Dar le loighic na blagmhíre sin, níl meas ar bith ag rialtas na hÉireann ar thiománaithe! Mar goidtear carranna in Éirinn! Mar nuair a dhéantar rud mídhleathach in Iosrael, tá an tír go léir ciontach as, de réir dealraimh. Níl sé de cheart ag fir Iosrael, fiú na diancheartchreidmhigh, mná a bhrú go cúl an bhus. Agus cuireadh cosc ar an duine sa scéal áirithe atá i gceist. Sea, is sean nós Giúdach na mná a choimeád scaraithe ó na fir, agus ba mhaith le roinnt daoine sin a chur i bhfeidmh sa tsochaí go léir. Ach ní tharlóidh.

Dar ndóigh, bíonn an dearcadh céanna sin ag an móramh sna tíortha mórthimpeall ar Iosrael. Is beag ceart a bhíonn ag bean sna tíortha Muslamacha. Ach is cuma sin, is dócha - fiú go mbíonn a leithéid "dleathach" agus brúite ar an uile bhean sna tíortha sin...

Tá cearta daonna láidir in Iosrael. Tá gach saghas duine ann. Tá meas ar an dlí is ar an duine ansin, fiú ar dhaoine a bhfuil nósanna acu atá glan díreach in aghaidh chreideamh mhóramh na nGiúdach. Deirtear, mar shampla, gur Tel Aviv an chaithear aereach is fearr ar domhain. Cá bhfuil a leithéid i dtír Mhuslamach? Bhuel, dar ndóigh, maraítear daoine aeracha sna tíortha sin...

Rud eile a mhaítear ná go bhfuil Iosrael, a bhfuil na milliúin naimhde mórthimpeall uirthi agus a bhíonn faoi bhagairt a báis i gcónaí, tír atá 'faoi léigear,' mar atá, maítear, má thuigim i gceart é, go bhfuil na hArabaigh faoi léigear aicise. Is ait an mac an saol.

Ach fiú go bhfuil na fíricí trína chéile, tá fadhb eile ag GFG. Níor cheap mé go raibh cead ag muintir na hÉireann locht a fháil ar cheartchreidmhaigh radacacha Iosrael - nó fiú ar chreideamh éinne sa bhaile... mar tá an chéad chéim i dtro Searagha ina dlí, nó nach bhfuil? Ní cheadaítear don Éireannach ceartchreidmheach aon rud olc a rá faoi chreideamh ar bith, nó an bhfuil dul amú orm? Tá níos mó saoirse in Iosrael (cé go bhfuil dlí cosúil leis ann (alt 173 sa chód), nach gcuirtear i leith éinne, le fírinne).

Is léir d'aon duine nach bhfuil réamhchlaonadh air, go bhfuil cearta ag mná in Iosrael, nach bhfuil aon apartheid ansin, nach bhfuil Iosrael ag ionsaí a comharsana ach go bhfuil sí féin timpeallaithe le tíortha neamhdeacha. An scéal ar fad atá bun os cion ag GFG sa mhír thuasluaite, dar liom. Aontaím léi gur olc an rud é mná a chur faoi chois. Is féidir, ámh, seasamh a dhéanamh in aghaidh ruda oilc gan rudaí olca a rá faoi dhaoine neachchiontacha. Tá meas agam ar na dea-smaointe a fhaightear ar an mblag sin. Ach mar ba mheasla poiblí ar Iosrael an mhír sin, bhí gá agam freagra poiblí a dhéanamh. Ar son na fírinne, mar hasbara, nó apologia.

Mar aguisín:

Seo scéal faoi fhadhbanna leis na lonnaitheoirí radacacha Iosraelacha. Déan comporáid leis an scéal seo faoi na mná Palaistíneacha. Tá difear an-mhór idir an dá phobal, dar liomsa.

Is rud dearfach é hasbara, dála an scéil.

A gCara, Hugo Chavez

2012-01-12T13:27:00.000-08:00

Cé go bhfuil sé deacair dom a thuiscint, tá daoine ann a chreideann gur duine deas maith é Hugo Chavez. Lucht na heite clé, dar ndóigh. Cosúil le Chavez féin, creideann a leithéid gur maith é aon duine a sheasann in éadann Iosrael agus na Stáit Aontaithe. Sea, is iomaí cara olc atá ag Chavez - liosta le háireamh. Ní dóigh liom go bhfuil drochdhuine ann nach bhfuil cairdeas aige le Chavez.

Cheap mé le fada nach raibh ann ach fear grinn, ach is duine fíor-bhaolach é. Tá cumhacht aige sa bhaile - agus dar ndóigh, mar aon deachtóir eile, bíonn sé ar thóir níos mó cumhachta i gcónaí. An mana a bhrúitear ar mhuintir Veiniséala ná "An sóisialachas nó an bás!" ach is é an bhrí de sin ná "deachtóireacht faoi m'ordóg nó an bás!" Ar son na ndaoine beaga, tuigeann tú. Agus tá ola, agus mar sin, airgead aige, chun a lán diabhlaíochta a dhéanamh, sa bhaile agus thar sáile.

Ní hamháin go bhfuil daoine ann a ghlacann lena chuid cacamais agus a chreideann gur fear na ndaoine atá ann, ach tá daoine ann sna Stáit Aontaithe fiú, atá sásta a chuid bolscaireachta a scaipeadh. Bíonn fógraí ar an teilifís agus ar an raidió a deir go bhfuil Chavez chun ola a thabhairt do na daoine bochta anseo, féachaint nach bhfuil a rialtas féin i Meiriceá chun iad a chabhrú. Magairlí atá air, gan aon agó. Agus níl ciall ar bith ag a chuid úrlabhraithe, ná náire.

Mar sin, má tá tú cairdiúil le gach duine olc ar domhan, má mhaíonn tú gur sóisialaí ar son na ndaoine beaga thú, agus is dócha má tá airgead is ola agat, tá cairde agat i measc lucht na heite clé. Is cuma faoi na daoine atá thíos leat. Bristear uibheacha chun uibheagán a dhéanamh. Ba é an diabhal féin é Bush, agus mar sin, is Naomh é Chavez.

Go bhfaighe sé bás go luath. Nó go bhfaighe a thír réidh leis, ar aon nós, chomh luath agus is féidir. Le cúnamh Dé, beidh uachtarán nua againn araon i mbliana...

Is mithid, is dócha...

2011-12-15T11:20:00.000-08:00

Cogar - ar thug éinne faoi deara é? Tá an cogadh san Iaráic thart. Is dócha nach bhfuil suim ag mórán daoine, féachaint go bhfuil Ó Bama ina phríomhcheannaire air le timpeall trí bliana anuas. Bua atá ann, ab fhiú an uile thriail, dar leis anois. Scéal difriúil ó chúpla bliain ó shin, dar ndóigh.

Níl a leithéid de Cindy Sheehan ag déanamh agóide ná aon rud dá leithéid le fada an lá. Níl éine ag damhsa amuigh ar na sráideann fiú in Éirinn... Níl mórán ag tarlú san Iaráic le fada, buíochas le Dia, agus ní bhíonn sé sa nuacht. Ach tá daoine áirithe á cheiliúradh, cinnte - na daoine a bhí ag fanacht ón uair gur inis Ó Bama dóibh go mbeimid ag imeacht...

Ní miste liomsa go bhfuilimid ag imeacht faoi dheireadh, le fírinne. Is mithid. Ach táthar ag súil nach raibh gach aon rud in aisce. Níl éinne cinnte go bhfuil muintir na hIaráice ábalta - nó sásta - iad féin a chosaint. Thugamar deis iontach dóibh, agus ní féidir linn i bhfad níos mó a dhéanamh. Níl aon mhaith ann dúinn fanacht. Ní mór dóibh a dtír féin a chosaint is a chothú, más féidir leo. Go n-éirí an t-ádh leo. Slán agus beannacht.

Bheimis sásta cabhrú leo fós, ach ní dhearna Ó Bama aon iarracht dháiríre chun margadh a dhéanamh leo. Táim cinnte go bhfaighidh siad a lán airgid uainn, pé scéal. Mar beagnach gach aon tír eile. Go raibh toradh air (cé nach mbíonn, de ghnáth). Tá súil agam nach mbeidh an Iaráin dá n-ionsaí, nach dtitfidh an tír as a chéile, agus go mbeidh siad ag tógáil ar an méid a rinneamar leo go dtí an bponc seo. Tá súil agam go mbeidh suim ag an saol mór iontu. Ach ní fheadar an domhain cad a tharlóidh. Is iomaí dúshlán atá rompu. Agus is iomaí sceimhlitheoir gur mhaith leis an daonlathas atá acu a scriosadh, is córas na radacach a chur i bhfeidhm.

Ní fheadar an scríobhfar stair gan chlaonadh riamh, ach feicfear an mbeidh cúrsaí ag dul i bhfeabhas nó ag dul in olcas as seo amach, ní hamháin san Iaráic féin ach ar fud an limistéir. Cén tionchar a bheidh ag na Stáit Aontaithe ar chúrsaí? An mbeidh uachtarán againn in 2012 ag a mbeidh tuiscint agus cumas chun tionchar maith a dhéanamh ar chúrsaí? Aon uair nach dtugann Ó Bama neamhaird ar chúrsaí thall, bíonn sé ag díspeagadh ár gcarad agus ag tabhairt misneach dár naimhde, faraor. Is féidir leis na Stáit mórán a dhéanamh chun cúrsaí a fheabhsú. Ach an mbeimid sásta an iarracht sin a dhéanamh? Bíonn ár naimhde ullamh chun a mhalairt a dhéanamh, gan dabht.

Dála an scéil, dóibh siúd atá fós dall maidir le mo thírse, níl talamh ná ola inár seilbh nach raibh againn roimh an gcogadh.

Anois, cathain a bhfaighfimid réidh leis an Afghanastáin/Pacastáin?

An 'Sagart' is Fearr leis an hAindiachaithe

2011-12-06T12:29:00.000-08:00

Chonaic mé rud ar Facebook a thuairiscigh go bhfuil Sagart éigin ag fógairt nach bhfuil Ifreann ann, agus nach raibh i gceist leis ach rud a cumadh chun scanradh a chur ar dhaoine. Tá liobrálaithe ar fud an idirlín ag bualadh bos don 'Sagart' seo. Níl cosc ar rud ar bith ann! Is cuma le Dia pé rud a dhéanaimid!

Cé he an t-eiriceach áirithe seo? John Shelby Spong, sagart agus easpag (ar scor) de chuid eaglais na Sasanach i Meiriceá. Agus ní hé seo an t-aon rud neamh-Chríostaí a mhúineann sé. Ní chreideann sé gur Dia é "Dia." Ní chreideann sé gur Mac Dé é Íosa. Agus i bhfad níos mó. I gcúpla focal, ní Críostaí ar chor ar bith é.

Ach "diagaire" is ea é, mar sin féin. Thug sé léachtaí ag Scoil Dhiagach Harvard, fiú. Tá a fhios ag Dia nach mbíonn mórán atá diagach ag baint leis an scoil áirithe sin le fada an lá. Agus tá a fhios Aige nach mbíonn srian ar gach éinne san eagais Shasanach ar fud an domhain (is iomaí scolt atá ag tarlú inti, mar is iondúil...ach sin scéal eile). Ach nach bhfuil sé thar fóir dóibh Dia féin a shéanadh? Chun a bheith cothrom, tá, dar le duine mór le rá san eaglais sin, Rowan Williams, cinnte, agus leis an móramh, tá súil agam. Thug Williams freagra an-stuama do mo dhuine ("Culturally speaking, the Christian religion is one of those subjects about which it is cool to be ignorant."). Ach fós, is ball den eaglais é Spong, dar leo, go bhfios dom. Is dócha go mbíonn a leithéid in eaglais nó eagraíocht nó fiú tír ar bith - daoine ar fuath leo a n-eaglais nó a n-eagraíocht nó a dtír féin, agus cuireann i gcéill gur baill fós iad díobh.

Sagart/Easpag do na haindiachaithe is ea é, agus sin an fáth go bhfuil mórán daoine an-sásta leis. Cuir "priest says hell is an invention" i d'inneall cuardaigh agus feicfidh tú. Sea, ba é Dia an chonstaic ba mhó dá gcuid creidimh, tuigeann tú. Agus na rudaí a mhúineann na Críostaithe, ba iad na rudaí féin a choimeádann ó Íosa iad...

Má aontaíonn duine leis na tuairimí sóisialta atá acu seo, bíonn siad sásta rud ar bith a deirtear a ghlacadh. Is cuma leo nach bhfuil bunús ar bith leis sa chreideamh atá ann le timpeall dhá mhíle bliain. Is cuma nach n-aontaíonn aon duine eile a thugann Críostaí air féin leis an raiméis atá idir lámhaibh ag an duine seo. Faoi dheireadh, dar leo, tá duine ag insint na fírinne!

Mura gcreideann tú i nDia agus in Íosa a aonmhac, abair é. Ná bí ag cur i gcéill go bhfuair duine eochair don fhírinne a bhíodh faoi cheilt againn gur tháinig an duine is cliste dá raibh ann riamh i measc na milliúin Críostaithe a mhair ó aimsir Chríost go dtí an lá atá inniu ann...

An té nach gcreideann i nDia, chreidfeadh sé rud ar bith, go sách minic, muise.

Níl sé éasca Ifreann a thuiscint. Ach i gcúpla focal, tá grá foirfe ag Dia, AGUS an chóir fhoirfe. Sin an fáth go bhfuil Ifreann (agus an phurgadóir) ann.

Go sábhála Dia sinn ar lasracha Ifrinn. Agus ó dhiagairí andiachacha.*

*Is fuath liom an 'ch' sin - nach raibh 'g' maith go leor don uile focal as an bhfréamh céanna?

Michael D. Higgins, mo Léan

2011-11-02T07:59:00.000-07:00

*Osna*

Bhuel, rinne sé cúpla rud maith don Ghaeilge, ar a laghad. Agus níl fíor-chumhacht aige mar uachtarán, buíochas le Dia. Ach is olc an scéal é gur roghnaíodh duine le tuairimí chomh dona agus chomh baolach agus atá ag Higgins. Is Gaeilgeoir é, agus ní nach ionadh, duine den eite chlé. Agus duine ar fuath leis Meiriceá, ar fuath leis Iosrael, ar mhaith leis Arafat agus na sceimhlitheoirí Palaistíneacha go léir. Ceapann sé gur rud olc é an caipitleachas. Is maith leis Castro agus Ortega (amadán úsáideach eile is ea é, is léir). Agus dar ndóigh, na rudaí ba mheasa a dúirt sé (bréagacha is maslaí), is dócha go ndúirt sé faoi George W. Bush agus na Stáit Aontaithe san Iaráic iad.

Beidh fáilte is fiche roimhe i measc lucht na Gaeilge ar an idirlíon, mo léan géar. Ach níl anseo, cinnte.

Cosúil le cartún a dhéanfaí d'Éireannach de chuid na heite clé is ea é. Agus anois, urlabhraí na hÉireann atá ann. Ní thiocfaidh aon mhaith as sin, dar liom. Fiú má dhéanann sé aon rud ar son na Gaeilge, tharraingeodh sé droch-chlú air mar gheall ar a dhearcadh polaitiúil radacach, dar liom. Is mór an trua go mbeidh íomhá mar sin d'Éirinn os comhair an tsaoil.

Ní minic a chuirim a lán suime i bpolaitíocht na hÉireann (a mhalairt den mhéid suime a chuireann Éireannaigh i bpolaitíocht Mheiriceá...). Ach tá áthas orm nach urlabhraí domsa é (cé nach bhfuil O'Bama i bhfad níos fearr...).

Beimidne ceart go leor i ndiaidh O'Bama, le cúnamh Dé, agus beidh sibhse ceart go leor i ndiaidh an duine bhaoith seo. Ní féidir le ceachtar acu an uile rud a scriosadh. Go mairimid beo. Is go tsaora Dia sinn ón olc.

Botúin Iosrael

2011-10-18T10:53:00.000-07:00

Maraon le mórán daoine eile sa saol sibhialta, bhíos ag guí ar son teacht abhaile slán Gilad Shalit le fada. Fuadaíodh é blianta ó shin, agus ní raibh Iosrael ábalta é a fháil ar ais ó na sceimhlitheoirí. Tá sé fíor-thábhachtach gach ball de fhorsaí míleata Iosrael a chosaint is aon rud is féidir a dhéanamh chun iad a choimeád slán. Ach tá dualgaisí eile ag an rialtas, agus an ceann is mó ná gach saoránach a choimeád slán.

Ní hé seo an chéad uair gur tharla, ach is tubaiste é mar sin féin, go ndearna Iosrael margadh leis an diabhal chun Gilad a fháil ar ais. Scaoil siad saor cúpla céad sceimhlitheoirí, agus beidh breis is míle díobh saor i ndeireadh na dála. Fáilteofar iad abhaile mar laochra i measc na nArabach Palaistíneach, cé gur dúnmharfóirí a lán díobh. Is cinnte go mbeidh an móramh ag fearadh sceimhlitheoireachta ar Iosrael san am amach romhainn. Cuireadh muintir Iosrael i mbaol mar gheall ar dhuine amháin. Ní raibh sé sin ceart, agus ní dhéanfaidh sé maith ar bith do Iosrael mar thír.

Tuigeann na sceimhlitheoirí gur mór is fiú dóibh saighdeoirí Iosrael a fhuadach. Tuigeann siad go mbíonn seans ag sceimhlitheoirí nach maraítear a saoirse a bhaint amach pé rud uafásach a dhéanann siad. Agus i mo thuairim féin, tuigeann siad go bhfuil Iosrael lag ina n-aghaidh. Níl aon dabht ach go ndéanfar ionsaithe eile ar Iosrael, b'fhéidir ní ba mhó ná a dhéanfadh gan an drochmhargadh seo. Agus is mór an trua sin.

Céim siar a rinneadh. Ach mar sin féin, is beag an dóchas go ndéanfar céim chun tosaigh leis na hArabaigh Palaistíneacha go deo, ar a laghad go dtí an t-am a nglacann siad le hIosrael mar chomharsa.

Forghabháil Sráid an Bhalla

2011-10-11T10:54:00.000-07:00

Nuair a bhí mé i mo dhéagóir, lá amháin tosaíodh rafla ar scoil - bhí na daltaí chun dul ar stailc. Ní raibh a fhios ag éinne cén fáth, ach bhí sceitimíní ar gach éinne, mar bhí leithscéal againn gan freastal ar na ranganna. Agus tharla go raibh stailc na ndaltaí ann, cúpla céad duine againn. Bhí an chuid is mó dínn balaithe os comhair na scoile, agus ní dheachaidh mórán daoine go dtí a ranganna. Bhí beagán troiblóide ann. Agus labhair an príomhoide linn. Pé rud a bhí i gceist leis, lean sé ar feadh lá amháin, agus ba chuma linn cad é an toradh a bhí air. Ní raibh ann ach rud spraíúil le déanamh.

Mórán de lucht na hagóide atá ar bun faoi láthair, forghabháil Sráid an Bhalla (agus pé áit eile ab áil leo...), sílim go bhfuil a leithéid sin i gceist. Ní raibh a fhios ag an móramh cad ab áil leo, nó cén toradh a bheadh air. Ach bhí deis acu campáil sna páirceanna agus rud suimiúil a dhéanamh. Tá deis acu cur i gcéill go bhfuil siad bainteach le rud tábhachtach, go bhfuil siad chun difear a dhéanamh (is cuma cén difear...). Is léir nach bhfuil post ag an chuid is mó de na daoine seo. Ach is léir freisin nach bhfuil suim dá laghad ag an chuid is mó de na daoine dífhostaithe iontusan. Leithscéal chun a gcuid ranganna a chur ar leataobh atá i gceist, b'fhéidir.

Mar is iondúil, tá roinnt daoine páirteach ann a bhíonn in éadan an uile rud, lucht na heite clé, dar ndóigh. Ní maith leo an caipitleachas. Ní maith leo daoine le hairgead (cé gur daoine saibhre roinnt díbh féin...). Is ainrialaithe dáiríre roinnt díbh. Agus an chuid eile, nach bhfuil ann ach le haghaidh an spraoi? Daoine gan chiall iad, faraor. Daoine saonta aineolacha nach dtuigeann aon rud faoin saol mar atá (cé go maíonn siad go bhfuil siad ag labhairt ar ár son...). Tá siad chomh hamaideach go raibh na meáin is na ceardchumainn mall chun glacadh leo. Ach bíonn feidhm le baint astu, agus tá na daoine sin ag tacú leo anois. Deirtear gur ionann an dream seo agus an Tea Party. Cé nach bhfuil aon bhaint eatarthu, le fírinne. Níl siad sásta le polasaithe an rialtais - ach ní féidir leo aon rud olc a rá faoi Obama, dar ndóigh. Cuireann siad an milleán ar lucht an rachmais (mar a dhéanann Obama). Ach tá sé mar aidhm ag an Tea Party cosc a chur ar na polasaithe atá ag loit na tíre, agus an caitheamh amú airgid atá ar siúl ag Obama is a chomhghlacaithe. Is cuma sa tsioc sin leis an drong seo. Ba mhaith leosan níos mó airgid a thógáil uathu nach bhfuil thíos ag an rialtas cheana, agus é a fháil dóibh féin. Nó rud mar sin...

Cacamas amach is amach atá i gceist leis an ngluaiseacht seo. Níl aon duine sásta, ach tá Obama go breá. Ní mór dúinn cúrsaí a athrú - ach go bunúsach! Ba mhaith leo daoine gan saint. Bhuel, níos mó ná sin! Comhlachtaí gan bhrabús! Dóbair go bhfuil sin againn cheana, faraor. Daoine gan airgead! Tá Obama ag obair air sin, mo léan. Réabhlóid na ndaoine! B'fhearr liom mo vóta a chaitheamh, agus mo thír a shábháil, le cúnamh Dé, in 2012. Téidís ar ais go dtí a ranganna. Tá seans beag bídeach ann go bhfoghlaimeoidh siad beagán faoin ngeilleagar, a dtír, is an saol mar atá. Mura bhfuil na sean-hippies dá múineadh...

Tá rud amháin i gcoiteann ag an Tea Party leis na daoine seo. Nílimid sásta leis na bailouts. Ceapann siadsan gur tharla go bhfuair na comhlachtaí seo mórán airgid mar gur daoine (an daoine iad comhlachtaí dóibh?) sainteacha iad. Tuigeann an Tea Party gur tharla mar níor thuig an rialtas conas aon mhaith a dhéanamh, agus gur mhaith leo 'spread the wealth around' seachas an caipitleachas a neartú is a chothú. Ní maith le lucht OWS nach bhfuair siadsan ár gcuid airgid (cé go bhfuair, i ngan fhios dóibh, mar fuair na ceardchumainn a lán airgid...). Ní maith le lucht an Tea Party go bhfuair éinne ár gcuid airgid. Sin difear mór, dar liom.

Tóbhárais Pútain

2011-09-28T12:36:00.000-07:00

Is iomaí comhartha atá ann le fada nach bhfuil cúrsaí sa Rúis ag dul i bhfeabhas. An raibh amhras ar éinne nach raibh ann in Medvedev ach ionadaí Putin? Agus anois, beidh siad ag malartú áiteanna arís.

Conas atá an daonlathas sa Rúis? Na daoine nach raibh sásta leis riamh, tá cumhacht ag a lán acu arís (Putin san áireamh), agus bíonn an rialtas níos cumhachtaí i gcónaí ansin. Níl cearta ag aon chomhlacht ná aon duine in éadan na daoine cumhachtacha. Níl sé go díreach chomh dona agus a bhíodh faoi na cumannaithe, ach tá cúrsaí ag dul sa treo sin arís, faraor. Is iomaí corpach atá i mbun cúrsaí gnó ansin, mar ní raibh buntús maith ann nuair a d'iopaigh siad ón gcumannachas. Fós féin, tá sé fíor-bhaolach más corpach gnó thú agus má éiríonn tú ró-chumhachtach. Cuirtear i ngéibhinn a leithéid - mura maraíodh.

Agus leis sin uile, tá aidhmeanna ag Pútain mar a bhíodh ag Stalin, b'fhéidir. Ba mhaith leis an impireacht a ath-chumadh. Ní deireann sé sin go díreach, ach sin a bhfuil i gceist, gan amhras. An gcreideann éinne é, nach mbeadh ann ach aontas mar an tAontas Eorpach (agus nílim ag rá nach mbíonn siadsan ag dul i dtreo an tseanaontais sóivéidigh...)? An mbeadh muintir an Úcráin sásta ní ba mhó cumachta a thabhairt ar ais do na Rúisigh? Nó aon stát iar-spleách eile? Go sábhála Dia iad.

Ní mór don Iarthar (pé cuid de a bhfuil fágtha mar fhórsa domhanda) súl ghéar a choimeád ar an Aontas Sóivéideach...úps...ar an Rúis. Cairde na Iaráine, agus a lán droch-rialtas eile, dar ndóigh. Níl an chumhacht acu mar a bhíodh. Ach is féidir leo fós a lán diabhála a dhéanamh.

Fógra Aontaobhach na bPalaistíneach

2011-09-27T11:54:00.000-07:00

Mar gheall ar laige agus míthreoir Obama, agus nimh bhuan na nArabach is a gcairde, tá na hArabaigh Phalaistíneacha (bhuel, roinnt díobh - an bhfuil duine amháin i mbun ansin in aon chor?) ag fógairt sna Náisiúin Aontaithe go bhfuil tír acu, agus ag iarraidh aitheantas oifigiúil a fháil. Ba mhaith leo bheith ina mball de na NA. An rud ciallmhar sin? Cén fáth anois?

Ba mhaith leis na Palaistínigh a stát féin, deir siad. Ach tá a leithéid sin ar fáil dóibh ó 1947 ar aghaidh. Dhiúltaigh siad í gach aon seans a tugadh dóibh. Cén difear atá ann anois? Ba mhaith leo fáil réidh leis an uile chaint faoin síocháin le hIosrael. Níor mhaith leo fiú admháil go bhfuil tír Ghiúdach Iosrael ann. Cé go bhfuil Iosrael ina ball de na NA óna tosach. Agus cé go seasann an dearcadh sin in éadan gach cuspóir na NA. Sea, níl sé dleathach, fiú, tír nach bhfuil sásta meas a thabhairt do bhaill eile na NA mar thíortha lena gcearta féin a bheith ina ball de na NA dár lena gcairt féin. An dtiocfadh aon mhaith as? Thiocfadh a mhalairt, mar atá.

Níl aon cheart acu bheith ina dtír ná ina mball de na NA gan glacadh le hIosrael. Seachas sin, ní bheadh ann ach spreagadh eile do na sceimhlitheoirí chun ionsaithe eile a dhéanamh ar Iosrael. Agus má tharlaíonn sin ó thír go hoifigiúil, bheadh cogadh ann gan srian.

Blianta ó shin, bhí Iosrael ag déanamh a macnaimh ar chúrsa cosúil leis - chun fáil réidh leis an gcóras síochána (mar dhea) agus na Palaistínigh. Mura mbíonn réiteach ann, cheap siad, ní bheidh aon fheabhas ar chúrsaí, agus níl ann le déanamh ach scarúint óna chéile agus a dtír fhéin a chosaint. Bhí siadsan chun éirí as lorg an réitigh, mar bhí siad gan dóchas. Ach ní dhearna siad amhlaidh, cé go ndearna na Palaistínigh a ndícheall chun a ndóchas a mhúchadh. Bhí seans ann (agus tá, ar éigean), go nglacfadh na Palaistínigh le hIosrael mar chomharsa, agus go mbeidís ábalta bheith ina dtír neamhspleách neamhurchóideach. An bhfuil aon dóchas ann fós? Ní fheadar.

Táim cinnte, ámh, má thugtar aitheantas don Phalaistín mar thír go díreach in aghaidh chuspóir na NA agus mar thír nach n-aithníonn Iosrael, ní bheidh ann ach cogadh agus beidh cúrsaí i bhfad níos measa do na hArabaigh Phalaistíneacha, agus do mhuintir Iosrael. Agus pé maith atá ann sna NA (agus is beag an mhaith sin, dar liomsa), bheadh sé scriosta gan leigheas.

B'fhéidir go bhfuil sé in am fáil réidh leis an NA faoi dheireadh. An ndearna siad aon mhaith riamh?

Ní bhíonn aon mhaith sa chogadh, ach minic go leor bíonn deireadh leis an dtroid, ar ball, mar gheall air (go dtí an chéad troid eile). Ní bhíonn ann i bpróiseas na síochána minic go leor ach cogadh mall. Ach go háirithe sa chás seo, bheadh sé rí-dheacair cogadh a bheith ann idir an Phalaistín agus Iosrael gan gach tír mórthimpeall orthu a spreagadh chun cogaidh, agus b'fhéidir a lán tíortha eile. Bheadh sé go dona ar fad, pé scéal.

Dá mbeadh éinne i ndáiríre faoin síocháin, ba chóir dóibh brú ar na Palaistínigh is a gcairde aitheantas ceart a thabhairt do Iosrael agus comhréiteach a ghlacadh léi. Faraor, bíonn lucht na síochána (mar dhea) ag spreagadh a mhalairt. Go díreach mar a b'áil leis na hArabaigh tír Phalaistíneach gan Iosrael, ba mhaith lena gcairde síocháin gan Iosrael. Ní bheidh Iosrael Judenrein go deo, ámh, agus ba chóir dóibh sin a thuiscint.

Cur i gcéill nó olcas níos measa atá i gceist sna NA faoi láthair. Ach, mo léan, nach é sin mar a bhíonn?

"Weakness and ambivalence lead to war."
GEORGE H.W. BUSH, RNC acceptance
speech, August 18, 1988

Na hUimhreacha

2011-09-19T09:51:00.000-07:00

Tá áthas orm a rá, tar éis níos mó taighde, nach bhfuil an mhéim a luaigh mé anseo chomh coitianta agus a cheap mé. Ní raibh mé ábalta é a fháil ar an idirlíon. Tá an dearca sin ann, cinnte, ach ní deirtear é chomh hoscailte sin go minic, is dócha (cé go ndeirtear).

Mar sin féin, luaitear uimhreacha minic go leor a bhaineann le cogaidh Mheiriceá an lae inniu, agus ba mhaith liom foinsí na n-uimhreacha sin a fháil. Níl sin éasca ar an idirlíon ach oiread. An fhoinse is fearr a fuair mé na wikipedia. Tá alt cuimsitheach ann faoin Iaráic agus ceann eile faoin Afganastáin.

An uimhir is mó a luaitear i measc na bhfrithMheiriceánach, sin cuntas The Lancet. Bhí sé sin an-chonspóideach ón dtosach. Bhain sé le hiarracht frith-chogaidh ag an am, leis an bpolaitíocht, agus le foinsí nach raibh iontaofa ar chor ar bith. Féachaint gurb é an t-arm is mó atá ag na sceimhlitheoirí ná an bholscaireacht, déantar i gcónaí gach iarracht chun na 'fíricí' is measa a scaipeadh, agus bíonn daoine báúla ann i gcónaí sna meáin chumarsáide chun treisiú lena leithéid. Mar atá, níl a fhios ag éinne cad iad na huimhreacha cearta i measc muintir na hIaráice srl., ach tá sé an-amhrasach go raibh an ceart ag The Lancet.

Pé scéal, tá níos mó ná uimhreacha i gceist, dar ndóigh. Ní ionann na daoine a fuair bás agus na daoine a mharaigh na Stáit Aontaithe. An chuid is mó de na daoine, agus na sibhialtach go háirithe, a maraíodh, mharaigh sceimhlitheoirí agus trodairí seicteacha iad (is a chéile). Gan smacht Saddam, is iomaí duine a rinne trioblóid. Agus tháinig sceimhlitheoirí ó gach tír mórthimpeall chun fadhbanna a dhéanamh, go háirithe as an Iaráin is an Phacastáin. Bíonn níos lú daoine ag fáil bháis nuair a bhíonn níos mó smachta ag forsaí na Stát agus a gcairde. Agus tá a lán dul chun cinn ann, san Iaráic is san Afganastáin.

Chaileann na Stáit saighdeoirí go leor chun cabhrú leis na tíortha seo. B'fhéidir linn imeacht, ach bheadh cúrsaí i bhfad ní ba mheasa inár n-éagmais (agus is cinnte gur bhreá linn imeacht!). Sea, bhí cúrsaí dona go leor sular thángamar go dtí na tíortha sin. Is iomaí duine a mharaigh Saddam, agus na Talaban. Níl cabhair uainne de dhíth dá leithéid chun daoine a mharú. Déarfainn gur stadamar níos mó ná a rinneamar. B'fhéidir sin a phlé, dar ndóigh. Ach níl aon dabht ach go mbeadh cúrsaí ní ba mheasa gan cabhair uainne anois.

Sin go léir ráite, tá fadhb bunúsach le smaointe lucht na n-uimhreacha. Creideann daoine go leor go bhfeartar cogaidh ar dóigh cosúil le cluiche peile. Má bhaineann taobh amháin uimhir amach taismeach atá cothrom leis an taobh eile, agus duine níos mó, tá an bua acu. Ach ní bhíonn an cogadh mar sin riamh. Ní hé sin cuspóir d'aon chogadh. Fearadh agus feartar na cogaidh seo chun an sceimhlitheoireacht a chosc, agus chun na Stáit is a gcairde a chosaint. Chomh fada agus nach mbeidh an Iaráic agus an Afganastáin ábalta iad féin a chosaint agus smacht a choimeád ar lucht na sceimhlitheoireachta, beidh orainne iad a chabhrú. Thugamar seans dóibh, agus tá sé ceart agus cóir go seasfaimid leo chun toradh maith a bhaint amach as an uile a rinneamar go léir go dtí an bponc seo. Níl sé éasca. Deir daoine áirithe nach bhfuil sé indéanta. Ach creidimid mar thír gur féidir leis na hIaráicigh agus na muintir an Afganastáin chomh fada agus is féidir le haon tír eile. Beidh taismigh ann, faraor. Ach bheadh cúrsaí i bhfad ní ba mheasa dá ngéillfinn do na sceimhlitheoirí. Is mór an trua nach mbíonn gach tír agus gach duine ag obair linn ar son na saoirse is ar son an chirt, seachas ag scaipeadh bréagacha is ag tabhairt misneach do na sceimhlitheoirí - lucht "na síochána" (mar dhea) go háirithe. Bheadh ní ba lú taismeach ann dá ndéanaidís amhlaidh.

Níl an saol chomh simplí leis an matamaitic.

Méim Mhaslach (Eile)

2011-09-16T06:58:00.000-07:00

Tá méim ag dul timpeall i láthair na huaire, i measc luchta gan smaointe, a deir rud cosúil leis an méid seo leanas:

Is mór an trua gur tharla 9/11, ach is níos measa fós gur mharaigh na Stáit Aontaithe cúpla céad míle duine mar dhíoltas fola air.

Cé acu is measa? Go bhfuil daoine ann a chreideann a leithéid, nó go bhfuil daoine ann ar mhian leo a leithéid a chreidiúint? Níl ann ach nimh in aghaidh na Stát. Ní féidir go bhfuil aineolas i gceist. Nimh ar dtús, leisce ina dhiaidh sin. Sea, is iomaí duine a dhéanann athrá ar an méim seo nach smaoineann ar chor ar bith faoi, agus go hiondúil is daoine deasa iad. Chuala mé a leithéid ó shagart Dé Domhnaigh. Chonaic mé ar Facebook é (agus ba mhaith le mórán daoine é - nílim cinnte gur daoine deasa iadsan). Is smaoineamh réamh-smaointe é dóibh siúd nach bhfuil sásta a machnaimh féin a dhéanamh ar an domhain, agus a ghlacann (gan smaoineamh) gur olc an tír í na Stáit Aontaithe, agus bun agus barr gach fadhb ar domhain sinn (ach mar gheall ar Iosrael, dar ndoígh). Agus ní shíleann siad gur olc an dearca sin, mar (is dócha) gur chuala siad é ó lucht na ndea-smaointe (mar dhea).

Tá sé fíordheacair dom sin a thuiscint. Nach iadsan na daoine céanna a bhíonn ag rá nach smaoineann aon duine nach bhfuil liobrálach (sa chiall choitianta mhícheart)? Is deacair tús a dhéanamh le freagairt, mar is léir thar aon fhocail dom gur bréag nimhneach atá sa ráiteas sin nach bhfuil ciallmhar in aon chaoi. Ní fiú focail a chur amú ar dhaoine a ghlacann le bréag chomh holc is chomh hamaideach sin, ach seo cúpla focal ar aon nós, ar eagla na heagla.

Dá mbeadh sé in a chuspóir ag SAM mórán daoine a mharú mar chúiteamh ar ionsaí a rinneadh orainn, tá na hairm is cumhachtaí ar domhain againn, agus b'fhéidir linn céad míle duine a mharú i nóiméad amháin. Ach ní dhéanann SAM amhlaidh.

Dá mbeadh sé ar nós cuma liom ag SAM maidir le marú sibhialtach, bheadh i bhfád ní ba mhó daoine marbh ná mar atá. Ach a mhalairt atá fíor, dar ndóigh. An bac is mó atá ar arm na Stát ná go mbíonn siad rí-chúramach i gcónaí gan sibhialtaigh a mharú. Mar a tharlaíonn, sin an buntáiste is mó atá ag sceimhlitheoirí. Sin an fáth go bhfuil aon chumhacht ar bith sa sceimhlitheoireacht. Tá a fhios acu nach mbeidh sé éasca iad a mharú agus iad i bhfolach i measc na ngnáthdhaoine, agus tá a lán fhios acu nach ndéanann tíortha sibhialta slad ar an uile dhuine má tá rogha ar bith ann. A mhalairt scéil leosan, dar ndóigh. Sin an rud is fearr leo.

Tá an ceart ann mar rud, agus maraítear daoine mar Osama agus Saddam mar gheall ar an gceart. Tá cogadh ann mar rud, agus maraítear daoine a dhéanann ionsaí orainn agus a throideann chun tacú leis na daoine sin. Níl aon aiféala orainn gur maraíodh a leithéid, agus níl aon rud mícheart ann. Go maraítear gach uile sceimhlitheor, go stadann siad. Sin an cuspóir: cosc a chur ar an sceimhlitheoireacht, agus sinn féin (agus ár gcairde) a chosaint. Sin uile.

An chuid is mó de na daoine a fhaigheann bás san Afghanastáin agus san Iaráic, maraíonn sceimhlitheoirí iad. Is iadsan an namhaid. Ach ní ghlacann iad siúd ar fuath leo Meiriceá sin, mar gheall ar an nimh atá iontu. Agus sin an trua is mó.

Tarlaíonn rudaí mar gheall ar fhocail, agus is olc an rud é athrá a dhéanamh ar fhocail olca. Faigheann daoine bás mar gheall ar a leithéid, mar tugann sé misneach don namhaid. Níl aon leithscéal ann. Ná déantar.

Deich mBliana

2011-09-11T07:45:00.000-07:00

Ar dheis Dé go raibh siad, an uile dhuine a maraíodh cothrom an lae seo deich mbliana ó shin.

Deirtear i gcónaí gur athraíodh an saol ar an lá sin, agus is fíor sin. Ar dtús, cheapamar gur thángamar le chéile mar aon. Ach sul i bhfad, d'fhoghlaim mé an ceacht ceart. Scaradh atá ann, faraor. Tá daoine ann ar fuath leo Meiriceá, ar fuath leo mo chomharsana is mo chairde gaol, ar fuath leo mise. Ar ball, is oth liom a rá, d'fhoghlaim mé go raibh a lán daoine a cheap mé orthu mar chairde ina measc. Níor mharaigh siad mo chomharsana, ach ba é an fuath céanna a chonaiceamar iontu. Ón uair sin, thosaigh mé ar mo thír a chosaint ón nimh sin, agus ón raiméis a deirtear i gcónaí fuithi. Ní féidir liom mórán a dhéanamh, ach is cuma sin. Ní bheidh mé i mo thost riamh arís.

Níor thosaigh an fuath ar an lá úd. Níor múchadh é, ach an oiread. Guím go mbeidh deireadh leis lá éigin. Idir an dá linn, déanfaidh mé mo dhícheall an fhírinne a scaipeadh, agus céim ar chéim, má dhéanaimid go léir ár ndícheall, lá éigin b'fhéidir, tiocfaimid le chéile agus beidh deireadh leis an bhfuath. Le cúnamh Dé.

Rinneadh dochar uafásach ar an lá sin. Ach cuireadh maitheas ar bun, freisin. D'fhoghlaimíomar cé chomh hiontach is atá na fir dhóiteann, na póilíní, srl. Agus ina dhiaidh sin, na saighdiúirí. Thánaig an mhaith is mó chun solais i ndaoine áirithe. Agus an t-olc is measa i ndaoine eile. Tá cúrsaí níos soiléire. Níos dáiríre.

Tarlaíonn eachtraí mar 9/11 mar gheall ar fhocail is smaointe olca. Níl a leithéid inghlactha gan troid ina gcoinne níos mó. Tá an saol difriúil.

An bhFuil an Saol ag Titim as a Chéile?

2011-08-12T14:35:00.001-07:00

Cheapfaí sin uaireanta, cinnte. An tóin ag titim as an stocmhargadh, géarchéim eacnamaíochta an domhain, ciréibeanna i Sasana - agus fiú tá liobrálaithe ann nach gcreideann níos mó gur dia é Obama!
Bhí duine (eile) anseo i Meiriceá ag fógairt deireadh an domhain tamall ó shin. Bhí dul amú air, dar ndóigh. Ach nach mbíonn imní ar an uile dhuine le déanaí!
Don chéad uair le fada an lá, tuigtear go bhfuil fadhbanna móra ann agus táthar ag dul i ngleic leo faoi dheireadh, buíochas le Dia. Beagán ar bheagán, casfar an long eitleán (sula mbualann sí cnoc oighir!).
Idir an dá linn, go mairimid beo an t-am seo arís, agus go raibh feabhas ar chúrsaí luath go leor! Misneach! Cothaíonn imní níos mó imní, go dtí an uair nach bhfuil ann ach imní - agus is é sin is bunsocair le cuid mhaith de fhadhbanna an lae inniu. Sin agus polaiteoirí ag mún ár gcuid airgid ar fud na háite...

Cúrsaí Reatha

2011-07-18T06:45:00.000-07:00

Níor scríobh mé aon rud anseo le fada anuas. Tá cúpla cúis ann, is dócha. Ní raibh an pholaitíocht an t-ábhar ba mhó i mo shaol, cinnte. Agus leis sin, de ghnáth, nochtaím tuairimí anseo a mbím réasúnta cinnte fúthu. Leis na scéalta is mó le déanaí, diabhal fhios agam cad a tharlóidh. Ach seo buailtí faoi thuairim, ar aon nós.

Cé go bhfuil gach rialtas corraithe agus athruithe go leor ag tarlú sa Mheán Oirthear, faraor, ní shílim go mbeidh cúrsaí i bhfad níos fearr ann. Níl a fhios ag éinne an bhfuil na daoine nua níos fearr ná na sean-aintiarnaí. Ní shílim go mbeidh rialtas na hÉigipte níos fearr - tá siad níos measa go fóill. An bhfuil seans ag na daoine sa tSiria agus san Iaráin, na tíortha is measa? Gan chabhair ó amuigh, nach dtiocfaidh, ní dóigh liom. Ach guímis. Agus cad atá ar siúl maidir leis an Libia, in ainm Dé? Ionsaithe gan chúis ar dheachtóir a bhí 'leasaithe' le fada - agus an eite chlé chomh ciúin le luch! Cad atá difriúil an uair seo? Hmmm. Bhí cúis ann maidir leis an Iaráic agus an Afganastáin, a nochtadh roimh ré (fiú mura nglac tú leis)... Bhí na hionsaitheoirí dáiríre chun bua a fháil sna cásanna sin... Fuarthas cead ó gach tithe rialtais sna Stáit sula ndearna an t-uachtarán na hionsaithe sin... Agus bhí an eite chlé ar buile. Ach anois, a mhlairt scéil ar fad. Suimiúil.

Maidir le gach athrú a raibh an t-uachtarán BHO le déanamh, bhuel, cad a tharla? Beagnach gach polasaí Bush a bhain le cogadh, tá siad i réim fós. Cá bhfuil na hagóideoirí? Bhuel, tá difir ann cinnte. Cuirimid isteach ar gach sean-chara a bhíodh againn, agus nílimid ag déanamh aon chara nua. Ní shíleann tíortha an domhain go bhfuil na Stáit iontaofa mar chara agus an t-uachtarán seo againn. Saonta, cinnte, ámh. Agus tá an saol níos baolaí mar gheall air.

Maidir le cúrsaí eacnamaíochta, tá Obama caillte sa choill agus bíonn sé ag iarradh gach rud mícheart a dhéanamh i gcónaí. Agus dar ndóigh, cuireann na meáin chumarsáide gach locht ar an bhréasúra... Galar domhanda atá ann le fada, níos mó airgid ná mar atá ann le caitheamh, agus níos mó ná riamh, gan smaoineamh ar a íoc ar ais. Ach i dtíortha áirithe, tháinig na billí isteach ní ba thapúla ná a bhí siad ábalta fiacha nua a bhailiú, fiú, agus thit cúrsaí as a chéile (arís). Anois, faoi dheireadh, tuigtear nach féidir linn leanúint ar aghaidh mar seo. Agus an réiteach? Níos mó airgid a chaitheamh! Go sábhála Dia sinn.

Tá bua amháin ag an uachtarán seo, cinnte, agus sin chun airgead a chaitheamh. Tá fiacha an rialtais níos mó ón am a raibh BHO ina uachtarán ná ón am go léir (8 mbliana) a raibh Bush ann. Agus ní raibh Bush tíosach in aon chor!

Maidir le hÉirinn agus cúrsaí an gheilleagair...bhuel, an maith libh bhur máistrí...ní hea, bhur gcairde ar an mórthír anois? Baineann buntáistí leis an neamhspeáchas, cinnte...

Bhuel, níl réiteach ar bith agam ar chúrsaí an domhain. Ach tá rudaí eile ann sa saol seo atá níos taitneamhaí ná aon rud mar seo, cinnte. An Gael, mar shampla. Tá irisleabhar idirnáisiúnta na Gaeilge seo ag dul ó neart go neart. Tá innéacs suimiúil ar an suíomh anois, freisin. Fágaimis an pholaitíocht ar leataobh ar feadh tamaill. Tá beatha an duine ró-ghearr.

Díoltas

2011-05-02T06:45:00.000-07:00

Tá anam duine eile in Ifreann, agus ní cúis cheiliúrtha sin. Ach is cúis áthais don saol seo go bhfuil Osama Bin Ladin imithe uainn. Beagnach deich mbliana ó shin, chroch mé suas mo bhratach sa bhaile mar gheall ar an ionsaí uafásach sin a rinneadh orainn. Rinne mé amhlaidh ar maidin mar tá an duine a cheap agus a rinne an t-ionsaí sin marbh. Más mall, is mithid.

Anois, ba chóir don saol ar fad súil ghéar a chaitheamh ar an bPacastáin. Is léir go raibh a fhios ag a lán daoine ansin cá raibh Osama. Is léir go bhfuil daoine cumhachtacha in arm na tíre agus sa rialtas salach. Níl aon rud críochnaithe.

Tá sásamh le baint as an díoltas seo ar Osama. Ach níl aon duine beo arís a mharaigh sé mar gheall air, ámh. Níl aon réiteach air sin. Ach is rud tábhachtach é an ceartas. Is fearr as ná ann é, gan amhras ar bith. Is breá an nuacht seo, cinnte.

Tá súil agam go bhfeicfimid an fhianaise go luath. Ní mór go mbeidh an saol cinnte go bhfuil sé marbh le fírinne. Agus le cúnamh Dé, tá siad ag éisteacht go cruinn leis na daoine atá ag caint faoi agus a dhrochchúis a choimeád beo. Go raibh an díoltas céanna orthusan.

Beannacht Dé ar na "rónta" a rinne. Tá an uile dhuine sibhialta ar an domhain buíoch díobh, mise san áireamh. Ceiliúirimis.

Lá Idirnáisiúnta na mBan sa Saol Arabach

2011-03-09T06:39:00.000-08:00

Ar chúis éigin, ní minic a bhíonn gníomhaithe ag gearán faoi chás na mban sna háiteanna is measa dóibh. Bíonn sé i bhfad níos éasca a rá nach bhfuil jabanna go leor ann nó pá ard go leor nó rudaí amhrasacha eile, ag díriú ar thíortha sibhialta an domhain. Ní bhíonn siad ag moladh an dul chun cinn atá (a bhíodh?) ann i dtíortha mar an Iaráic agus an Afganastáin, dar ndóigh. Mar, is oth liom a rá, bíonn an chuid is mó de na gníomhaithe ina liobrálaithe, agus mar sin, ní mór dóibh seasamh ina n-aghaidh féin mar mhná i gcónaí.

Mar shampla, an ceart is mó dá bhfuil ann do bhean, sin a beatha féin a bheith tábhachtach agus cosanta faoin dlí. Ach seasann na daoine seo leis an nginmhilleadh, a mharaíonn na milliúin bean gach bliain. Seasann na daoine seo leis an ilchulturas, agus ceapann siad go bhfuilimid go léir mar an gcéanna. Is cuma nach bhfuil ceart ar bith ag bean faoin dlí sharia. Tá cearta ag mná in Iosrael, ach is fearr leo na hArabaigh ina timpeall. Ach is léir ó imeachtaí na seachtaine seo san Éigipt agus sa Súdáin conas a phléitear le mná sa saol Arabach, go rí-mhinic. An gá dom milleadh na mball giniúna agus an marú ar son na honóra a lua? An t-éagnú córasach agus an sclábhaíocht, fiú? Ach tá gach cultúr inchurtha lena chéile. Níl sé ceart dúinn iad a cháineadh. Tá sé baolach sin a dhéanamh, pé scéal.

Ach dá seasfadh mná an domhain leo siúd atá thíos fós, cá bhfios nach mbeadh difear ann?

As a Meabhair

2011-01-10T10:51:00.000-08:00

Chuala sibh, is dócha, gur lámhaíodh a lán daoine in Tuscon Arizona ar an deireadh seachtaine. Chuala sibh, gan dabht, to bhfuil daoine ag díriú a méara i dtreo Sarah Palin agus lucht na cóisire tae. Aon uair go mbíonn deis ann, insíonn daoine áirithe a leithéid de bhréagacha gan bhunús. Bhí gealt ann a lámhaigh na daoine sin, gan baint ar bith le polaitíocht daoine normálta.

Ní rud nua a leithéid. Nuair a maraíodh an tUachtarán Cinéide, dúradh a leithéid (gan bhunús). Ní dóigh liom go ndearna an eite dheas sin, fiú nuair a lámhaíodh an tUachtarán Réagan. Ach ní mór don eite chlé deamhain a dhéanamh díobh siúd nach n-aontaíonn leo, minic go leor, agus bíonn na nuachtáin is na tuairisceoirí teilifíse ann chun cabhrú leo.

Sa chás seo, thosaigh sirriam leis. Ní raibh sé de cheart aige aon rud mar sin a rá, ach sin an nós. Is breá le daoine ceap milleáin a fháil, go háirithe nuair is fuath leo na daoine sin cheana. Is leithscéal maith sin chun foréigean a imirt ar na daoine sin. Sea, mar is iondúil, bíonn a mhalairt de thoradh ar an rud a deir an eite chlé. Tragóid a tharla, gan chúis le fuath is foréigean eile a chothú. Ach níl aon náire ag na meáin thraidisiúnta (an móramh, ar a laghad).

Deis iontach eile is ea é seo dóibh siúd ar fuath leo gunnaí, freisin, dar ndóigh. Nuair atá daoine corraithe mar gheall ar dhrocheachtra mar seo, sin an uair is fearr dóibh cearta úinéirí gunnaí a chosc. Ach ní dhéanfadh sin ach dochar. Ní dhéantar aon dlí maith go tapaidh, agus ní mór gach taobh de cheist a thuiscint. Is maith an rud é nach mbeidh an chomhdháil ag déanamh a lán oibre an tseachtain seo.

Mar a deirtear, dá mbeadh gunnaí mídhleathach, ní bheadh gunnaí ach ag na coirpigh. Féach ar Mheicsiceo. Ach fós féin, níl aon ghá le gunnaí ag dúnmharfóirí. Bíonn siad an-úsáideach chun daoine (agus tú féin) a chosaint, mar a tharlaíonn.

Uafás i Sasana

2010-12-10T07:37:00.000-08:00

Rinneadh drochbheart i Sasana. Ionsaí (eile) ar an gCríostaíocht, de réir dealraimh. Fiú murab amhlaidh i gceann an chreachadóra a rinne, is léir nár thug sé meas madra do thraidisiún agus creideamh na ndaoine. Scriosadh crann naofa Glastonbury.

Scrios Cromail é don chéad uair, ach shábháil na daoine píosaí beo de, agus ath-phleandáileadh é ar an bhfód céanna timpeall seasca bliain ó shin. Le cúnamh Dé, déanfar amhlaidh arís.

Ní braitheann an Chríostaíocht ar chrann, dar ndóigh. Ach is samhail é seo do mheath na Críostaíochta i Sasana, faraor. Feictear an troid spioradálta san eachtra seo. Bhí cuairt an Phápa agus naofacht Neumann agus rudaí an-dearfach ann i mbliana. Agus freagra ón diabhal anseo.

Cá bhfios nach díreoidh an droch-bheart seo aire na ndaoine ar a stair is a gcreideamh arís? Tá gach rud indéanta do Dhia. Guímis ar Shasana, go háirithe ar mhuintir Glastonbury.

Éire Faoin Uisce

2010-11-23T07:53:00.000-08:00

Tá an chóisir thart, tá na billí ag teacht isteach, agus tá póit ar gach éinne. Cé hé a chuir an píosa caca sa bhabhla puinse?

Tá cúiseanna áirithe ann don ghéirchéim atá ann. Sheas an rialtas leis na bainceanna, mar ráthóir. Agus cén fáth nach ndéanfaidís amhlaidh? Tá an rialtas ag caitheamh airgid gan teorann mar gheall ar an airgead a rinne na bainceanna dóibh. Ach bhí na bainceanna as smacht, ag brath ar fhás gan deireadh i margadh an estáit réadaigh. Agus cá bhfuair siad an t-airgead, nó, chun a bheith beacht, an creidmheas, chun an droch-ineistíocht sin a dhéanamh?

Dar leis an alt seo, lena n-aontaímse, is é an euro is cionsiocair leis an bhfadhb, níos mó ná aon rud eile. Mar gheall ar an éagothroime idir geilleagair na dtíortha beaga agus na dtíortha móra, bhí buntáiste ag na tíortha beaga chun níos mó creidmheasa a fháil ná ba chóir. Agus féachaint nach raibh a gcuid geilleagar chomh láidir, bhí ní ba lú cumais acu na fiacha sin a íoc ar ais, go háirithe dá mba géirchéim ann. Bhuel, bhí an gaiste curtha.

Agus anois le cúrsaí mar atá, níl aon réiteach ann ach a bheith ag brath ar na daoine céanna atá ciontach as an bhfadhb. Chun an euro a shábháil, ní mór don AE seasamh leis na tíortha beaga bochta a bhíodh ar an ndrabhlás. Agus beidh le tuiscint níos fearr cé chomh mór is atá an chumhacht a thug Éire don Aontas Eorpach uirthi.

Bhí a fhios ag daoine áirithe nach raibh an euro oiriúnach do gach tír agus go mbeadh fadhbanna móra ann. Ach is beag Éireannach a d'éistfeadh leo...

(Tá míreanna eile ar an mblag seo ar an ábhar seo - déan cuardach ar 'euro' chun iad a fháil).

Neamhchiontach

2010-10-15T11:41:00.001-07:00

Breithiúnas ceart a rinneadh san Ísiltír. Fuar siad nach raibh Geert Wilders ciontach as aon choir ar bith.
Ní maith liom (mar Mheiriceánach) an dlí agus go raibh sé cúisithe ar chor ar bith, ach ar a laghad, fuair sé a cheart.
Anois agus an siorcas sin thart, ní mór don tír sin (agus don uile thír) díriú ar an saincheist - cén iompar atá ceart i leith an Ioslamachais?

Abajo Comunismo!

2010-10-12T09:50:00.000-07:00

Sin an rud deireanach a dúirt a lán daoine, mar lámhaíodh iad os comhair balla, mar gheall ar Ché Guevara. Minic go leor, mharaigh Ché féin iad. Thaitin sin go mór leis. Ach amháin mar dhúnmharfóir, is beag an rud mór a rinne sé. Ach tá cáill agus clú air mar réabhlóidí! Laoch do dhaltaí ollscoileanna ar fud an domhain is ea é - agus an t-léine sin! Conas a tharla go bhfuil íomhá comh cáilliúil agus clú chomh mór ag duine chomh holc seo?

Nuair a bhí sé beo, bhí daoine mar Jean Paul Sartre agus cumannaigh eile na hEorpa (les bien pensant) tóghtha leis. Ach i ndiaidh a bháis a fuair sé an clú ba mhó. Bhain Castro feidhm as tar éis a bháis mar Guerrillero Heroico le chur os comhair na n-amadán úsáideach, agus bhí a lán cabhrach aige, go háirithe sa bhFrainc. Agus sna Stáit (Norman Mailer agus a leithéid sin). Agus in Éirinn! Ghlac grianghrafadóir oifigiúil Castro an pictiúir rí-cháilliúil sin, ach rinne Éireannach an leagan is cáilliúla de. Mar a tharlaíonn, bhí sinsir Éireannacha ag Guevara, Lynch, agus thug sé cuairt ar Éirinn, de thaisme. Is iomaí cara a bhí agus atá fós ag a leithéid in Éirinn, faraor. Tá a íomhá le feiscint ar na mballaí i mBéal Feirste. Ní dóigh liom go bhfuil tuiscint ar bith ag a lucht leanúna seo ar an saghas duine a bhí ann. Tá súil agam nach bhfuil, ar aon nós.

B'fhuath le Ernesto (Ché) na Stáit Aontaithe, agus bhí sé ar son domhain shóisialaigh, agus mar sin, ba léir gur laoch ab ea é. Dóibh siúd a chreideann go n-eascraíonn gach olc as na Stáit Aontaithe, chreididís rud ar bith, agus sin an fáth go gcreideann siad fós gur laoch ab ea é. Is mór an trua, agus le fírinne, is rud olc sin. Is iomaí laoch a fuar bás mar gheall ar an dúnmharfóir seo, ach ní cheaptar orthusan. Is iomaí laoch atá faoi ghlas i gCúba fós, ach ní cheaptar orthusan. Ach coimeádtar an bréag beo gur laochra iad Castro agus Ché. Bheadh sé greannmhar ach go ndéanann sé an méid dochair agus a dhéanann sé.

Tá Ché ag dó in Ifreann ó Dheireadh Fómhair 1967 i leith. Go raibh Castro ina theannta.

Geert Wilders

2010-10-06T08:36:00.000-07:00

Tá Geert Wilders sa chúirt inniu san Ísiltír. Ceapann sé go bhfuil síol agus cúis an fhoréigin a dhéanann Muslamaigh radacacha sa Chorán féin. Taispeánann sé seo ina scannán gearr Fitna (seo cuid a haon agus cuid a dó - níl ann ach timpeall 16 nóiméad san iomlán). Sa scannán sin, luann sé vearsaí as leabhar naofa na Muslamach agus cuireann sé íomhánna leo a thaispeánann conas a gcuirtear i bhfeidhm iad. Dúshlán is ea é don Mhuslamach dul i ngleic leis na droch-choincheapanna atá sa leabhar agus na fadhbanna atá bunúsach ina gcreideamh.

Sa dara leath den scannán, díríonn sé ar an bhfás as cuimse de dhaonra Muslamach san Ísiltír agus san Eoraip. Féachaint nach bhfuil na Muslamaigh sásta na vearsaí sin (agus an foréigin sin) a dhiúltú, is léir dó nach bhfuil sé ar son leas na hEorpa tuile de Mhuslamaigh a ligint isteach. Tá sé baolach do chultúr is féinthuiscint gach tír san Eoraip, fiú mura bhfuil sé baolach mar gheall ar an sceimhlitheoireacht (agus síleann sé go bhfuil).

Conspóideach? Cinnte. Maslach? Ní dóigh liom. Pé scéal, níl sé chun daoine a ionsú, ná ag bagairt ar éinne. Déanann sé a chás agus cuireann sé os ár gcomhair é go stuama. Rud bunúsach don saoirse cainte cead a bheith ag duine sin a dhéanamh. Is náireach do rialtas na hÍsiltire go bhfuil siad á chrá mar gheall air. Tá imní orthu thall mar gheall ar an bhforéigin - mar dhúnmharú Theo Van Gogh. Tá an iomarca daoine ann atá sásta géilleadh roimh ionsaí na Moslamach radacach. Níl Geert Wilders sásta sin a dhéanamh. Treise leis! Agus go n-éirí leis i gcoinne naimhde na saoirse seo go léir.

Moladh

2010-10-06T07:26:00.000-07:00

Seasaimis le Geert Wilders ar son na saoirse amárach. Beidh blagadóirí eile ar fud an domhain á dhéanamh. Tá rialtas na hÍsiltíre á ghéarleanúint mar gheall ar scannán a rinne sé, Fitna. Tá an scannán dian ar an gcorán agus deacair a sheasamh mar gheall ar na híomhánna uafásacha atá ann, ach molaim é mar sin féin. Is féidir é a fháil ar youtube (ach bí cúramach - tá bréagnaisc go leor ann). Beidh níos mó le rá agam faoi amárach, lcD. Is náireach an iompar atá ag a rialtas chuige, agus is saghas canáraí sa mhianach é.

Banríon na mBlag

2010-09-29T13:19:00.000-07:00

Comhghairdeas le hÁine Durkin as duais a fháil ón Oireachtas:

COMÓRTAS A29: BLÁGÁILMaoinithe ag Oifig na Gaeilge, Institiúid Teicneolaíochta Bhaile Átha CliathDuais €500Mise Áine le Áine Durkin, Ceann Scríbe, Bóthar na Gráinsí, Bun Cranncha, Co. Dhún na nGall.

Táthar ag súil nach n-éireodh sí as an mblagadóireacht mar a tharlaíonn go minic tar éis an duais seo a fháil...

Tá blagadóir ann i gCeann Scríbe,
A fuair aitheantas as a blag ríoga;
Níor shéid sí a buabhall
Mar tá sí sách umhal
Ach gan amhras ní hise an díogha!

Ní Cheadaítear Amhras

2010-09-17T13:55:00.000-07:00

Fiú má bhíonn poll mór sa scéal. Mar an poll a luaitear le déanaí mar gheall ar thoradh Phrotocol Montreal. Ceiliúradh caithréimach go ndearnadh an rud ceart (agus gur dea-shampla sin don uile rud eile cosúil leis a dhíríonn ar an téamh domhanda...) atá ann, feictear. Tá an cath sin thart, dar ndóigh, agus is casta an scéal é. Tá a lán foghlamtha ó shin, agus beidh i bhfad níos mó, le cúnamh Dé. Ach an rabhamar ceart? Sea, táim á cheistiú. Ní mór dom bheith ar an taobh eile de beagnach gach aon scéal, nach ea?

Nílim ag rá nach bhfuil 'poll ózóin' ann. Bíonn, bhíodh, agus beidh, chomh fada agus is eol dúinn. Baineann sé le dhá chúis, den chuid is mó, go bhfios dúinn. Scriosann clóirín san aitmaisféar ard an ózón, le cabhair ó ghathanna cosmacha. De réir dealraimh, tá timthriall nadúrtha ann a mhéadaíonn an poll seo go rialta, timpeall gach 11 bliain.

Is iomaí cúis go bhfuil clóirín saor san aitmaisféar (agus ózón), ach cuireadh an milleán ar fad as an bpoll seo ar na CFCanna (clorafluaracarbóin), agus trí bhliain is fiche ó shin, coscaíodh iad. Sin freon agus a leithéid. Má shábhálamar an domhan, b'fhiú sin. Ach bhí costas an-ard ann:

At the time, the CFC industry was worth about $8 billion in the U.S.,
employed over 600,000 people directly, and 1.4 million people indirectly...

Nílim an t-aon duine amháin atá amhrasach, ámh, gur shábhálamar an domhan. Seo duine de mo leithéid (S. Fred Singer). Tá a lán rudaí suimiúla le rá aige. Ach is 'eolaíocht shocraithe' atá i gceist anois (mar a bhí an domhan cothrom...) agus ní cheadaítear a cheistiú, de ghnáth. Is mór an trua sin, mar tá an scéal an-suimiúil agus tá mórán le foghlaim as nach bhfuil foghlamtha go fóill. Go háirithe maidir leis an bpolaitíocht a bhain leis an bpoll ózón seo...

Anois, b'fhéidir cúpla focal faoi DDT agus an mhaláire? Ar ball. Beidh mé ag sábháil an domhain idir an dá linn...

(Rud suimiúil nach mbaineann le hábhar: an bhfuil a fhios agat cad is PVC ann?)

Dubh Dóite

2010-09-09T07:48:00.000-07:00

Tá a lán cainte ann faoi dhó chóip an Chóráin. Aontaím le hAonghus den chuid is mó faoi. Ach deir sé go mbeidh daoine ag fáil bháis mar gheall air. Cuir an abairt sin samhail i mo chloigeann. Éigníodh an bhean úd mar bhí sí go hálainn. Maraíodh an fear úd mar ba Ghiúdach é. Goideadh ón nduine siúd mar bhí sé ró-shaibhir. Bualadh an páiste sin mar thug sé masla orm.

Ní bhíonn sé ceart riamh an milleán a chur ar an íospartach.

Níl aon leithscéal ann do choir ina leithéid cainte. Má mharaítear éinne mar gheall ar an mbeart amaideach seo, déanfaidh dúnmharfóir é, agus beidh an locht iomlán airsean. Is fabht ollmhór ar chreideamh má cheaptar ann gur ceart daoine a mharú is a dhícheannú is a phlódú srl. mura n-aontaíonn siad leis. Ní thabharfainn creideamh na síochána ar a leithéid...

Is iomaí Moslamach dea-thola atá ann, gan amhras. Ach tá an iomarca ann atá lán-sásta leis an bhforéigean agus an dúnmhárú. Agus tá an iomarca ann a thugann bualadh bos dóibh. Tá siadsan ciontach freisin. Fiú mura sheasann tú ina n-éadann, tá tú ciontach, ar shlí. Istigh nó amuigh, gan rogha eile, dar liom.

Ní réitíonn creideamh na ndaoine sin le cultúr an Iarthair, mar níl siad sásta cead aighnis a thabhairt d'éinne. Tuigtear coir ar scaipeadh na Críostaíochta sna tíortha Moslamacha. Díbrítear Giúdaigh agus Críostaithe uatha. Tugtar drochíde don lucht Bahá’í. Tá a lán díobh sna tíortha seo an-sásta mionlaigh áirithe de fo-chreidimh Mhoslamacha a mharú is géarleanúint a dhéanamh orthu. Cé acu againn atá le hathrú, agus béasa nua a fhoghlaim?

Sean-choimhlint atá ann, agus tá sé ag éirí níos teo. Seasaimis leis an amadán in Florida, nach maródh duine ar bith, seachas leosan atá á bhagairt le bás.

Dála an scéil, chun a bheith dea-bhéasach do na daoine éadúlangacha siúd, coigistíonn Arm na Stat bíoblaí ó na saighdiúirí san Afghanastáin, mar níl cead acu iad a choimeád ansin. Agus cad a dhéanann siad leo? Dóitear iad.

Cad ina thaobh go mbímid ag géilleadh do na daoine sin? Eagla? Nó drochmhisneach? Nó meath creidimh/cultúra san Iarthar? Níl sé ceart, agus ní dhéanfaidh sé aon mhaith, ach a mhalairt. Táimid chomh dea-bhéasach do na dúnmharfóirí sin go mbeidh buama adamhach acu sul i bhfad (dóbair go bhfuil cheana, sa Phacastáin). Cad a dhéanfaimid ansin?

Ar a laghad, cé go mbíonn eagla orainn roimh an Moslamachas míleata, ní bhaintear feidhm as sin mar chúis fhoréigin (ach amháin nuair a fhearann siad cogadh ar thíortha eile, nó a bhíonn siad ar tí sin a dhéanamh). A mhalairt scéil maidir leo siúd ar a bhfuil eagla orthu roimh an gCríostaíocht.

Seo alt fiúntach eile ar an gconspóid seo (as Béarla) a mholaim. Agus seo ceann eile.

Ná géillimis go deo!

Admhaíonn Fiú an BBC é!

2010-08-30T08:24:00.000-07:00

Ní minic a bhíonn aon rud dearfach faoi Iosrael le léamh nó le cloisteál ón mBíb. Ach fair play dóibh an uair seo, maidir leis an Mavi Marmara agus "Cabhlachán na Síochána" (mar dhea). Mar a dúirt mé ag an am, is iontach a bhfeictear le súile oscailte.

Tá a lán cainte le déanaí faoi Phróiseas na Síochána, agus tá BHO ag cur i gcéil gur féidir na ceisteanna móra a shocrú, cé nach bhfuil aon údarás iontaofa ag na hArabaigh Phailistíneacha, agus go bhfuil a fhios acu nach mbeidh aon athrú ann. Is mór an trua nach mbeidh aon dul chun cinn ann, ach sin mar atá. Dá mbeadh ní ba mhó daoine ag féachaint ar chúrsaí mar atá, seachas mar a bheadh nó mar a chuala siad go bhfuil ó lucht an fhuatha, b'bhéidir dóibh cúrsaí a fheabhsú. Ach chomh fada agus a bheidh lucht tacaíochta ag na sceimhlitheoirí, ní bheidh aon náire orthu, ná athrú intinne.

Ar Saoire

2010-08-05T11:39:00.000-07:00

Ó am go chéile, scíobhaim blagmhír nach mbaineann leis an bpolataíocht anseo. Sos cogaidh, mar a déarfá. Tá a lán suime agam i mórán ábhar, muise, agus tharla de thaisme go mbím ag plé cúrsaí polaitiúla. Má tá suim ag éinne, bím ar Facebook, agus tamall ó shin chuir mé mórán grianghraf de mo laethanta saoire ann. Ní bhíonn gach éinne sásta ballraíocht Facebook a ghlacadh, ach molaim é mar is ansin a bhíonn níos mó Gaeilge ná áit ar bith eile le tamall anuas.

Bhíos in Montana, Wyoming agus Idaho (agus ar an traein idir Montana agus Nua-Eabhrac, le stad in Siceágo). Seo cúpla sampla dá bhfaca mé thall san Iarthar.

Ar an mbóthar in Montana

Grand Tetons
Tearmann Náisiúnta na mBíosún
Páirc Náisiúnta Oighearshruth (sin mise)
Páirc Náisiúnta Oighearshruth

Gilad Shalit

2010-07-02T07:19:00.000-07:00

In Gaza, there are 1.5 million people. Only one of them is truly in need of
humanitarian assistance. - Ehud Barak

Is cuma le lucht na gcearta daonna na daoine a bhfuil fíor-ghá le cabhair acu. Tacaíonn siad fós leis na coirpigh a bhíonn ag briseadh gach dlí. Cén fáth go bhfuil siad chomh dall sin? Fuath agus easpa céille, is dócha. Ach ar an gcaolseans gur as aineolas atá sé, roinnim fíricí anseo ó am go chéile.

Saighdiúir Iosraelach is ea Gilad Shalit. D'fhuadaigh sceimhlitheoirí ó Ghása (Hamas) é breis is ceithre bliana ó shin. Ní thugann siad cead d'éinne cuairt a thabhairt air, an Cros Dearg san áireamh.

Cá bhfuil na hagóidí is na baghcait?

Ní dóigh liom go gcloistear a scéal fíu, mo léan.

Faoi Thioncar na nGiúdach

2010-06-30T06:55:00.001-07:00

Thug Gaelscéal cuireadh dom taobh eile den scéal a insint ar 'an ardán' maidir le hIosrael agus na báid sin (Mavi Marmara go háirithe). Gan colún tuairimíochta nach le ball dá bhfoireann, ní bheadh a leithéid ann in aon chor, ach is maith an rud é go raibh suim ar bith acu. Ach le fírinne, táim réasúnta cinnte nach raibh suim sna fíricí sin chomh mór acu agus a bhí suim sa chonspóid a chothófaí.

Thosaigh mé an t-alt ag rá nach mbeadh a lán daoine sásta é a mheas gan chlaonadh, agus dúirt cara liom nach sin an dóigh is fearr chun daoine a mhealladh chugat. Beagán de sheanbhlas a bhí agam, chun náire a thabhairt orthu nach mbíonn sásta an scéal a mheas, ach ní thuigtear a leithéid go minic (ní maith le hÉireannaigh stíl 'Fox News' a dúradh liom nuair a d'iarr siad an t-alt orm...). Ba é m'fhreagra do mo chara ná go bhfuilim cleachtaithe leis an gconspóid seo agus dearcadh na ndaoine, agus níl a lán dóchais agam. Cé go mbím sásta iarrachtaí a dhéanamh chun an fhírinne a insint, pé scéal. Ag troid le muilte gaoithe a bhím, is dócha.

Ní raibh mé chun freagra a thabhairt dóibh siúd a sceith amach an fhuath iondúil. Tá áthas orm gur chuir mé fearg ar a leithéid. Cúis sásaimh sin dom i gcónaí. Ach ní fheadar ar scriosamar 'an t-ardán' sa nuachtán, mar níl sé ann an tseachtain seo, agus is trua sin. Ach sa ghiota faoi na blaganna déantar trácht ar Chinn Lae Uí Reachtair, an mhír ina magann sé faoi mo cholún le hargóintí...an-...bhuel, le focail go leor. Mar shampla, maíonn sé gur thóg na hIosraeligh na focail 'go back to Auschwitz' as comhthéacs, nó rud mar sin. (Féach an scannán thíos).

D'fhoilsigh siad litir ó fhuathdóir Iosrael eile (Brian Mac Aongusa) mar 'fhreagra' dom. Ní foláir go bhfuilim faoi thiocair na nGiúdach a bhíonn taobh thiar de gach aon rud olc, mar gur Meiriceánach mé, sin bunús a choda. Bheadh sé greannmhar, ach go bhfuil an fhuath a thaispeánann sé fíor, agus na bréagacha a insíonn a leithéid chomh marfach agus atá buamaí Hamas.

*Osna*

Fuair mé teachtaireacht amháin ó Ghael eile a thacaíonn liom. Nílim i m'aonar, ar a laghad. Fainic!

An bhfaca éinne an scannán seo? Níl aon ghá le focail eile. (Ach rinne an IDF é - agus níl aon rud fíor mura ndeireann na sceimhlitheoirí agus a lucht leanúna é!)

Anois, feicfear an mbeidh aon rud in Gaelscéal faoin mblagmhír seo a thagraíonn do thrácht i nGaelscéal ar bhlagmhír a thagraíonn don alt a bhí agam in Gaelscéal...

Nuachaint

2010-06-09T08:07:00.001-07:00

Scríobh mé alt aréir agus rinne mé tagairt don úrscéal 1984 agus focal ó Newspeak. Bhí mé ag déanamh mo mhachnaimh air inniu, agus léigh mé píosa ó Wikipedia (thuas) faoi. Chuir sé leasú na Gaeilge i gcuimhne dom.

Bíonn daoine ann a deir go bhfuil an Ghaeilge ró-chasta, agus go bhfuil gá ann lena leasú. Údarás iad a cheapann gurb fhéidir leo teanga a athrú le fiat. Níl aon ghá le séimhiú. Níl aon ghá leis an tuiseal ginideach. Agus a leithéid sin. Bheul, is ionann sin agus Newspeak George Orwell.

Tá gá le caighdeán, agus glacaim leis sin. Glaicim le hathchóiriú na litrithe agus leis an gcló Rómhánach, mar sin mar a bhfuair mé an teanga. Ach tuigim iad nach nglacann leo. Agus ní ghlacfaidh mé le hathruithe bunúsacha a thagann ó údarás gan aon údarás ar a leithéid de theanga bheo.

Saoirse don Ghaeilge! Saoirse do lucht a labhartha! Nílimid chomh lag sin go ngéillfimid do Dheartháir Mór na Gaeilge.

Leithscéal eile Dóibh ar Fuath Leo Iosrael

2010-06-01T11:20:00.000-07:00

Is cuma cad iad na fíricí, dar ndóigh. Cé go bhfuil siad ar fáil. Níl cluas le héisteacht ag lucht an fhuatha. Bhí sé ar intinn ag na 'gníomhaithe ar son na síochána' seo troid a thosnú a chuirfeadh droch-chlú ar Iosrael, agus a thabharfhadh cabhair do na sceimhlitheoirí Hamas in Gása. Agus nuair a bhí sé riachtanach do na saighdiúirí Iosraelacha roinnt díobh a mharú chun iad féin a chosaint (ón saghas sin 'síochána'), fuair lucht na mbád seo an bua, i súile na bhfrithIosrealach.

D'aon ghnó a tharraing siad an troid is an foréigin seo orthu féin, agus dhíultaigh siad gach tairiscint a rinne Iosrael chun fíor-chabhair a thabhairt do na hArabaigh bhochta in Gása. Bhí sé ina chuspóir amháin acu an t-imshuí a bhriseadh agus náire a tharraingt ar Iosrael. Ionsaí ar Iosrael ab ae é. Ní raibh aon ghá leis ach chun sin a dhéanamh. Ní raibh aon bhaint ag an eachtra seo leis an tsíocháin a chothú, ná baol air. Ionsaí ab ea é.

Ach is cuma leis an eite chlé (na meáin choitianta, an chuid is mó de na hEorpaigh, na NA, srl.) cad iad na fíricí. Ceapann siad go bhfuair siad an bua. Ach cé nach cara do Iosrael é BHO, ar a laghad (agus nílim ag rá gur mar gheall ar an gceart atá sé á dhéanamh), níl sé ag tabhairt faoi Iosrael go hoscailte. Dá mbeadh na clocha aige chun seasamh a dhéanamh ar son Iosrael agus cearta na ndaoine sin...

Maidir le lucht na mbád sin, ní bhíonn aon bhac ar bhia ag teacht isteach go Gása, agus níl aon ghéarchéim bia ann. Ní raibh siad ann chun daoine bochta a chabhrú. Bhí siad ansin as cúis amháin - chun Iosrael a shaighdeadh agus cabhair a thabhairt do naimhde Iosrael. Is léir sin d'aon duine d'fhéachadh air le súile oscailte. Dá mbeadh ní ba mhó dá leithéid sin ann...

Ach an bhFaighfidh Sé Duais Nobel?

2010-05-26T14:49:00.000-07:00

Tá a fhios ag gach éinne go bhfuil Al Gore saibhir mar gheall ar dhoscéal an téimh dhomhanda. Ach anois tá boc eile ag brú isteach ar an aicsean, de réir dealraimh.
Tá post nua ag Tony Blair. Gheobhaidh sé na milliúin punt as comhairle a thabhairt don chomhlacht áirithe seo conas airgid a shaorú as imeagla is míthuiscint - gabh mo leithscéal - as réitigh ar an ngéarchéim seo ina bhfuilimid.

Níl aon locht ar lorg na teicneolíochta nuaí, ná ar bhrabús a dhéanamh as. Ach den chuid is mó, is airgead poiblí a chaithfear ar an stuif seo, airgead a thógfar uainne. Ní dhéanfaí an chuid is mó den teicneolaíocht seo difear dá laghad maidir leis an aeráid, agus is beag an t-amhras nach mbeidh sé níos daoire dúinn go léir. Mar sin, cosúil le hAl Gore, beidh Tony níos saibhre mar gheall ar dhochar a dhéanfaidh sé 'ar son na cúise.'

Obair mhaith, más féidir leat a leithéid a fháil...

Is féidir go bhfaighfidh sé duaiseanna. Ní heisean George Bush ach oiread. An t-aon rud ina aghaidh ná nach raibh seans aige post GWB a choimeád uaidh, agus mar sin, ní dóigh liom go mbeidh an méad céanna duaiseanna aige agus a bhí ag Al Gore. Ní féidir dó bheith ina ain-Bush. Níl fágtha aige ach bheidh ina fháidh, go dtitfidh an spéir. Agus a éirigh níos saibhre agus níos saibhre, agus sinne a fhágáil níos boichte agus níos buartha...

Tír na bhFiacha is Mó

2010-05-06T12:37:00.000-07:00

Tá geilleagar an domhain ina phraiseach inniu mar gheall ar an nGréig agus an Eoraip i gcoitinne. Ach ní hí an Ghréig an tír is measa. Sasana? Beagnach. Faraor, an tír is measa, dar leis an suíomh seo, sin Éire.

Dar leis an suíomh seo, tá Monaco níos measa fós... Ach ar an mbunfhoinse a luann siad, tá Éire ag barr an liosta.

Agus más fiacha ón taobh amuigh atá i gceist, tá a lán tíortha níos measa...na Stáit Aontaithe an ceann is measa.

Táimid go léir sa bhfaopach. Ní mór dúinn níos mó airgid a chaitheamh!

Cinco de Mayo agus an Ghréig

2010-05-05T07:46:00.000-07:00

Ar an lá seo in 1862, fuair na Meicsicigh bua ar arm na Fraince ag Puebla, arm a raibh níos mó faoi dhó. Ach cén fáth go raibh arm na Fraince i Meicsiceo?

Níor íoc siad a bhfiacha!

Nílim ag rá go mbeidh ionsaí ar an nGréig, ach tá an fhadhb chéanna acusan, agus ag tíortha eile mar an Spáinn agus an Phortaingéil. An mbeidh an Parthenon ar díol sul i bhfad? Nuair a thógtar airgead ar iasacht, ní mór é a aisíoc, nó beidh iarmhairtí ann. Sea, tarlaíonn cogaidh mar gheall ar a leithéid, fiú.

Tá geilleagar na hEorpa bunaithe ar an Aontas agus ar aontas an airgeadais, agus mar sin, má tá fadbh ag tír amháin, is leis na tíortha eile go léir í. Aontas eacnamaíochta gan aontas polaitiúla is cionsiocar leis an bhfadhb seo, le fírinne. Is cosúil le cuntas bainc de do chuid, a roineann tú le gach ball de chumann, agus daoine gan chiall ag caitheamh an airgid gan srian. Nó níos measa fós, mar tógann siad airgead ar iasacht agus tuigtear go bhfuil úinéirí an chuntais sin go léir freagrach as na hiasachtaí sin. Fiú mura ndúradh sin, tá sé intuigthe.

Mar sin, íocfaidh gach tír san Aontas Eorpach as droch-iompar na dtíortha atá ag dul faoi. Agus mar sin, déanfar dochar don gheilleagar go léir.

An an amhlaidh go bhfuil na tíortha eile ag cur breis airgid isteach an chuntas bainc céanna sin, gan aon athrú ar iompar na ndaoine gan srian? Ba chóir dó na Gréigigh a bheith freagrach agus stuama as seo amach - ach ní léir go mbeidh! Tá an rialtas lag, agus mórán de na saoránaigh diúltach. Cén réiteach eile a bheadh ann? Cumhacht a ghlacadh ar an tír? Iad a dhíbirt ón Aontas? Ní fheadar, ach is ábhar machnaimh an cheist seo. Ar a laghad, dúnfar an cuntas bainc seo, déarfainn. Mura bhfuil sé dúnta cheana féin.

Agus cad atá ar siúl sa Ghréig? Níl siad ag éisteacht le réasún, de réir dealraimh. Tá siad as smacht ar fad. Ah, an Sóisialachas abú... Ar mhiste leat cúpla euro a thabhairt dom ionas go mbeidh mé ábalta mo bhreatach dearg a cheannach? Cad é sin? Is miste? Is gaimbín thú!

Ach ní féidir go dtarlóidh a leithéid anseo (ná in Éirinn)... Níl aon rud le feiscint anseo...

Meicsiceo agus an Eaglais Chaitliceach

2010-05-04T14:33:00.000-07:00

Ba chóir d'aon duine ar mhaith leo aon scéal faoin Eaglais i Meicsiceo a thuiscint an t-alt seo a léamh. Tá drochscéal á thuairisc ag Dennis le déanaí, agus níl aon leithscéal ann dá leithéid. Ach chun iompar na heaglaise a thuiscint, ní mór níos mó a fhoghlaim faoi Mheicsiceo, i mo thuairim.

Bhí réabhlóid an tsóisialachais i Meicsiceo 1910-17. Mar a tharla, bhí iompar an rialtais sin i leith na hEaglaise ní ba mheasa ná iompar na Naitsithe nó na Sóivéideach féin. Bhí na mílte máirtírigh ann sna fichidí go háirithe. Seo cúpla sliocht as an alt thuas:

At the age of 38 on March 31, 1927, he [Anacleto Gonzalez Flores] was martyred: he was hung by his thumbs while being tortured to death. He refused to disclose the location of the Archbishop of Guadalajara and the leaders of the Cristero movement, defenders who fought for the faith. He was beatified along with 13 other martyrs on Nov. 20, 2005.

The newest Mexican saint is Bishop Rafael Guizar Valencia, known as the "Bishop of the Poor." He was canonized by Pope Benedict XVI this past October, on Oct. 15, 2006, and became the first bishop to be canonized in Latin America. Although he was not martyred, he carried out his apostolate as priest and bishop "amid almost constant persecution and situations of danger." He lived for many years in exile. He uttered repeatedly "I will give my life for the salvation of souls."

Ná déan dearmad den duine Valencia sin.

Seo alt an-úsáideach eile. Sleachta as:

As Mexico entered the mid-twentieth century the more violent oppression of
earlier in the century had waned, but it remained severely suppressed. By
1940 it “legally had no corporate existence, no real estate, no schools, no
monasteries or convents, no foreign priests, no right to defend itself
publicly or in the courts, and no hope that its legal and actual situations
would improve. Its clergy were forbidden to wear clerical garb, to vote, to
celebrate public religious ceremonies, and to engage in politics,” but the
restrictions were not always enforced.
Open hostility toward the Church largely ceased with the election of Manuel
Ávila Camacho (1940-46), who agreed, in exchange for the Church's efforts to maintain peace, to nonenforcement of most of the anticlerical provisions, an exception being Article 130, Section 9, which deprived the Church of the right of political speech, the right to vote, and the right of free political
association.
...In 1991 President Salinas proposed the removal of most of the anticlerical
provisions from the constitution, a move which passed the legislature in
1992.

Tabhair faoi deara na dátaí thuas.

Tá an diabhal cliste agus roghnaíonn sé an t-am is measa chun drochscéalta a nochtadh, dar liom. Mar an ceann seo a luaigh Dennis.

The Vatican started an investigation into Maciel's actions in 2004 and concluded in May 2006 that he was guilty of sexual abuse, the order said....
In 2005 Maciel stepped down as head of the order and, a few days before John Paul II died, Cardinal Ratzinger announced his intention of removing "filth" from the Church; many believed he was referring specifically to Maciel.

Timpeall an ama chéanna a raibh an Eaglais ag aithint na naomh Meicsiceach, tháinig an drochscéal seo chun solais. Ní nach ionadh go raibh leisce ar an Eaglais an scéal seo a chreidiúint, agus, faraor, fiú a nochtadh.

On January 3, 1941, with the support of Francisco González Arias, Bishop of
Cuernavaca, he founded the Legion of Christ and its lay arm Regnum Christi in 1959. Maciel was ordained to the Roman Catholic priesthood in Mexico City on November 26, 1944.

Maciel is the grand-nephew of a Mexican saint canonized in 2007, Rafael Guízar Valencia, who also was an integral part of the founding of the Legion of Christ.

Bhunaigh sé an t-ord ag an bponc a thug rialtas Mheicsiceo beagán saoirse don Eaglais, am nach raibh sé saor ná sábhálta a leithéid a dhéanamh fós. Tús athbheochaint na hEaglaise go hoscailte sa tír, tír ina bhfhualaing an Eaglais géarleanúint uafásach. Agus rinne an t-ord sin a lán maithis, fiú le droch-dhuine á stiúradh. Ní bheadh sé éasca do mhuintir na tíre an t-ord sin a chosc, as a lán cúiseanna. Agus seans go leanfar leis in aithneoin seo uile.

Is iomaí droch dhuine san Eaglais a rinne agus a dúirt rudaí maithe, cé nach raibh aon mhaith iontu féin. Ní rud nua é seo, faraor. Is dócha go ndearna Iúdás rudaí maithe ar feadh tamaill, freisin. Is iomaí cleas atá ag an diabhal, agus bíonn Eaglais Chríost faoi ionsaí i gcónaí - ón taobh amuigh agus ón taobh istigh.

¡Viva Cristo Rey!

Lá an Bhrátha

2010-04-22T06:52:00.000-07:00

Fógraítear go bhfuil sé ag teacht, agus go bhfuilimid ag scriosadh an domhain agus go bhfuil
baol ann!
baol ann!!
baol ann!!!
go mbeidh gach rud níos measa mura dtabharfaimid cumhacht dóibh siúd a thuigeann cúrsaí an domhain...
Gach Lá an Domhain go háirithe.
Ach mar a tharlaíonn, tá cúrsaí ag dul i bhfeabhas le blianta (1). Nach é sin rud le ceiliúradh?

Tá blagmhíreanna eile ann inniu a chuireann cúpla amhrán Gearmánach i mo chloigeann. Seo ceann acu (Volkslied):

Am dreißigsten Mai ist der Weltuntergang
wir leben nicht mehr lang
wir leben nicht mehr lang
am dreißigsten Mai ist der Weltuntergang
wir leben nicht
wir leben nicht mehr lang.
Doch keiner weiß in welchem Jahr
und das ist wunderbar.
Wir sind vielleicht noch lange hier
und darauf trinken wir!

Ar an 30ú Bealtaine beidh lá an bhrátha
Ní bheimid beo le fada
Ní bheimid beo le fada...
Ach níl a fhios ag éinne
Cén bhliain atá i gceist
Agus tá sé sin go breá,
Ní a fhios ag éinne an mbeimid anseo le fada
Agus sin an fáth go n-ólaimid!

Agus tá fonn an-éadrom sultmhar aige!

Ceann eile, rac-cheol an uair seo:
Es ist nicht leicht ein Gott zu sein! (Níl sé éasca bheith i do Dhia)

Táimid cosúil le déithe mar tuigimid cad is maith agus cad is olc ann, agus tá toil shaor againn. Níl cumhacht Dé againn, ná baol air (ach amháin trí mheán ár bpaidreacha). Is caomhnóirí an domhain sin, mar thug Dia dúinn é (rinneadh dúinn é). Bíonn roghanna againn, agus bímid ag déanamh roghanna níos fearr le fada, buíochas le Dia. Ní mór leas an chine daonna(2) a choimeád mar an phríomhsprioc i gcónaí. Bímis stuama(3). Ná bímis ag brath ar mhiotais in ionad eolaíocht...

Lá an Domhain sona daoibh!

1 - Ní aontaím le gach rud san alt seo, ach tá an chuid is mó de go han-mhaith.
2 - "These examples provide clear and unambiguous illustrations of environmental advocacy trumping the public health policies of international organizations involved in malaria control."
3 - "A non-hippy-assed view of protecting the earth" :-)

An Éagsúlacht Abú! Sinne san Áireamh!

2010-04-20T07:10:00.000-07:00

Is minic a tharlaíonn sé sa lá atá inniu ann go bhfuil dearcadh diúlatach ag a lán daoine i leith éagsúlacht a dtíre nó a gcultúir. Baineann sin le meas dá dteanga, i measc gnéithe eile. Féin-fhuath atá i gceist.

Is iomaí cúis as a d'fhás an dearcadh seo. Ach dar liom, tá an locht is mó ar chórais oideachais na dtíortha seo. Táimid go léir multi-culti sa lá atá inniu ann, agus dar ndóigh, bíonn na cnoic glas i bhfad uainn - agus múintear nach bhfuil féar maith againn sa bhaile ar chor ar bith. Níl aon chultúr níos fearr ná cultúr eile (agus mar sin, níl aon mhaith i gcultúr ar bith).

Mura gcreideann tú go bhfuil an cultúr is fearr agat i do thír féin, mura gcreideann tú go bhfuil do thír go maith, agus mura gcreideann tú go bhfuil baint láidir agat le muintir do thírse agus lena cuid traidisiún, ní oireann an tír sin duit, agus ba chóir duit imeacht. Ach má chreideann tú gurb amhlaidh le gach tír, agus gur ionann iad go léir, is cuma, mar sin. Is cac iad go léir (ach amháin, b'fhéidir, ar na cnoic thall...)

Tá a lán daoine ann a shaoraíonn a gcuid pá as caitheamh anuas ar a dtíortha féin - Chomsky agus a leithéid sin, mar shampla. Is dócha, ar shlí, gurb amhlaidh leo siúd in Éirinn a bhíonn ag caitheamh anuas ar an nGaeilge. Mar is iondúil, is é an dearcadh atá ag a leithéid sin ná go bhfuil gach cultúr ar chomhchéim ach amháin a gceann féin, atá níos measa. Tá an Iodáilis agus an Ghearmáinis agus Béarla srl. ceart go leor. Ach níl aon ghá le teanga dár gcuid féin. Is ualach trom dár bpáistí sin. Tá cultúr nua againn, atá inghlactha ag na Béarlóirí. Tá cultúr domhanda againn anois (ná bí ag féachaint taobh thiar den chuirtín sin!)

Tá fadhb ann leis an gcultúr domhanda, is dócha. Tá gá i bhfad níos mó don fhéinmhuinín agus féiniúlacht chultúra in aghaidh brú an Bhéarla agus ábhar coitianta dhomhan an lae inniu. Ach mar gheall ar an gcúis thuas, agus lagaíochtaí eile, síltear gur gá géilleadh don choitiantacht. Ní cheaptar gur tábhachtach aon ní nach bhfuil boic mhóra an domhain sásta leis. Agus má tá, ní chreidtear, fiú, i gcás na Gaeilge. Tá Éire sásta mórán a ghéilleadh don Aontas Eorpach, ach nuair a ghlacann an AE leis an nGaeilge mar theanga fhiúntach, ní shíltear go bhfuil an ceart acu. Labhraimis Fraincis! Is fíor-Eorpaigh sinn! Mar tá gach cultúr go maith, ach amháin ár gcultúr féin.

Tá cosúlacht ann leis an spioradáltacht ABC (anything but Christianity) atá rí-choitianta an lá atá inniu ann. Ceaptar go bhfuil fiúntas i ngach creideamh ar domhain ach amháin creideamh ár sinsear féin. Mea culpa, mea culpa, mea maxima culpa...

Conas a tharla go bhfuil an bhail seo orainn? Chaill an Iarthar a lán féinmhuiníne mar gheall ar na cogaidh mhóra, a bhris ár spiorad (cé go raibh baint acu le cosaint an chultúir...). Bheimis ábalta sin a shárú, mar a tharla le gach tubaiste roimhe. Agus ba léir ar ball nach an Iarthar ba mheasa, cé go rabhamar lochtach (mar is daoine sinn). Rinneadh a lán damáiste mar gheall ar an gCogadh Fuar. D'éirigh leis na cumannaithe cur ina luí ar lucht na ndea-smaointe (mar dhea), sin a rá, lucht na n-ollscoileanna srl., go rabhamar ciontach as gach peaca ar domhain, agus go raibh an réiteach acusan, agus go raibh siadsan ar son na mbochtán. Le fírinne, bhí siad ag iarraidh a gcumhacht a mhéadú sa tríú domhan. Spreag siad a lán mioscais, go háirithe sa mheánoirthear.

Cuid eile den fhadhb, agus baint aige le bolscaireacht na gcumannach, ná an dearcadh réabhlóideach a bhí ann sna seascaidí, agus adhradh an óige. Cheaptaí nach raibh aon rud i gceart ag na glúinte a bhí ann romhainn, agus go mbeadh lucht Woodstock srl. chun gach a fheabhsú, agus dar ndóigh, a athrú. Cloistear macalla de sin fós: Dóchas! Athrú! (níl aon rud go maith mar a bhfuaireamar é, sin a rá). Mar a deirtear sa seanrá, ba amadáin iad mo thuismitheoirí agus mé i m'óige, ach de réir a chéile, d'éirigh siad ní ba éirimiúla... Moladh an óige an iomarca sna seascaidí go háirithe, agus cailleadh meas ar an aois is ar an oidhreacht chultúra.

Creidtear mórán den chacamas thuas fós, dar ndóigh. Aon rud olc, rinne an Iarthar (ár sinsir) sin (agus is cuid den Iarthar Iosrael). Aon rud maith, déanfaidh daoine eile sin (ar ball, ar ball, ná bac le Stalin, Mao...). Níl aon mhaith ionainn, agus ní raibh aon mhaith inár sinsir gan dabht. Dóchas! Athrú! Aontas!

Tá daoine go leor ann a dhéanann staidear ar chúrsaí agus a thuigeann nach fíor an stuif sin. Ach múintear an dearcadh sin go rí-mhinic. Níl aon mhaith san Iarthar - agus fiú má tá, níl aon mhaith i mionchultúr nach ionann leis na boic mhóra. Is míbhuntáiste cultúr mar sin, go háirithe teanga mar sin. Níl meas againn ar Mheiriceá, ná ar Shasana - ach mura bhfuil meas acusan ar chultúr na hÉireann, ní mór ná go bhfuilimid níos measa ná iad! (Ná bactar leo siúd sna tíortha sin a labhraíonn Gaeilge...)

Ait le rá, ba amhlaidh dearcadh ár sinsear i leith na Gaeilge, den chuid is mó. Glactar leis an bhféinfhuath mar oireacht. Níl aon ghá leis an stuif sin eile a bhíodh acu. Nuair a dhéantaí éagóir ar ár sinsir, bhí sé tuilte againn. Nílimid chomh maith agus a bhí na tíortha cumasacha. Níl aon mhaith i stair an phobail seo againn. Níl aon mhaith iontú siúd a choimeád an cultúr beo in ainneoin an uile anró. Níl aon laochra ag muintir bhocht mar sin. Ní bhaineann an stuif sin le saol an lae inniu, saol an AE agus an stuif a gcuireann an saol mór suim ann. (Is daoine an-aite iadsan i Meiriceá agus san Astráil srl. a cheapann go bhfuil maitheas ann agus a labharaíonn an tseanteanga).

Ní mór dúinn ár misneach a bhailiú agus an cás a dhéanamh go bhfuil cúis bhróid againn as an gcultúr a bhfuaireamar ónár sinsir, agus go bhfuil an saol ar fad níos fearr mar gheall air, agus go bhfuil fiúntas ionainn mar gheall ar an éagsúlacht, seachas an cosúlacht. Gur pobal sinn. Sin, nó géilleadh don nithileachas.

Níl sé éasca cultúr a choimeád beo nuair nach mbíonn daoine ag fanacht sna háiteanna a bhfuil a ngaolta is a sinsir, nuair go mbíonn brú mór agus taisteal fada ann don chuid is mó againn. Táimid dífhréamhaithe, minic go leor. Ach tá sé indéanta, agus níos tábhachtaí ná riamh. Faigheann plandaí - agus daoine - gan fréamhacha bás.

Níl Aon Rud le Feiscint Anseo

2010-04-16T06:30:00.000-07:00

Seo alt suimiúil faoin easpa dáiríreachta maidir le Climategate. Tá gach rud ceart go leor (ach go bhfuilimid ag scrios an phlainéid, mar is eol do chách...). Tá gach eolaí iontaofa, gan amhras. Ach amháin na heolaithe nach nglacann leis na dea-thuairimí, dar ndóigh. Téigí abhaile. Níl aon rud le feiscint anseo....

Pápa nó Polanski?

2010-04-15T10:03:00.000-07:00

Nach suntasach an difear idir meon ha heite clé maidir le Roman Polanski agus na hionsaithe leanúnacha atá ar bun acu anois ar an bPápa. Cé nach ndearna an Pápa aon rud mícheart. An rud is measa ab fhéidir go ndearna sé (gus ní léir fós gurb amhlaidh), sin nach ndearna sé go leor chun coirpigh san Eaglais a chosc is a chaitheamh amach. Ach tapaíonn daoine áirithe (na frith-Chríostaithe go háirithe) an deis seo chun caitheamh anuas ar an bPápa. Cén fáth? Mar gur is eisean an duine is tábhachtaí mar threoraí agus mar shiombal na Críostaíochta. Is comharba ar Néamh Peadair é, ceannaire na hEaglaise, an eaglais chríostaí is mó ar domhain. Mar sin, is fuath leis na haindiachaithe eiseann thar aon duine eile, agus ceapann siad go bhfuil bata lena bhualadh acu anois. Sop atá acu, dar liom.

Tá cosúlacht idir seo agus cás Iosrael. Is Iosrael an tír is tábhachtaí ar domhain, dar liom, mar gheall ar a lárnacht i ngach scéal tábhachtach idirnáisiúnta. Agus is tír atá bunaithe ar chreideamh i nDia, le daoine a roghnaigh Dia, agus as a bhfuaireamar Críost féin. Cén fáth go mbíonn fuath mhillteanach ann i leith na nGiúdach i gcónaí? Mar is pobal Dé iad. Más fuath le duine Dia agus creideamh, níl amhras ach gur fuath leis na Giúdaigh.

Tháinig an drochscéal amach in Éirinn i ndiaidh a theacht amach sna Stáit. Bhí an ghéarchéim chéanna againne. Táimid beo fós, agus beidh sibhse chomh maith.

Rinneadh ainbhirt san Eaglais. Ach ní leithscéal sin don Chaitliceach chun ionsaí a fhearadh ar an Eaglais. Níl amhras ach gur leithscéal do naimhde na hEaglaise é. An ndearna an Eaglais (sinne, sin a rá) gach rud i gceart? Ní dhearna, cinnte. Agus sin mar a deireann an Pápa.

Nochtadh an drochscéal seo i Meiriceá tamall gearr i ndiaidh 9/11. Bhí a lán daoine ag teacht ar ais chuig an gcreideamh agus chuig an Aifreann mar gheall air na hionsaithe sin a rinneadh orainn. Bhí an diabhal ag fanacht le huair oiriúnach, agus d'éirigh leis na daoine sin agus i bhfad níos mó a chur ó dhoras na hEaglaise. Ná bíodh an bua aige. Bhí aithne pearsanta ar roinnt sagart a bhí ciontach as drochiompar. Níl sé seo éasca domsa. Ach ní bheidh an bua ag an diabhal orm, le grásta Dé.

Níorbh é seo an chéad uair go raibh caimiléireacht agus drochdhaoine san Eaglais, ná baol air. Agus gan amhras, ní hiad seo na hionsaithe is measa a rinneadh uirthi. Sheas an Eaglais gach triall roimhe seo, agus seasfaidh sí an uair seo freisin. Sin mar a gheall Dia dúinn, agus sin an fhírinne.

Mura gcreideann tú i nDia agus ina Eaglais Chaitliceach, ní mór go dtuigeann tú nach eagras a rinneadh chun ainbhirt a dhéanamh é an Eaglais seo, agus níl aon duine a leanann teagasc na hEaglaise sásta leis na drochchúrsaí seo. Feiceann duine an rud ab áil leis, dar ndóigh, agus ní bheidh naimhde na hEaglaise sásta linn go deo. Ní miste liom sin. Is rud tábhachtach go mbíonn na naimhde cearta agat, dar liom. Sin mar a bhíonn tú cinnte go bhfuil an ceart agat.

Tá Aonghus ag déanamh sár-oibre chun fírinne an scéil seo a iniúchadh is a thuairisciú.

Seo cúpla rud suimiúil ó Mheiriceá:

Is Sceipteach Mé

2010-04-13T11:19:00.000-07:00

Tá an Reachtaireach lán-chinnte go bhfuil téamh domhanda aintrapaigineach ann. Níl sé sásta le hargóintí Watts ná aon sceipteach eile. Ach má tá aon athrú i mo thuairim féin, sin go bhfuilim níos amhrasaí fós maidir leis an ardú teochta. Tá cúrsaí an domhain ró-chasta agus tá an data ró-lag chun aon tuicint chruinn a bhaint amach go fóill.

Is iomaí graf atá ar bhlag mo dhuine. Is maith liomsa na cinn seo.

Maoítear i gcónaí go bhfuil móramh na n-eolaithe ar aon intinn ar an ábhar seo. Nílim cinnte faoi sin, fiú. Pé scéal, ní shocraítear ceisteanna eolaíochta ar an dóigh sin. Cruthúnas atá de dhíth. Agus níl aon chruthúnas ann.

Deirtear go bhfuil géarchéim ann. Ní dóigh liom, cé go ndeireann duine amháin in UCLA go bhfuil níos mó CO2 san aer inniú ná a bhí ann le 15 miliúin bliain. (Molaim na tráchtanna a léamh ar an nasc sin, freisin). Fiú más fíor sin (agus níl sin cinnte fós), "ní hionann comhghaolú agus cúisíocht." Agus mar is léir ó na graif nasctha thuas, is beag an baol go bhfuil géarchéim ann. Ar an taobh eile de, bheadh géarchéim eacnamaíochta ann dá ndéanfaí na rudaí a b'áil le lucht dhoiscéal an téimh dhomhanda. Déanfar i bhfad níos mó dochar don chine daonna dá ndéanfaí ní ba lú CO2, agus tá sé fíor-amhrasach go mbeadh aon athrú ar bith ar aeráid an phlainéid. Mar a deir an duine anseo, "ready...fire...aim!" (Tá trí nasc fíormhaithe ar bhun an leathanaigh sin a mholaim go hard - an "global warming test" san áireamh!)

Tá naisc ar an suíomh seo go suímh shuimiúla a bhaineann leis an téamh domhanda. Molaim daoibh iad mar fhoinsí eolais agus tuairimí nach bhfeictear sna meáin de ghnáth (fiú ar Fox News!).

I nDilchuimne ar Lech Kaczyński

2010-04-13T07:30:00.000-07:00

Fuair uachtarán na Polainne, a bhean is a lán daoine eile bás i dtimpiste eitleáin cúpla lá ó shin, ar dheis Dé go raibh siad uile. Bhí siad sa Rúis chun dúnmharú oifigeach na Polainne a tharla i bhfoiréis Katyn a chomóradh. Ba é sin ceann de na coireanna ba mhó a tharla sa Dara Cogadh Domhanda, agus rinne Stalin agus a chomhghlacaithe é. Maraíodh 22,000 oifigeach ansin. Bhí an Pholainn dícheannaithe. Agus anois, faoi scáth an ainghnímh sin, tá sí dícheannaithe arís. Is iomaí uafás a tharla don tír seo feadh na mblianta, agus tiocfaidh siad as an ceann seo freisin, le cúnamh Dé. Ach is mór an trua gur tharla rud chomh holc seo dóibh (arís). Fear an-mhaith a bhí san uasal Kaczyński.

Throid a athair i gcoinne na Naitsithe in Éirí Amach Vársá. Chomh fada siar leis na seachtóidí, bhí Lech féin agus dheartháir ag obair in aghaidh na gcumannaithe a raibh a gcos ar bholg na tíre acu. Bhí sé tábhachtach i ngluaiseacht na gceirdchumann, agus bhí sé ina chomhairleoir do Lech Wałęsa. Tar éis baint amach na saoirse don Pholainn, bhí sé ina mhéara ar Vársá. In ndiaidh a dhearthár (is cúpla iad), d'éirigh sé ina uachtarán.

Cara do na Stáit Aontaithe a bhí ann (in aineoinn droch-iopar Ó Buime chuig an Pholainn), agus cara don daonlathas ar fud na hEorpa. Mar ba cheart, bhí sé an-amhrasach faoin Rúis, agus thug sé cabhair don Úcráin nuair a bhí an Rúis ag troid ina haghaidh. A mhalairt leis an Rúis, tugadh píonós do na corpaigh chumannacha a rinne an-dochar dá thír-sean. Thuig sé an stair, agus chabhraigh sé le hiarrachtaí chun gnéithe tábhachtacha di a choimeád os comhair súile na ndaoine, iarsmalann i gcuimhne Éirí Amach Vársá, mar shampla. Chuaigh sé go sionagóg agus múineadh faoin uileloscadh faoina stiúir sa Pholainn.

Rinne sé sár-iarracht chun rudaí a chur ina gceart sa Pholainn. Laoch ab ea é, le fírinne. Go raibh síocháin shíoraí ar a anam.

Nach bhFuil Grá ar Bith agat do do Mháthair?

2010-03-23T09:30:00.000-07:00

Seo an nós:

Cuir i gcás go bhfuil dlí le scríobh agat. Ba mhaith leat páistí os cionn aois a cúig agus faoin aois a hocht déag a chur ag obair sna monarchana, gan phá. Tá a fhios agat nach mbeidh an móramh sásta leis sin, agus mar sin, deir tú go bhfuil sé ar son a máithreacha, chun leas na bpáistí, agus leas na tíre an dlí seo. Sea, cumann tú teideal breá dó:

Bille Ghrá na Máithreacha

As sin amach, aon duine nach n-aontaíonn leat agus a oibríonn in aghaidh an bhille seo, is léir nach bhfuil grá ag an té sin dá mháthair, agus beidh scéalta dá leithéid sin in gach aon nuachtán (mar is cairde duit iadsan).

Agus an duine sin ag iarraidh é féin a chosaint, cuirfear an cheist seo air:
"Cathain a d'éirigh tú as do mháthair a bhualadh?"

Sin an pholatíocht i Meiriceá.

Ó Buime

2010-03-22T08:47:00.001-07:00

Fuair an eite chlé bua mór aréir. Le gach saghas breibe is bréige, bailíodh vótaí go leor chun "comprehensive health care reform" (cúram sláinte faoi chumhacht an rialtais) a dhéanamh in a dhlí. Ghlac an rilatas seilbh ar 1/6 den gheilleagar, in ainneoin toil na ndaoine, agus an móramh díobh ina aghaidh. Ní bhfuair siad vóta amháin ó Phoblachtach amháin, fiú na liobrálaithe. Sheas 34 Daonlaitheach ina éadann, fiú. Vóta 219 go 212 ab ea é. Níor tharla a leithéid riamh roimhe seo, go gcuireadh dlí chomh tábhachtach i bhfeidhm gan tacaíocht ar bith ón taobh eile. Sin 'teacht le chéile' Uí Buime duit.

Níl gach rud socraithe go fóill, agus táthar ag troid fós. Ach de réir dealraimh, beidh orainn an dlí seo a chur i bhfeidhm ar feadh tamaillín, ar aon nós, sula mbeimid ábalta an damáiste a dheisiú - más féidir. Deirtear go mbeidh droch-thoradh ar seo don pháirtí Doanlaitheach Mí Shamhna. Táthar ag súil. Tá sé seo níos measa ná an bhail a bhí orthu in 1994, agus fuair siad leadradh ansin.

D'éirigh leo sa chath seo, ach le cúnamh Dé, beidh an bua againne sa chogadh.

An bhfuil aon duine a chreideann fós go bfhuil Ó Buime chun an dá thaobh a aontú agus gur neamh-pháirtíneach é fós? Lasmuigh teach na ngealt, sin a rá?

Tá súil agam nach taistealfaimid níos faide anonn ar bhóthar seo an tsóisialachais. Beidh tír eile ar fad againn, má dhéanfar, agus an-dochar don domhan ar fad gan saoirse sna Stáit. Cé gur stád nadúrtha an chine dhaonna sin - go sabhála Dia sinn. Gealladh 'Athrú' dúinn. Seo linn. Agus an 'Dóchas'? An dóchas go mbeadh níos mó agus níos mó cumhachta ag lucht seo na heite clé a bhí i gceist, faraor.

Déanann vóta difear. Agus is mór an difear idir pártaithe polaitiúla. Sin ceacht thábhachtach do a lán daoine a chaith vótaí ar son Uí Buime ionas nach raibh siad sásta le GWB. Cé chomh dona agus a bhíonn McCain agus na Poblachtánaigh go minic, níl aon chosúlacht idir sin agus seo.

Ní hé an réiteach é an rialtas - is é an fhadhb é!

Ó Bama vs. Iosrael

2010-03-16T10:56:00.000-07:00

Ní cuimhin liom cén duine (Concubhair? Fearn?) a dúirt, ach nuair a thosaigh réim Uí Bhama, dúirt duine gurb é an t-aon rud nár mhaith leo ná nach raibh sé dian go leor ar Iosrael. Bhuel, mo léan, is dócha go bhfuil an duine sin sásta anois ar an ábhar sin (ach is iomaí rud eile a rinne BHO ó shin nár mhaith leis, is dócha, mar choimeád sé mórán de pholasaithe GWB, srl.).

Is iomaí rud a rinne agus a dúirt BHO le bliain anuas a bhí maslach do Iosrael, ach anois tá géirchéim ann. Mar is iondúil, is iadsan a bhíonn ag rá gur ar son na saoirse iad, na daoine céanna a bhíonn ag cothú na bhfadhbanna. Dá mbeadh siad i ndáiríre. Ach tá iompar na ndaoine seo cosúil le daoine eile rompu a chuaigh ar strae, agus a rinne dochar sula ndearna siad maith. Faraor, nílim dóchasach go ndéanfaidh an criú seo aon mhaith as seo amach ach oiread, ach a mhalairt.

Is nós le rialtas BHO maslaí a thabhairt dár gcairde agus focail mhilse a thabhair dár naimhde. Níl aon tír eile ann a fhaigheann droch-íde níos measa ná Iosrael, agus anois tá an criú seo ag iarraidh an tír seo a iompú go dtí an taobh dorcha (rud nach dtarlóidh riamh, más pobal na tíre atá i gceist). Tá siad ag déanamh neamhairde do dhlithe ár dtíre, do mheon na ndaoine anseo, agus do stair Iosrael. Is í Iarúsailéim an cnámh spáirne sa chonspóid is déanaí seo. Ach níl aon chúis leis sin, le fírinne. Ní mór stair Iarúsailéime a thuiscint, sin uile. Faraor - agus BHO is a chairde san áireamh - is iomaí duine gur cuma leo na fíricí. Pé rud a dhéanfadh Iosrael maidir le Iarúsaléim Thoir, is le hIosrael an rogha sin, mar is leosan an chathair.

Ní miste liom go ndearna Iosrael rud a thaispeán do lucht BHO go bhfuil siad neamhspleách ó na Stáit Aontaithe, agus go dtuigeann siad nach bhfuil an rialtas seo iontaofa nó measúil. Ach níor chabhair sin leis an iarracht is déanaí chun síocháin a chothú (mar dhea) idir Iosrael is na hArabaigh, agus mar sin, ghabh Netanyahu a leithscéal. Ba chóir dá mbeadh deireadh leis an rud ina dhiaidh sin. Ach lean BHO, Biden agus Clinton ar aghaidh chun fadhb níos mó a dhéanamh de. Is maith liom an rud a dúirt an Seanadóir Sen. Brownback:

It's hard to see how spending a weekend condemning Israel for a zoning decision in its capital city amounts to a positive step towards peace."

Féachaint nach raibh Biden ann fós, ní dúradh faic faoin rud a rinne Fatah cúpla lá ar aghaidh. Níor bhain sin le haon rud dleathach, ná le tír ná le rialtas aitheanta. Bhain sin leis an olc. Mar sin féin, tá Biden feargach maidir le hIosrael as tithe a thógáil dá muintir ina ceannchathair féin, seachas maidir le sceimhlitheoirí ag ceiliúradh murdar.

Is olc an mhaise do na Stáit Aontaithe faoi láthair. Amaitéaraigh dhainséaracha atá i mbun na tíre, go sábhála Dia sinn (agus Iosrael).

Siopa Leabhar Naitsíoch Bhaile Átha Cliatha

2010-03-10T06:28:00.000-08:00

Chonaic mé grianghraf de shiopa leabhar cumannach (dúirt an comhartha) i mBaile Átha Cliatha in Saol (Connolly's?), tamall ó shin, agus tá sé ag dó na geirbe orm ó shin. Tá a fhios agam gur iomaí duine saonta atá in Éirinn a chreideann an seanbhréag go ndearna na cumannaigh botúin, ach go raibh dea-thoil acu, agus dá ndéanfadh i gceart é...!

Is dhá shaghas sóisialachais iad an cumannachas ags an faisisteachas. Féach ainm an pháirtí as a dtagann an focal sin naitsí - Nationalsozialismus (sóisialachas náisiúnta). Féach a gcuid polasaithe. Agus féach go mbraitheann an dá shaghas araon ar an bhforéigin is an murdar. I gcónaí, gan eisceacht. Dea-chaint agus comharthaí a bhíonn acu go minic, ach gníomhartha gránna i gcónaí. Sea, bhraith an naitsíochas ar an gciníochas, cinnte, ach níor bhraith an faisisticheas air i gcónaí. Bíonn cumannaithe sásta daoine a mharú mar gheall ar chéim (agus an iliomad cúis eile...), seachas cine. Cé acu is fearr, dar leat?

Mar sin, má táthar sásta go bhfuil siopa cumannach ann, cén fáth nach mbeadh siopa naitsíoch ann? Ba bheag an difear. Agus má dhíoltar t-léinte de Ché Guevara, cén fáth nach ndíoltar t-léinte de Mussolini nó Goebels? Nó fiú Beria? Ahhh, dúnmharfóir deas ab ea Ché, an dtuigeann tú.

Tamall ó shin, bhí mé ag cóisir ag caint le triúir. As tíortha éagsúla sinn go léir. Beirt as tíortha iar-chumannacha. Thosaigh an duine eile cur síos a dhéanamh ar bhuntáistí an tsóisialachais. Ní dúirt na daoine eile mórán. Bhí a fhios acu gur amaideach mo dhuine. Ní dóigh liom go mbíonn mórán Polannach ag ceannach na leabhar cumannach i mBaile Átha Cliatha ach oiread.

Priosúnach Polaitíochta agus Póilín-scriostóir

2010-02-04T10:01:00.000-08:00

Tá fear fíormhaith ar iarraidh sa tSín, duine darb ainm Gao Zhisheng. Críostaí is ea é a bhíonn ag obair ar son cearta daonna. Dar ndóigh, ní maith le rialtas na Síne sin. Tá siad dá ghéarleanúint le blianta, agus chaith sé sealanna i ngéibhinn. Ach le breis is bliain anuas, níl táisc ná tuairisc air.

Dar ndóigh, bíonn gach duine a deireann gur ar son cearta daonna iad ag labhairt go neamhbhalbh faoi agus ag léirisiú ar a shon.

Mar dhea. Mar is iondúil, is beag duine ar an eite chlé a bhfuil suim aige i bhfíorlaoch na gcearta daonna. Ní miste leo brúidiúlacht na gcumannach, mar ceapann siad go bhfuil sé ar son leasa an chine daonna. Go sábhála Dia sinn. Agus Gao.

Más maith leat cabhrú, sínigh an achainí thuas agus scaip an scéal.

Ach nach mbíonn an eite chlé ag gearrán faoi phríosúnaigh pholaitíochta? Cé a bhíonn i gceist acu? Bhuel, an duine is mó ar a neamhpháidrín ná an póilín-scriostóir (cop killer) Mumia Abu Jamal. Seasann siad in aghaidh bheantrach a íospartaigh, fiú. Tá an saol bunoscionn acu, mar is iondúil, faraor.

Tá beagán dul chun cinn ann le déanaí. Fos, maraíodh Daniel Faulkner nuair a bhí sé 25 bliain d'aois. Tá a dhúnmharfóir faoi ghlas le breis is 28 bliain ó gearradh breith bháis air, agus tá sé ina laoch don eite chlé. Cá bhfuil an ceart?

"Maraigh Mumia; Scaoil Gao Saor (Fry Mumia; Free Gao)!" Sin mo mhana féin.

An Té agus Bail an Aontais

2010-01-28T09:28:00.000-08:00

Thug Ó Bama óráid bhail an Aontais den chéad uair aréir. D'fhéach mé ar chúpla nóiméad de (ní féidir liom éisteacht leis ar feadh i bhfad). An méid a chonaic mé, ba leor sin.

Léacht a thug sé, agus maslaí do mo leithéid. Is cúis iontais dom i gcónaí cé chomh dall agus a bhíonn sé. Thugann sé maslaí ar na daoine nach n-aontaíonn leis (agus bíonn níos mó agus níos mó dínn ann gach lá), agus ansin deir sé gur mhaith leis obair leo, agus go bhfuil sé sásta éisteacht leo. Ní féidir é le dearcadh mar atá aigesean, dar ndóigh. Is eisean an t-uachtaráin is deighiltí is is páirtíní dá raibh ann riamh, b'fhéidir, cé go maíonn sé minic go leor gur mhaith leis a bheith 'post-partisan'. Seafóid.

Dúirt sé go bhfuil daoine in aghaidh a phlean don chúram sláinte náisiúnta mar níor mhínigh sé dúinn i gceart é - ní thuigimid, sin a rá. Níl meas ar bith aige ar aon duine nach n-aontaíonn leis. Bhí gach rud ina chaor tuathail nuair a thosaigh sé - ní raibh fios a ghnó ag aon duine roimhe, tuigtear. Tá sé in am a bheith ciallmhar (mar ní raibh éinne ciallmhar roimhe, tuigtear). Muise, is sotalach go croí é.

Seafóid agus baois gan bhrí den chuid is mó dá ndúirt sé, mar is iondúil. Agus an bheirt amadáin sin Biden agus Pelosi ina suí taobh thiar de, bhí sé rí-dheacair dom féachaint orthu ar chor ar bith. Ní thuigeann siad cé chomh feargach agus atá muintir na tíre. Chaill a gcomhpháirtí an toghchán in Massachussetts, agus is tuar sin ar a bhfuil le teacht. Ní leor nod do mo dhuine, is amhlaidh. Brúfaidh sé na polasaithe céanna ar aghaidh, níos tréine, gan aird ar bith a thabhairt ar thuairim nó dhuine ar bith eile nach n-aontaíonn leis. Go gcoisctear é. Mar atá, tá gach rud mí-shocraithe aige, agus tá an geilleagar thíos leis. Níl a fhios ag éinne cad a dhéanfaidh sé, agus cén damáiste a dhéanfaidh sé, don lucht gnó go háirithe. Ach ní thuigeann sé sin ach oiread - cuireann sé i gcéill go bhfuil sé ag spreagadh post agus mar sin de. Focail fholmha a dhéanann dochar i gcónaí uaidh.

Maidir lena stíl agus é ag caint, cheap mé go riabh cócaon caite aige ar dtús. Gan aon mhaith ar bith déanta aige, gan plean feidhmiúil ar bith aige, ach fós bhí sé caithréimeach! Níl fadhb ar bith aige, bíonn sé ceart agus is breá le gach éinne é, dar leis. Is breá leis é féin, is léir. Is eisean An Té.

Dá mbeadh uachtarán dáiríre againn. Ar ball. Sul i bhfad. 2012. Agus idir an dá linn, is iomaí toghchán a chaillfidh na Daonlaithigh.

An Pápa Glas

2010-01-12T14:00:00.000-08:00

Trí bliana ó shin, bhí an Pápa an-stuama maidir leis an téamh domhanda. Bhí comhairle aige dúinn gan a bheith ró-thapa chun rudaí áiféiseacha a dhéanamh agus gan aire a thabhairt dóibh siúd a bhíonn ag bagairt deireadh an domhain orainn mura ndéanfaimid athruithe práinneacha gan mhoill. Ach nílim cinnte nár ól sé an Kool-Aid ó shin.

Ní amháin go bhfuil sé ag rá anois go bhfuil conraithe nua práinneach agus go bhfuil baol rí-mhór ann don domhan gan iad, ach de réir dealraimh, ní miste leis go mbrúitear na rialacha nua ar dhaoine anuas óna rialtais (ó rialtas an domhain, déarfainn).

Tá a ráiteas ar shíochán don domhain an-ghinearálta, agus ní léir a bhfuil ar intinn aige. Níl sé dea-scríofa, dar liom.

Cheapfá go mbeadh an Eaglais cúramach mall mar a bhíonn sí i gcúrsaí spioradálta. Nílim cinnte go bhfuil sé de cheart ag an Eaglais aon rud a rá faoin eolaíocht ná faoi chonartha idirnáisiúnta nach mbaineann le fíorchúrsaí is fíorfhadhbanna, ach amháin mar a rinne sé in 2007, chun fainic a rá maidir le fáithe Lá an Bhrátha.

Ní hiad acmhainn an domhain ar cionsiocair le fadhbanna an chine daonna, de ghná, seachas éad, easpa cineáltais, foréigean, creidimh bhréagacha agus easpa saoirse. Ba chóir dár bPápa díriú orthusan.

Tá treoraithe eile san Eaglais, dar ndóigh, agus nochtann siad a dtuairimí freisin. Is maith liom ráitis an Chairdinéil George Pell, a dúirt in 2006:

"Radical environmentalists are more than up to the task of moralising their own agenda and imposing it on people through fear. They don't need church leaders to help them with this, although it is a very effective way of further muting Christian witness. Church leaders in particular should be allergic to nonsense."
"I am certainly sceptical about extravagant claims of impending man-made climatic catastrophes. Uncertainties on climate change abound ... my task as a Christian leader is to engage with reality, to contribute to debate on important issues, to open people's minds, and to point out when the emperor is wearing few or no clothes."

Tá beirt ar a laghad ar an Pontifical Council for Justice and Peace a chreideann a leithéid. Tá an bheirt Chairdinéal seo an-stuama sa mhéad a tuairiscítear san alt seo. Mar a bhíodh an Pápa féin.

Tá fadhbanna ann a eagraíonn as drochúsáid acmhainne, gan amhras. Ach tá gá le saoirse, rialtais iontaofa, agus oideachas, chun an chuid is mó díobh seo a réiteach. Níl aon ghá le cosc ar an gcarbón, ná le caitheamh amú airgid sna tíortha móra, a bheadh ábalta roinnt den airgead sin a úsáid chun cabhrú leis na tíortha bochta.

Dá mbeimis i ndáiríre faoin dúlra is faoi na daoine atá thíos sa domhain seo. Tá díomá orm faoin ráiteas lag seo ó B16. Agus ní minic a deirim a leithéid sin.

Focail eile ó Pell:

"Jesus calls us to address the challenges in our own hearts, families, and communities before we moralize about distant worlds, where we are usually powerless."

An Euro agus an Ghéarchéim Eacnamaíochta

2010-01-06T13:43:00.000-08:00

Tá an t-alt seo le Martin Wolf deacair a thuiscint dom, mar ní eacnamaí mé. Ach míníonn sé an fáth go bhfuil cúrsaí in Éirinn níos measa ná in áiteanna eile san Eoraip. Má thuigim i gceart é, coscann an Euro ar na tíortha a bhfuil gá le hairgead acu cothromaíocht nadúrtha a choimeád eatarthu agus na tíortha a bhíonn ag tabhairt airgid ar iasacht, mar is ionann an t-airgeadas. Níl an luach céanna ag Euro na hÉireann agus Euro na Gearmáine, le fírinne, ach níl an réiteach air sin. Tá an Euro láidir, ach tá an chuid is mó díobh ag na tíortha móra cumhachta. Tá fiacha ag Éirinn nach féidir léi íoc. Beidh an geilleagar in Éireann, sa Spáinne agus sa Ghréig níos laige ná an gealleagar sa Ghearmáin nó san Ísealtír, mar bíonn siad ag caitheamh níos mó ná a fhaigheann siad, agus bíonn gá le níos mó airgid iontu chun gnó a chothú is brabús ar bith a dhéanamh. Agus beidh sé amhlaidh ar feadh i bhfad, de réir dealraimh, is oth liom a rá.

Slán leat, a 2009

2009-12-31T06:24:00.000-08:00

Seo sracfhéachaint siar ar an mbliain a chuaigh thart.

Tá uachtarán againn sna stáit an-difiriúil ón duine roimhe, gan amhras. Is fíor faoisean gach a deirtí (mar bhréag) faoi GWB, faraor. Gheall sé nach raibh sé claonta mar gheall ar pháirtí, agus mar a tharlaíonn, scoilt níos mó ná riamh a rinne sé is a chomhphártaithe ar an eite chlé idir an dá pháirtí. Dúirt sé go mbeadh rialtas glan oscailte aige, ach a mhalairt atá fíor. Dúirt sé nach ndéanfadh sé aon rud a rinne GWB, ach tá an chuid is mó dá raibh ar siúl aige maidir le sláinte na tíre fós i réim, cé go mbíonn BHO ag iarraidh iad a lagú. Dúirt sé go mbeadh caidreamh ní b'fhearr aige leis an saol lasmuigh, agus chuaigh sé ó áit go háit ag gabháil a leithscéil as Meiriceá agus ag gealladh gach ab fhéidir leis dár naimhde (agus uaireanta ag maslú is ag déanamh fill ar ár gcairde). De réir dealraimh, ní maith le héinne níos mó sinn mar gheall air. Is cinnte nach bhfuil meas dá laghad ag ár naimhde orainn. Dúirt sé go gcaithimid sléibhte airgid a chaitheamh chun cúrsaí eacnamaíochta a chur in a gceart. Bíonn siad á gcaitheamh, ach is beag an feabhas atá ann, agus an méad atá ann, is ina aithneoin é. Níl mórán daoine sásta le BHO agus a chomhghleacaithe. Ach ní bheith seans againn fáil réidh leis go ceann trí bliana eile, faraor.
Tá an domhan níos teo! Mar dhea. Ach tá an coimhlint idir na daoine ceartchreidmheacha agus sinne nach bhfuil den chreideamh sin níos teo. Sílim mar sin féin nach bhfuil Al Gore ina dhia ag an méid céanna daoine agus a bhíodh. Tá dóchas ann, cé go mbítear ag caitheamh airgid go leor amú agus go mbíonn lámh láidir ag na teolaithe fós.
Tá an Iaráin faoi smacht ag na haintiarnaithe fós, ach tá muintir na hIaráine fós ag léirsiú is ag seasamh ina n-aghaidh. Go ndéana Dia trócaire orthu. Go raibh ciall is crógacht mar atá acusan ag an lucht féachana lasmuigh, BHO agus ceannairí na dtíortha Eorpacha go háirithe. Is náireach nach bhfuilimid go léir ag seasamh leis na daoine sin ar son na saoirse is na gcearta daonna. Ach is cuma le lucht agóide na gcearta daonna mura mbíonn siad ábalta gearán faoi Iosrael nó na Stáit Aontaithe....
Tá an géarchéim eacnamaíochta fós orainn, agus níos measa in Éirinn in 2009. Agus níl aon rialtas á réiteach i gceart (dá mb'fhéidir leo...). De réir dealraimh, tá an Eoraip ag iarraidh níos lú airgid a chaitheamh agus cúpla rud ciallmhar a dhéanamh. A mhalairt leis na Stáit.
Ghlac Éire le rialtas na nEorpach (An Conradh/Bunreacht). Feicfear an mbeidh níos lú le rá acu faoi chúrsaí as seo amach. Ar chúis éigin, ceapann na daoine a bhí ar son an chonartha go mbeidh níos mó cumhachta ag Éirinn. Más amhlaidh, cá bhfios nach mbeidh Éire ábalta diúltú leis an gcéad rud eile a bhrúnn na Eorpaigh mór le rá uirthi...
Tá cogadh agus sceimhlitheoireacht fós i mbarr a réime, faraor. Guímis go mbeidh síocháin againn san athbhliain. Ní bheidh gan mhíorúilt, faraor. Tá seans i mbfadh níos mó ann go mbeidh buama adamhach ag an Iaráin. Ní raibh éinne i ndáiríre faoin síocháin in 2009.
Scriosadh tréimhseacháin thábhachtaí na Gaeilge agus rinne rialtas na hÉireann praiseach de arís eile. Ach ar an lámh eile, ath-thosaíodh An Gael, agus tá dóchas ann fós. Tá Nós* agus An Druma Mór/Nuacht 24 ann, freisin. Daoine neamhspleácha i mbun gach cinn díobh. Dá mbeadh lucht a léite ní ba mhó....
Bhí deachrachtaí pearsanta agus fadhbanna go leor ag roinnt dínn. Chailleamar cairde is gaolta. Ach rugadh agus pósadh daoine, agus bhí buananna againn freisin. Tosaíodh blaganna agus chuaigh blaganna ina dtost. Bliain mar aon bhliain eile. Go raibh bliain bhreá againn go léir in 2010. Agus bímis buíoch as a chéile.

Táim buíoch de gach duine a léann an blag seo, a éisteann le mo phodchraoladh agus a fhéachainn ar mo fhíschraoladh, agus táim buíoch de Dhia as mo chairde Gaelacha go léir. Athbhliain faoi shéan is faoi mhaise daoibh, a chairde. Slán, go dtí an chéad bhliain eile.

Séamas 'cé nach n-aontaím leis' Ó Neachtain.

Mealbhacáin Uisce

2009-12-17T09:30:00.000-08:00

Glas ar an taobh amuigh, dearg ar an taobh istigh. Sin iad lucht an téamh domhanda. Is mealbhacáin uisce an chuid is mó díobh. Cairde de lethéid Hugo Chavez. Gan aon agó, tá clár oibre acu nach mbaineann leis an eolaíocht ná le fíorbhaol ar bith don domhan (ach iadsan). Sea, an dearg nua is ea 'glas'. Sin an fáth go bhfuil sé ina chreideamh acu, agus nach bhfuil suim dá laghad acu sna fíricí ná san eolaíocht. Sin an fáth go bhfuil an brú ama seo ann - ní mór dúinn rud a dhéanamh chomh tapa agus is féidir (ionas nach mbeidh a fhios ag éinne cad atá ar siúl acu). Níl ann ach leithscéal. Tá cuspóirí eile ar fad acu, bígí cinnte.

Ní mór dúinn moill a chur orthu, ionas go bhfeicfear iad mar atá siad ar ball, agus go nochtfar a gcuid rún go hoscailte. Ansin, diúltófar leo, le cúnamh Dé. Guím go dtitfidh Hopenchangen as a chéile ar fad. Agus de réir dealraimh, titfidh.

Tuigeann roinnt mhór daoine cheana, dar ndóigh...

Tá Siad Chomh Dona....

2009-12-17T07:05:00.000-08:00

...go bhfuil na Rúisigh níos iontaofa ná na heolaithe mór le rá maidir leis an téamh domhanda! Is mór an trua nach bhfuil an sorcas seo atá againn in Copenhagen ar siúl sa Sibéir! B'fhéidir nach mbeadh sé chomh deacair baint a fháil idir Climategate agus bréageolaíocht an téamh domhanda thall ansin...

Tá an Eolaíocht Socraithe (Mar Dhea)

2009-12-16T06:27:00.000-08:00

Ceann eile daoibh. Is léir ó fhoinsí go leor nach bhfuil baint ar bith ag an eolaíocht leis an bpolaitíocht, sin a rá, leis an taobh domhanda aintrapaigineach agus an imeagla bhréagach a bhaineann leis. Ní maith liom teoiricí comhcheilge de ghnáth, ach níl anseo againn ach feachtas chun rialtas (sóisialach) idirnáisiúnta a bhrú ar an domhain (ar na Stáit Aontaithe go háirithe). Is 'power grab' amháin é, a bheidh rí-chostasach dúinn má ghlactar leis.

Beidh na staraithe ag magadh fúinn cúpla bliain anall. Faoi Al Gore go háirithe. Luafar é i gcomhthéacs Ponzi agus Madoff.

Ciall agus Easpa Céille

2009-12-09T06:30:00.000-08:00

Dá mbeadh sí ina huachtarán...

Tá alt le Sarah Palin sa Washington Post inniu, faoi Copenhagen srl. Foirfe.

Tharais sin, tá an t-amadán atá againn chun fiú níos mó airgid a chaitheamh amú, airgead nach bhfuil ann! Is deacair a shamhlú meon na ndaoine seo. "Administration officials also have been debating which cause is a higher priority and how to best divert TARP funds..." Tá siad as a meabhair ar fad.

Go sábhála Dia sinn.

Téamh Domhanda Antrapaigineach = Bréag

2009-11-25T08:52:00.000-08:00

Is iomaí rud atá scríofa agam ar an ábhar seo cheana. Ach tharla conspóid (mar dhea) le déanaí a thacaíonn lena bhfuil ráite agam le fada. Nochtadh r-phoist de chuid an Climate Research Unit ag Ollscoil Anglia Thoir, foinse thábhachtach den 'eolaíocht' a bhaineann le histéire an TD (An bhfuil TD ort? Labhair le do dhochtúir. Nó an bhfuil tú i do TD?). Dúradh sna r-phoist seo go raibh siad ag ceilt eolais chun a gcuid polataíochta a chur chun cinn (tá ola go holc, tá gach rud 'glas' go maith...) agus is léir ón eolas go bhfuil sé an-amhrasach go bhfuil aon TD ann, agus go raibh a fhios sin acu!

Is maith an rud é nach bhfuil na frith-eolaithe i gcumhacht go fóill, agus go bhfuil uachtarán a chuireann gach iontaobh san eolaíocht i réim sna Stáit... Is maith an rud é go bhfuil Al Gore ("who left the vice presidency in 2001 worth under $5 million and is now said to be a magnate with a net fortune of over $100 million") ina dhia fós...nach bhfuil duais eile fágtha le tabhairt dó?

Mura n-ólann tú an Kool-Aid fós, b'fhéidir gur mhaith leat an t-léine nó ábhar mar sin a cheannach? Nárbh fhearr sin ná gealleagar an domhain a scriosadh mar gheall ar eolaíocht bhréige? Creideann cúpla duine de mo leithéid (táimid ann) gurb fhearr. Ach nílimid ceartchreidmheach...

Hmmm. Féinmhárú eacnamaíochta bunaithe ar bhréagacha, nó leas na ndaoine a chothú? Ná hinis dom - táim ag déanamh mo mhachnaimh air fós.... Muise, nach deacair an cheist í? Is deacair a bheith ag smaoineamh as do stuaim féin!

Nach méanar dúinn go bhfuil daoine stuama chun na socruithe go léir a dhéanamh dúinn thall in Copenhagan go luath.... Táim cinnte go bhfuil gach eolas acusan.

Am Ceart don Réabhlóid Fós?

2009-11-18T12:51:00.001-08:00

Scríobh mé faoin ngéarchéim eacnamaíochta tamall ó shin anseo. Níl sé thart fós, cinnte, agus tá sé i bhfad níos measa in Éirinn anois ná mar a bhí ansin. Tá siad ann fós atá ag lorg athrú córais mar réiteach air, a bhfuil cluas le héisteacht orthu le moltaí ó cheannaire deireanach an Aontais Shóivéadaigh. Sea, sin duine a thuig cúrsaí eacnamaíochta (mar dhea). Bhuel, mar sin, an bhfuil sé in am don réabhlóid fós? Cinnte, ní minic a bhíonn cúrsaí níos fearr i ndiaidh a leithéide sin.

Bhí cara agam san ollscoil a dúirt "life is a Who song," agus bhí roinnt den cheart aige. "In with the new boss...same as the old boss..." Féach nach bhfuil cúrsaí i bhfad níos fearr sa Rúis anois, mar ba mhaith leo dul ar ais don deachtóireacht a bhíodh ann i gcónaí. Ar tharla réabhlóid riamh, gan saoirse thíre a bhaint amach, a rinne cúrsaí níos fearr? Ní dóigh liom.

Ach gan an áibhéil seo, an bhfuil athruithe ar an gcóras caipitleach de dhíth? Deirimse nach bhfuil. Scríobh mé fadó fadó faoin gcaipitleachas. Is é an córas is fearr dá raibh ann riamh. An bhfuil sé foirfe? Níl aon rud daonna foirfe. An gcuirtear bac air go minic? Cinnte, agus sin cionsiocair na bhfadhbanna atá ann anois, níos mó ná aon rud eile.

Is deacair a rá nach féidir dúinn gach pian a sheachaint agus gach deacracht a réiteach, agus nach mbeidh cúrsaí éasca, nó fiú cothrom, do gach éinne. Ach sin an saol seo, agus níl aon dul as.

An féidir le rialtais rudaí a dhéanamh chun cúrsaí a fheabhsú? Gan amhras. An bhfuil siad á ndéanamh? Níl. Cur i gcéil agus níos measa ná sin atá ar siúl. Níl siad ag obair mar a bheadh aon duine ciallmhar - bíonn siad ag caitheamh níos mó airgead i gcónaí, airgead nach bhfuil acu agus nach mbeidh go deo. Bíonn siad ag déanamh gach aon rud níos daoire do dhaoine, seachas a mhalairt. Bíonn siad ag brú dlithe ar dhaoine nach ndéanann aon mhaith, ach a mhalairt, agus ag cur bacanna roimh aon dul chun cinn. Níl an milleán ar an gcóras, tá an milleán ar na polaiteoirí. Le cúnamh Dé, "we won't get fooled again."

An bhFuil an 1ú Aibreáin Ann i nGan Fhios Dom?

2009-10-09T06:22:00.000-07:00

Baineadh gáire agus stangadh asam ar maidin inniu nuair a fógraíodh gur bronadh Duais Shíochána Nobel ar Ó Bama. CAD AS? Dá mbeadh aon mhaith agus aon chiall sa duais seo fós, agus tá sé sin an-amhrasach tar éis Arafat agus Carter agus an iliomad amadán eile, níl aon mhaith ann anois. Tá sé seo níos measa ná Duais an Acadaimh a fuair Al Gore (ó, agus fuair Gore an ceann seo freisin!).
Faightear Duais Nobel as baois agus brilléis.
Is é seo an rud is amaidí dá bhfaca mé le fada an lá. Is dócha go bhfuil an tUasal Nobal ag iompú ina uaigh, an fear bocht. Tá sé náireach agus gan chiall ar fad.
B'fhearr dóibh ainm na duaise a athrú go 'Duais Frith-Bush.'

Schadenfreude

2009-10-07T10:14:00.000-07:00

Bhí ceannteidil an-chliste ag Matt Drudge: The Ego Has Landed. Chuaigh na hUí Báma go Copenhagen chun na cluichí Oilimpeacha a fháil dá mbaile dúchais, Chicago. D'inis siad scéalta fúthu féin, agus cheap gach éinne nach mbeadh aon toradh ar an scéal ach go ndéanfaí a dtoil. Cheap fiú a naimhde is measa nach raibh siad chomh dall chun dul ansin gan an rud a bheith socraithe ina bhfábhar roimh ré.

Ach diúltaíodh iad, sa chéad bhabhta!

Is cuma liom faoi na cluichí a bheith in Chicago. Ach rinne na hUí Báma amadáin díobh féin (arís), agus chonacthas é an uair seo. Níl aon dul as agam air. Braithim Schadenfreude mar gheall air.

Is iomaí duine le déanaí atá ag tosnú le feiscint nach dia é Ó Bama. Tá roinnt daoine ann a fheiceann nach bhfuil an t-impire ag caitheamh éadach ar bith. Mar a thuig daoine de mo leithéid i gcónaí. Is duine an-lag atá an-mhór leis féin é BHO.

Ní mór do dhuine éigin an nuacht seo a roinnt leis an hAifricigh, sílim...

Ach, dar ndóigh, níl sé go maith do Mheiriceá go bhfuil a leithéid d'uachtarán againn ag déanamh dochar dár n-íomhá ar fud an domhain. Ach c'est la vie. Go mairimis ina ainneoin.

Admhaím é - Is Duine Gorm é!

2009-09-25T10:41:00.000-07:00

An Té a bhí le teacht, an rí-uasal Barack H. Ó Bama, uachtarán an domhain... Sea, is fuath leis na coimeádaithe é. Ní aontaímid leis faoi rud ar bith.
Mar go bhfuil sé gorm.
Go díreach mar na daoine seo.
Agus na daoine seo.
Agus daoine mar an duine seo.
Mar is ionann iad go léir, tá a fhios agat. Dar leis an eite chlé, dar ndóigh, a bhíonn ag trácht ar chine BHO i gcónaí. Ní féidir le haon duine cur ina choinne gan a bheith i gcoinne gach duine gorm, dar leo.
Agus tá daoine ann (fiú i dtír na saonta is na scoláirí) a chreideann a leithéid!

Saonta, Nó Níos Measa?

2009-09-23T11:34:00.000-07:00

Thug An Té (BHO) oráid ag club na ndeachtóirí (na NA) inniú (mar a rinne Khadafi...).
Raiméis faoin téamh domhanda, maslaí do Iosrael (agus do Mheiriceá), agus praiseach eile a bhí ann.
Seo léirmheas iontach air.
Níor thug sé bláthanna do chuile dhuine ina dhiaidh (ach amháin na hIosraelaigh), ámh, cé go mbeifí ag súil lena leithéid.

Sampla foirfe dá bhfuil ann in BHO - caint dheas gan substaint, moltaí dár naimhde agus maslaí dár gcairde (n-iarchairde?). Caint faoi chearta daonna gan a bheith i ndáiríre faoi, gan díriú ar na fadhbanna is mó is na tíortha is measa. Dar leisean, is sinne an tír is measa agus is sinne atá ciontach as fadhbanna an domhain. An t-amadán.

Thug John Bolton "Óráid iar-Mheiriceánach ónár gcéad uachtarán iar-Mheiriceánach" air. Náireach ar fad. Agus dar ndóigh, fuair sé bualadh bos nach beag.

Abraigí Arís É! Ní Ghlactar le Conradh Liospóin

2009-09-18T10:47:00.000-07:00

Ní Éireannach mé, agus níl vóta agam. Ach tuigim go bhfuil droch scéal ann do mhuintir na hÉireann. Is í Éire an t-aon tír amháin san Eoraip a bhfuil vóta ag na daoine inti maidir leis an gconradh seo. An t-aon tír amháin! Tá imní ar gach éinne faoin easpa cumhachta atá ag Éirinn - ach tá an vóta is tábhachtaí aici!
Ach níl meas ag mórán daoine ar ghuth an phobail.

Mr Cowen said: "The government accepts and respects the verdict of the Irish people."

Mar dhea.

On 12 December 2008 the Taoiseach, Brian Cowen confirmed that a second referendum would be held

Is iomaí duine mór le rá atá ar son an chonartha seo. Ach an bhfuil sé difiriúil nó níos fearr an uair seo? Ní cheaptar go bhfuil. Cheap na daoine nach raibh sé go maith dá dtír. Cén fáth go bhfuil sé tábhachtach éisteacht leis na daoine? Cén fáth go bhfuil gá le reifreann ann? Níl aon bhaol ann do daonlathas, deir daoine áirithe. Ach nach é sin an fáth?

...significant changes to national sovereignty included in the Single European Act require the permission from the Irish voters in the form of a referendum. The Treaty seeks to amend the Single European Act. A part of the Supreme Court decision is that the State's power to determine its foreign relations is held in trust from the people and may not be alienated by the government without their approval.

Más fearr libh cumhacht eile a thabhairt do dhaoine anaithnid thar sáile ná meas a thabhairt do vótaí bhúr saoránach féin, tá an seans ann chun sin a chur in iúl. Ach ón taobh amuigh, molaimse go n-aibraigí arís nár mhaith libh sin.

Tá an Sorcas faoi Lán Seoil

2009-09-16T07:19:00.000-07:00

Agus cé hé ina fhear grinn arís? Ár seanchara Jimmy Carter.

Maíodh gur ciníochas aon rud a deirtear i gcoinne Uí Bhama, mar a dúradh faoin 'you lie' a dúirt duine darb ainm Joe Wilson nuair a d'inis Ó Bama bréag le déanaí. Agus deir Carter anois go nglacann sé leis an raiméis sin. Seo an riail: má thugtar drochainm ar BHO, thugtar as ciníochas sin. Má thugtar 'ass' ar Kanye West, bhuel, is 'ass' é, sin uile. An bhfuil sé agam?
Dar ndóigh, níl Carter ach ag sodar i ndiaidh colúnaí radacaigh na heite clé Maureen Dowd ón New York Times. Mura n-aontaíonn tú leis An Té, is ciníochaí thú. Nó namhaid an stáit? Ach níl aon chosúlacht ann...

Sea, tá meas an domhain ag chuile dhuine ar Jimmy Carter. Tá OBL ag moladh a leabhair i gcoinne Iosrael anois, fiú! Aithníonn ciaróg ciaróg eile.

Gach uair a labhraíonn BHO faoin 'bplean' atá acu maidir le cúrsaí sláinte poiblí, sin a rá, leasaithe (mar dhea) ar an gcúram sláinte, tuigeann níos mó daoine nach maith leo an saghas sin sóisialachais. Bíonn na huimhreacha ag dul in ísle. Feictear nach bhfuil in Ó Bama ach fear na ndrochpholasaithe - mar a cheap beagnach leath den tír ón dtosach. Is iomaí duine a raibh sé ar nós cuma liom acu cén polasaithe a bhí aige, mar bhí sé ní ba thabhachtaí gur duine gorm é. Sin riail eile - ní ciníochas sin. Is ciníochas é nuair a dhírítear ar a chuid drochpholasaithe, polasaithe an rialtais mhóir shóisialaí. (Ach is cuma gur roghnaigh sé cumannaithe agus a leithéid mar czar-anna srl., dar ndóigh).

Tá an iomarca le rá faoin ndroch-chaoi atá sé ag dul i ngleic le cúrsaí idirnáisiúnta. Ach chomh dona agus atá BHO féin, sílim go bhfuil HRC níos measa fós. Truamhéalach, ar dhóigh. Bean ghrinn gan chumhacht.

Ach tá siad ag caitheamh airgid gan stad gan staonadh. Tá an bua sin acu, go sábhála Dia sinn.

Bíonn an t-uachtarán seo ag tabhairt maslaí ar aon duine nach n-aontaíonn leis, agus ag díspeagadh an taobh eile i gcónaí. Ach tugtar 'aontaitheoir' agus 'iarchlaonpháirteach' air, mar nach mbeadh aon bhrí leis na focail sin ar chor ar bith. Tá sé níos deighiltí ná aon uachtarán a bhí ann i rith mo shaoil. Rinne GWB iarrachtaí oibriú leis an taobh eile go sách minic, maith nó olc. Ní dhearna mo dhuine BHO comhréiteach le daoine nach n-aontaíonn leis riamh, go bhfios dom. Níl cluas le héisteacht aige, fiú.

Ní dia é níos mó. Tá súil agam nach n-éireoidh leis mórán dochair a dhéanamh. Mar a dúirt Rush Limbaugh.

Is maith liom an comhartha seo.

Eachtraí Náireacha in Albain

2009-08-21T10:51:00.000-07:00

Scaoileadh sceimhlitheoir saor in Albain, a mharaigh cúpla céad duine. Nach daoine deasa iad in Albain? Fearadh fáilte is fiche roimhe ar a theacht abhaile sa Libia. Is daoine deasa iadsan, freisin. Tá gach duine go deas. Is cairde sinn uile. Ní mór dúinn a bheith níos deise dá chéile. Tugtar bláthanna don uile dhuine. Bhuel, ar a n-uaigheanna, ar a laghad.

http://www.guardian.co.uk/uk/gallery/2008/dec/21/lockerbie-terrorism

An Múchfar an Athbheochan?

2009-08-19T09:12:00.000-07:00

Tugaigí faoi deara an mhír seo le Pádraig Mach Fhearghusa.

Cad is Éire ann? Sin an cheist. An bhfuil aon tuiscint ann fós ar dhearcadh bhunaitheoirí náisiún na hÉireann? An bhfuil aon dóchas ann go mbeidh tír Ghaelach ann riamh? An bhfuil aon suim ina leithéid? Nach gcuirtear aon bhéim ar dhúchas agus fhréamhacha na tíre sna scoileanna? Tá sé in am díriú ar na ceisteanna seo arís eile, déarfainn. Dá mbeadh muintir na hÉireann dáiríre faoin teanga agus faoi chultúr na hÉireann, ní bheadh aon bhaol ann mar gheall ar airgead. Dóbair gur cailleadh a n-oireacht fadó mar gheall ar chúrsaí airgid agus slándála. Ná díoltar arís í.

Bonn na Saoirse ón Uachtarán

2009-08-02T15:34:00.000-07:00

An mbeidh an luach céanna ar an mbonn seo agus atá ar an mbonn Nobel le fada? Tá Ó Bama á dhíluacháil, mar tá sé chun é a bhronnadh ar Mary Robinson. Sea, iar-uachtarán na hÉireann, agus scoth de fhrith-Iosraelach. Bean na ndea-fhocal, duine an-chosúil le Ó Bama, is dócha.

Sé mhí ó shin, bhí imní ar roinnt Éireannach go raibh Ó Bama chun seasamh le hIosreal mar gach aon uachtarán Meiriceánach eile (bhí sé ar thaobh na liobrálach maidir le gach aon rud eile). Ná bíodh imní oraibh, a liobrálaigh (a sheasann le gach deachtóir...). Tá sé ag déanamh a sheacht ndícheall naimhde a dhéanamh de na tíortha a bhíodh ina gcairde ba mhó dúinn. Thosaigh sé le dímheas ar Shasana. Bíonn sé ag tabhairt neamhairde do thíortha lár is oirthear na hEorpa. Agus is léir go bhfuil sé claonta i dtreo na nArabach i gcoinne Iosrael, mo léan.

Dar lena iompar, is fearr leis deachtóirí an domhain ná seanchairde a thíre. Agus beidh roinnt Éireannach sásta leis sin, mar is iad na dea-fhocail is tábhachtaí.

Ach fós féin, bíonn Éireannaigh eile ann a thugann misneach dom. Is mór an trua go mbíonn Kevin Myers chomh dona maidir le cúrsaí teangan. Tá sé ceart to leor faoi na daoine san alt seo.

Ché Guevara, Dúnmharfóir

2009-08-01T09:20:00.000-07:00

Chonaic mé duine ag tagairt do scannán nua agus Ché ina laoch ann. Sea, bhí gluaisrothar aige! Agus mharaigh sé mórán daoine, mar a dhéanann gach fíor-chumannach. Is uafásach mar a dhéantar laoch de, nuair nach raibh ann ach duine olc. Mar is iondúil, bíonn daoine ag cur a gcuid fantaisíochta agus 'hope and change' ar dhuine nach dtuileann iad agus nach mbaineann leo. Is minic gurb iad na daoine céanna iad a chuireann 'aontaitheoir agus 'fear a tarraingíonn daoine le chéile' agus a lethéid ar Ó Bama.
Gan teagmháil ar bith leis an saol mar atá sé, mo léan.

Tá Dia Mór! Bás don Deachtóir!

2009-06-22T07:57:00.000-07:00

Cé a cheapfadh go mbeadh an móramh i Meiriceá ag seasamh leo siúd a ghlaonn 'Allahu Akbar!' óna ndíonta? Ach is laochra iad atá á dhéanamh san Iaráin. Is é uair na cinniúna san Iaráin, agus guím gach rath ar na réabhlóidí. Sea, is réabhlóidí iad anois!

Seo tuairiscí is tuairimí (as Béarla) faoina bhfuil ar siúl ansin.

Gach lá, bíonn sé níos léire cé chomh huafásach agus atá an rialtas, agus nach bhfuil ann ach deachtóireacht mhíleata, seachas rialtas na ndaoine. Tuigeann an domhain seo. Tuigeann muintir na hIaráine seo anois. Tuigeann sliocht na hIaráine anseo i Meiriceá, cinnte. Tharla tubaiste ansin 30 bliain ó shin. Seo chugainn an réiteach, le cúnamh Dé.

Pé rud a tharlóidh, tá an saol athraithe sa tír sin. An réabhóid abú!

Agus pé rud a deir an fear lag atá ina uachtarán faoi láthair, bíonn na Stáit Aontaithe ar thaobh na saoirse.

Et tu, a Dhubhglais De hÍde?

2009-06-11T10:01:00.000-07:00

Ní fhaca mé an scéal seo ceithre bliana ó shin. Ní thuigim an neodracht. Níl sé ceart a bheith neodrach agus cairdiúil le haintiarnaí agus coirpigh, dar liomsa. Tharla na rudaí náireacha seo fadó, ach is ábhar machnaimh iad don lá atá inniu ann.

Má phléascann an Iaráin buama adamhach in Iosrael, slán mar a n-insítear é, an mbeidh Éire cairdiúil leis an Iaráin fós? An mbeidh Éire neodrach go deo? Nó an seasfaidh sí leis an gceart ar ball? Bhí sé casta go leor sa dara cogadh domhanda, mar ní bheadh Éire sásta troid ar son Sasana. Ach bhí i bhfad ní ba mhó ná sin i gceist, fós féin, go háirithe ag deireadh an chogaidh. Bheadh siad ábalta a rá go raibh siad ag seasamh leis an mBeilg, nó tíortha eile. Níor mhaith le Meiriceá Stalin, ach sheasamar leis i gcoinne Hitler.

Is ionann domsa an neodracht agus a bheith ar nós cuma liom maidir leis an gceart - agus mar sin, ag ceadú an mhíchirt. As ciúnas tuigtear tacaíocht. Agus bhí a fhios ag Dev féin nach raibh aon chosaint ann sa neodracht.

Tá beartas de neodracht mhíleata ag Éirinn agus ní ball d'aon chomhghuaillíocht mhíleata í. Mar sin féin, ar feadh caoga bliain, tá sí ag glacadh páirte gníomhaí in oibríochtaí coinneála síochána na NA agus údaraithe ag na NA agus tá páirt ghníomhach aici i bhforbairt Bheartas Slándála agus Cosanta na hEorpa.
Rinne an tAire tagairt freisin do neodracht na hÉireann, ag rá nach gcuirfeadh an Conradh Éire faoi aon chomhcheangal míleata ná cosanta d'aon saghas.

Ba mhaith leo an cáca agus é a bheith ite acu freisin, an ea? Cén fáth go bhfuil suim ag Éire i mBeartas Slándála agus Cosanta na hÉorpa nuair nach mbeidh siad sásta aon bheart mhíleata a dhénamh ar a shon? Nach leor an neodracht di?

An bhfuil níos mó i dtír neodrach ná tír lag le béal mór? Tiománaí an chúlshuíocháin i gcarr an domhain? Tír a bhraitheann ar thíortha móra as a slándáil, nach mbeidh sásta cabhair ar bith a thabhairt do na tíortha sin má bhíonn gá leis? Sin fadhb mhór na hEorpa, freisin. Ní féidir leis an Eoraip í féin a chosaint gan na Stáit Aontaithe. Níl aon chogadh domhanda eile le fada, agus an Eoraip lag, agus mar sin, tá na Stáit sásta íoc as a slándáil. Fiú na tíortha neodracha. Ní fheadar an dtiocfaidh an lá nach mbeidh na Stáit chomh flaithiúil, go háirithe nuair a bhíonn na hEorpaigh ag clamhsán faoi. B'fhéidir ba chóir dúinn a bheith neodrach?

Bua sa Liobáin

2009-06-08T11:09:00.000-07:00

Tugadh droim lámha do na sceimhlitheoirí Hezboladh sa Liobáin - buíochas mór le Dia. Freagra don Iaráin sin, cinnte. Chaith an Iaráin agus an tSiria mórán airgid agus bhí brú nach beag ar an Liobáin chun níos mó cumhachta a thabhairt do Hezboladh - ach ní dhearna! Seo cur síos suimiúil air. Le cúnamh Dé, beidh athrú scéil san Iaráin féin, sula scriosfar a dtír (agus cá bhfios cén dochar eile a dhéanfaidís). Beidh a dtoghchán féin acu ar an 12ú. Ní bheidh ach rogha an dá dhíogha acu, acu b'fhéidir an duine is fearr de na drochdhaoine a roghnú, mar sin féin (agus fáil réidh le Ahmadinijad).

Ach ná bímis ró-dhóchasach faoin Iaráin.

Obam Alechem

2009-06-04T10:15:00.000-07:00

Fearadh fáilte Uí Cheallaigh roimh Obama i gCaireo, agus thug sé seó breá dóibh. Seo cúpla tuairim ar a ndúirt sé. Bhí sé an-hopeychangey, ach ní dóigh liomsa go ndéanfaidh sé níos mó maithe ná dochar.

Max Boot
www.jihadwatch.org
Mark Thiessen

Is mór an trua nár éist éinne le Bush. Bhí sé i bhfad ní b'fhearr (cé nach raibh sé ionraic maidir leis na fadhbanna bunúsacha in Ioslam ach oiread).

I also want to speak tonight directly to Muslims throughout the world. We respect your faith. It's practiced freely by many millions of Americans and by millions more in countries that America counts as friends. Its teachings are good and peaceful, and those who commit evil in the name of Allah blaspheme the name of Allah.

(APPLAUSE)

The terrorists are traitors to their own faith, trying, in effect, to hijack Islam itself.

The enemy of America is not our many Muslim friends. It is not our many Arab friends. Our enemy is a radical network of terrorists and every government that supports them.

- George W. Bush, 20 Meán Fómhair, 2001

Tiananmen Fiche Bliain ar Aghaidh

2009-06-04T06:39:00.000-07:00

Fiche bliain ó shin sa tSín, bhí dóchas ann. Bhí an cumannachas ag fáil bháis in Aontas na Sóivéadach agus san Eoraip, agus ceapadh go raibh seans ann saoirse a bhaint amach sa tSín, freisin. Chonaic an domhan mór brúidiúlacht rialtas na Síne sna laethanta sin, ach chonaiceamar laochra a sheas ina haghaidh, freisin.

Seo mórán grianghraif de na leathanta siúd.

Ó shin, cé nach bhfuil aon athrú ar an rialtas úd, tugtar níos mó measa dóibh, níos mó cumhachta. Bhí na cluichí Oilimpeacha ann. Déantar i bhfad níos mó gnó leo. Ní luaítear eachtraí Tiananmen. Ní luaítear an Laogai. Ceannaímid earraí ón tSín, agus ar ball, úsáidfear an t-airgead sin chun ár gcomhlachtaí a cheannach uainn. Faightear airgead ar iasacht ón tSín, agus tá cumhacht as cuimse acu ar chúrsaí airgeadais sa lá atá inniu ann. Ní thugann siad aon chabhair don domhan chun smacht ar bith a choimeád ar an gCóiré Thuaidh, cé gur féidir leo. Bíonn siad ag bagairt ar an Téaváin i gcónaí. Ach ní féidir linn olc a chur orthu, mar gheall ar an airgead. Déantar gearáin faoin Tibéid uaireanta, ach níl rialtas ar bith an-dáiríre faoi. Tá an Sínigh ag déanamh a rogha ruda ann fós, ag scriosadh bailte agus a brú a gcultúr féin ar na daoine sin (iad siúd nach maraíonn siad).

Oscaíodh súile an domhain beagán in 1989, ach thiteamar inár gcodladh arís ó shin, maidir leis an Sín. Ní mór scéal Tiananmen a choimeád beo, a chuimhniú is ag múineadh don aos óg. Ní mór rialtas na Síne a thuiscint i gceart, mar deachtóireacht bhrúidiúil, pé íomhá dheas a chonaiceamar ó na cluichí Oilimpeacha. Pé rud a deir daoine amaideacha clúiteacha.

Táthar ag súil (le fada) go dtiocfaidh feabhas ar chúrsai agus go mbeidh saoirse ann ar ball, mar a éiríonn na Sínigh níos saibhre. Ní dóigh liom go dtarlóidh mura mbeidh laochra mar laochra Tiananmen ann. Go n-éirí siad arís.

Fógra

2009-05-23T06:19:00.001-07:00

Níl baint ar bith ag an bhfógra seo ná ag an iris seo le cúrsaí polaitiúla ('Buíochas le Dia' a chloisim?)! Ach tá sé an-tábhachtach domsa (mise an t-eagarthóir):

Tá An Gael ag Teacht!

Blag eile is ea Philo's Little Helper atá ann chun cabhrú leis an bhfoghlaimeoir a léann An Gael (irisleabhar atá as Gaeilge amháin). Pléifear a bhfuil san iris ansin, freisin, lcD.

Idir Dhá Chomhar

2009-05-18T12:36:00.000-07:00

Fuair mé litir an-deas sa phost an tseachtain seo caite, ó bhord stiúrtha Comhar. Bhíodh síntiús agam, ach níor athnuaigh mé é, tar éis na gconspóidí is uile. Seoladh an dá chóip ba dhéanaí chugam i dteannta leis an litir. Bhí ceann díobh agam cheana, mar bhí scéal agam ann. An ceann eile, ceiliúrann sé Ó Bama. Tá a phictiúr ar an gclúdach, agus ar a laghad ceithre alt á mholadh. B'ionadh liom nach raibh 'centerfold' nocht de ann. Táim á léamh fós (cé nár léigh mé gach a bhfuil ann), agus idir dhá chomhairle maidir le síntiús a ghlacadh arís.

Níl an t-eagarthóir nua ann ach le seal, ach sna cinn a rinne sé go fóill, ní raibh mórán den tseanchaighdeán ann, agus cheap mé go raibh siad lag agus leamh.

Bhíodh ailt amaideacha ann i gcónaí maidir leis an bpolaitíocht, agus maslaí do Mheiriceá srl. ann, ach bhíodh siad sásta mo fhreagraí a fhoilsiú, freisin. Níor mhiste liom ábhar a sholáthair dóibh, agus b'iadsan amháin a d'íoc as ar shlí go bhfuair mé an t-airgead gan fadhb ar bith. Ar an lámh eile, níor iarr siad orm riamh aon rud a scríobh roimh ré. Ba chara do Comhar mé, ach ní bhíodh sé éasca i gcónaí. Bhí deis ann é a fheabhsú, ach ní dóigh liom go dtapaíodh an deis sin.

Tá ár n-iris féin againn anois, agus ní gá dom scríobh d'éinne eile, is dócha, cé go ndéanaim fós. Níl aon droch-ghuí agam do Comhar. Guím gach rath air. Ach níl a fhios agam an bhfuil mé sásta íoc as. Bíonn an iomarca de adhradh BHO le feiscint anseo cheana, agus a leithéid. Beidh ábhar i bhfad níos fearr in An Gael - ficsean agus filíocht, den chuid is mó - agus níl mórán de sin fós in Comhar. Níl na húdair ab fhearr liom ann níos mó, ach oiread.

Ní dhearna mé socrú go fóill, ach táim ag smaoineamh nach bhfaighfidh mé é. Tá an iomarca le léamh agam, agus níl sé tarraingteach go leor, dar liom.

Aon Uair a Cheaptar Nach Féidir le Daoine a Bheith Níos Measa...

2009-05-12T07:25:00.000-07:00

Tarlaíonn a leithéid seo chun cur in iúl gur féidir. Cheapfaí go ndéanfadh gach éinne trócaire ar mharthanóirí an uileloiscthe. Ach tá daoine ann fós gurb fhearr leo iad a mhárú.

Ní bhaineann an saghas seo barbarthachta leis na Giúdaigh amháin, dar ndóigh.

San Ostair, níl ann sa lá atá inniu ann ach buíon bheag dá leithéid sin. Níl sé amhlaidh i dtíortha eile.

Nuair a ciontaíodh Adolf Eichman in 1962, bhí ceannteidil i nuachtán san Araib Shádach a dúirt "Ciontaíodh Eichman, a raibh sé d'onóir aige sé mhilliún Giúdach a mhárú"*. Ní fhoilsítear aon rud sa tír sin gan cead ón rialtas.

Tá a leithéid ann i Meiriceá, freisin. Mar a deitear sa scannán The Blues Brothers, "I hate Illinois Nazis." Faraor, ní scéal grinn amháin a leithéid de amadáin. Tá a leithéid fós ann (cé go bhfuil feabhas ar Skokie).

*nó sin an scéal - ní raibh mé ábalta sin a chinntiú.

An Fhimíneacht

2009-05-07T12:25:00.000-07:00

Is suntasach an difear idir dearcadh na heite clé agus dearcadh na heite deis maidir le cad is fimíneacht ann. Le fírinne, ní scoilt idir an dá thaobh polaitiúla é, ach scoilt idir iad a thuigeann cad is Críostaíocht ann, agus iad nach dtuigeann.

Ar an taobh Críostaí, tuigtear gur peacaí gach duine. Bhí mórán le rá ag Naomh Eoin ar an ábhar seo. Ní féidir a rá gur Críostaí tú agus a mhalairt saoil agat. Má mhaíonn duine go bhfuil sé ag leanúint Críost, ach nach ngránn sé daoine eile, is fimíneach é. Ach níl éinne foirfe. Má mhaíonn duine nach peacach é, tá sé ag insint bréige (1 Eoin, 1:6 - 2:12 srl.). Bíonn gá againn le maithúnas agus le cábhair Dé. Pé locht atá orainn, déanaimid ár ndícheall chun an rud ceart a dhéanamh, má táimid i ndáiríre. Ach dar ndóigh, is iomaí fimíneach a bhíonn ann san Eaglais, mar a sagairt a mholann do gach éinne bheith gan cúrsaí gnéis mhíchearta, a bhualann craiceann le buachaillí. Ní ionann sin agus nach fíor an moladh a rinne an sagairt sin, mar sin féin.

"L'hypocrisie est un hommage que le vice rend à la vertu." - La Rochefoucauld

An Críostaí a dhéanann rud mícheart, tuigeann sé gur mícheart é, de ghnáth. Nó tá sé ag cur i gcéill gur Críostaí é.

An té nach dtuigeann an Chríostaíocht, ceapann sé nach bhfeiceann Críostaí peaca ach i ndaoine eile. Tá daoine mar sin ann, ach ní hé sin teachtaireacht Chríost (féach Maitiú 7:3-5). Is féidir le Críostaí botúin a dhéanamh agus fós bheith ina Chríostaí.

Is fíochmhar na hionsaithe a dhéantar ar aon duine a sheasann le teagasc Críostaíochta, minic go leor. Cúpla sampla le déanaí ná na hionsaithe a dhéantar ar Carrie Prejean agus Bristol Palin (mar ionadaí dá máthair). Creidtear nach féidir le Críostaí a mhaíomh nach ceart gnéas lasmuigh den phósadh, nuair a rinne a hiníon botúin agus níor lean sí an teagasc sin. Agus creidtear nach féidir a bheith ar son an phósta mar a thuigtear é leis na cianta, agus bheith i do dhuine maith (go háirithe má dhearna tú botúin nuair a bhí tú óg). Ach mar a thuigimidne é, is fearr a bheith ag seasamh leis an bhfírinne agus gan a bheith foirfe, ná bheith i gcoinne an fhírinne agus ag maíomh gur foirfe tú. Nó fiú bheith i gcoinne teagasc Dé mar a thuigimid é mar gheall ar locht ar bith ionainn féin.

Is iomaí duine frith-Chríostaí a mhaíonn nach bhfuil ann ach an fhírinne mar a thuigeann siadsan í. Sin an t-aon rud a cheapann Críostaithe. Cuireann Críostaithe a gcás i láthair, agus mura n-aontaíonn tú leis, ní Críostaí tú. Aon duine nach n-aontaíonn leis na frithChríostaithe, is anathema é dóibh, cé nach raibh an duine sin ina bhall sa chreideamh gan Dia sin. Is sampla den éadúlaingt an duine nach n-aontíonn leo, agus níl cead ag éinne tuairim mar sin a nochtadh. Is fuath leo aon duine mar sin, agus déanann siad gach iarracht chun an duine sin a scriosadh os comhair an tsaoil. Mar is iadsan lucht na caoinfhualaingthe, dar ndóigh, na Daoine Maithe. Ní cheadaítear aon easaontas.

Tráth dá raibh, nuair a bhí gach duine i dtír áirithe in ainm is a bheith ina Chríostaí, nó (mar an t-aon rogha eile) a bheith i gcoinne an rialtais, bhí an éadualaingt chéanna ann. Ach ní raibh sé ann ar son na caoinfhualaingthe! Mar a tharlaíonn, tá saoirse coinsiais ann sa lá atá inniu ann. Tá saoirse creidimh ann (sna tíortha sibhialta, mar na Stáit Aontaithe agus Éire). Foghlaimíodh narbh aon toradh maith ar an éadualaingt sin. Ach tá siad ann anois ar mhaith leo a gcreideamh gan Dia a bhrú orainn go léir, ar son na caoinfhualaingthe, mar dhea. Nach í sin an fhimíneacht?

“Where there is no religion, hypocrisy becomes good taste” - George Bernard Shaw

Nó an é go bhfuil daoine ann ar an dá thaobh a thuigeann cad is fimíneacht ann, agus níl ann ach easaontas maidir le cad is fírinne ann? Ceist mhaith a bhí ag Píoláid (Eoin 18:38). Is tábhachtach an freagra.

Bó Bheag i gCló Mór

2009-05-06T11:02:00.000-07:00

Bó Bheag
(i gcló mór)

Bíonn saol seo an idirlín trína chéile, gan amhras. Maidir le hinscne, tuiseal agus cúrsaí polaitiúla, go háirithe.

Cúpla sampla:

Plean eacnamaíochta Obama - nó Plean eacnamaíochta UíBhama? Bhuel, is cuma sin, mar níl a leithéid ann, le fírinne.
Arlen Specter (D) nó (R) nó (b) nó (f)? Nó (n)? (n)eodrach, is dócha, mar níl tábhacht ar bith aige, agus ní bheidh sé fós ina sheanadóir le fada (lcD).
Fianna Fáil, nó Fianna Faighte?
Cladaigh Chonamara nó Cleasaí Caimiléireachta? Och, ní bhaineann sin le hábhar... Ach bheadh a fhios ag an nGaeilgeoir Mór, gan dabht.
Clár plé beo nó clár plé B(h)eo!? Ní hionann an dá rud, cinnte.
Dúnta Guantanamo nó Guantanamo dúnta? Níl dúnadh na ceiste sin ann fós...
Vóta an phobail nó vóta na bpobal? Déanaigí bhur rogha (nó nach ndearn sibh sin cheana?).
Beannacht na Náisiún Aontaithe nó beannacht an náisiúin aontaithe? Ní dóigh liom go mbeidh ceachtar acu ann go ceann i bhfad...cé go mbeadh an dá rud ceart.

Ní nach ionadh go mbíonn dallamullóg ar dhaoine. Ní gá gur ionann sin agus go bhfuil siad dallaigeanta, cinnte, ach go háirithe. Cé go dtarlaíonn...

Ó bhó go deo! (Ba!)

An Fhírinne Maidir le Sarah Palin

2009-05-01T08:01:00.000-07:00

Tá sé chomh deacair rud maith faoi Sarah Palin a fháil ar an idirlín agus atá sé chun rud maith a fháil faoi Iosrael nó George W. Bush - níos deacra, fiú. Níl mórán daoine ann agus an eite chlé ar buile fúthu níos mó ná í. Is uafásach an nimh a bhíonn ann, agus an mí-thuiscint agus an t-aineolas forleathan dá bharr. Cén fáth?

Bean ar éirigh léi ina saol, bean dea-chuma, chumhachtach, ábalta, dhea-mhúinte is dheaslabhartha. Ba bhreá leis an eite chlé í, cheapfá - ach is Poblachtach í, agus, och, an t-uamhan - Críostaí! Agus tá sí ar son beatha gach duine, fiú i mbroinn a máithreacha. Dar ndóigh, is fuath leis an eite chlé aon duine mar sin. Mar sin, rinne siad gach iarracht chun í a scriosadh. Bíonn siad á maslú agus ag tabhairt gach droch-ainm gur féidir leo uirthi. Tá an t-idirlíon lán le nimh is bréaga. Cé go bhfuil an feachtas uachtaránach thart, níl siad ag stadadh - mar tá imní orthu go roghnófar í mar iarrthóir ar oifig an uachtaráin an chéad uair eile. Ní mór dóibh í a scriosadh. Tá eagla orthu roimpi (fiú an bheirt nó triúir a chreideann aon rud fíor fúithi).

Gobharnóir Alaska í. Bhí sí ina méara roimhe sin. Roghnaigh John McCain í mar leas-uachtarán, ach níor éirigh leo san fheachtas. Ní raibh a páirtí féin cúramach chun í a ullmhú do gach ocáid, mar a céad agallamh ar an teilifís le duine den eite chlé, Katie Couric. Agus b'éasca do Tina Fey aithris a dhéanamh uirthi ar Saturday Night Live, agus mar ní bhíonn mórán daoine (óga?) sásta chun an fhírinne a lorg, cheaptar gur ionann an magadh sin agus an duine féin - cé go raibh sí sásta páirt a ghlacadh sa spraoi, agus an-mhisneach aici chun sin a dhéanamh. Ní fiú mórán an clár sin gan í, mar a tharlaíonn...cé go raibh sé greannmhar tráth dá raibh.

Tá daoine ann a sheasann léi, dar ndóigh. Is breá leis an móramh í in Alaska, agus is iomaí duine sa phartaí Poblachtach a bheadh sásta í a chur suas chun bheith ina huachtarán. Má tá naimhde agat mar atá aicise, is léir go bhfuil tú ar an taobh ceart. Is maith liom í, agus is maith liom í níos mó gach uair a dhéantar ionsaí amaideach nimhneach eile uirthi.

Seo alt eile a chuireann síos ar an bhfáth gur fuath leo í. Sílim féin go bhfuil gach rud is fearr faoi Mheiriceá le feiscint inti. Dar ndóigh, is fuath leo siúd gur fuath leo Meiriceá í go háirithe...

Seo a beathaisnéis oifigiúil, má tá suim ag éinne sa bhfíordhuine...

Agus cad é sin a dúirt sí faoin Rúis? Níl aon fhios agat, táim a ghealladh (mura léigh tú an nasc sin).

Céad Lá na hAoise Nuaí

2009-04-29T08:40:00.000-07:00

Molaim an t-alt seo faoi BHO (as Béarla): Céad Lá agus Céad Botún. Níl gach botún san áireamh, dar ndóigh, ach is liosta le háireamh é mar sin féin.

Gach lá feicim pictiúir de BHO ar fud na háite agus 'Dóchas' agus 'Athrú' orthu. Creideamh atá ann, agus déanaim iontais caitheann a bhfeicfear nach dia é ach amadán sotalach. Bhí (agus tá fós, is dócha) 'Bush Derangement Syndrome' ann ar feadh i bhfad. Tá sé iompaithe go "Obama Delusion Syndrome," sílim. Nó cá bhfios nach ionann an dá ghalar. Is eisean an tAin-Bush, An Té a Bhí le Teacht.

Tá creideamh eile ag roinnt dínn sna Stáit, dar ndóigh. Tiocfaidh ár lá (le cúnamh Dé). Idir an dá linn, go sábhála Dia sinn.

An Fhírinne agus Comhaontú na nEolaithe

2009-04-27T13:27:00.000-07:00

Is iomaí uair go gcreideann mórmhór na n-eolaithe go bhfuil a fhios acu cad a tharla, conas a tharlíonn, agus cén fáth go dtarlaíonn rudaí éagsúla, agus tar éis tamaill eile, foghlaimítear nach fíor an rud a cheapadh ar chor ar bith, nó go bhfuil an scéal níos casta ná mar a cheapadh. Curtear i gcás nuacht a tháinig chun solais le déanaí faoi bhás na ndíneasár.

Go mion minic, bíonn easaontóirí ann i measc na n-eolaithe, agus teoiricí eile acu. Ní raibh gach eolaí ar aon fhocal maidir leis na díneasáir riamh, déarfainn, cé nach gceaptar sin go minic. Is iomaí rud "cinnte" nach bhfuil cinnte ar chor ar bith, cé go mbeadh an saol ní ba éasca a thuiscint dá mb'amhlaidh. Agus go mbíonn sé i bhfad níos éasca cuspóirí polaitiúla a bhaint amach má chreidtear nach bhfuil ach fíricí i gceist, seachas teoiricí.

Cuirtear i gcás an téamh domhanda. Le fírinne, níl aon chomhaontú ann ar chor ar bith, cé nach mbeadh a fhios sin ag éinne atá ar scoil nó ag léamh nuachtán agus ag éisteacht leis na meáin. Is fíricí dar leis na "húdaráis" go bhfuil sé ag tarlú, agus go bhfuil an cine daonna ciontach as (go háirithe na tíortha saibhre). Ach ní féidir le héinne aon chruthúnas a thabhairt faoi cheachtar "fíric" sin. Ach nach bhfuil Al Gore go hiontach ar fad? Is trua gur chaill sé an toghchán sin...mar dhea.

Tá an Téamh Domhanda mar cheideamh na laethanta seo. Níl baint ag an eolaíocht leis an gcreideamh sin níos mó. Seans chun airgead a fháil ó rialtais shaibhre, agus cosc a chur ar dhul chun cinn an iarthair, ar an gcaipitlicheas, agus ar an saoirse, sin iad na fíorchuspóirí, dar liom. Agus nach bhfuilimid go léir go breá, ag sábháil an phláinéid? Bualadh bas dúinn! Ach bheimis i bhfad ní b'fhearr dá gcuirfimis lámh inár mbás féin...

Stad sin! Tá tú ag déanamh CO2!

An bhFuil an Saormhargadh Ciontach?

2009-04-24T11:27:00.000-07:00

Is iomaí duine atá an-tógtha leis an sóisialachas le déanaí, mar gheall ar an ngéarchéim eacnamaíochta. Na boic mhóra a ghoid ár gcuid airgid uainn, srl. Tá sóisialaí ina uachtarán sna Stáit, fiú, ar mhaith leis maoin na ndaoine a leathadh timpeall... Uaireanta cuirtear an milleán ar an saormhargadh agus easpa smacht rialtais as an drochstaid ina bhfuilimid. Ach cad a tharla le fírinne? An bhfuil aon bhunús leis an dearcadh sin?

Nuair a chéad thosaigh na fadhbanna ag teacht chun solais, Bear Stearns a bhí i dtrioblóid. An cúlra leis sin, Countrywide Mortgage, Fannie Mae agus Freddie Mac, agus na hiarrachtaí fophríomha. A rinneadh mar gheall ar an saint, dar ndóigh? Nó an ndearnadh? Cuid de sin, cinnte, agus na modhanna nua infheistiachta a cumadh orthu, bhí fadhbanna ann mar gheall orthu sin. Ach ní raibh aon chuid de sin thar fóir, thar chumas an mhargaidh, cé nach mbeadh gach rud éasca. Cuireadh síolra na bhfadhbanna roimhe seo.

Cad iad Fannie Mae agus Freddie Mac? Comhlachtaí Meiriceánacha a dhéanann gnó mar chomhlachtaí poiblí iad, ach seasann an rialtas taobh thiar díobh mar ráthoir. Mar sin, faigheann siad aon bhrabús, agus faigheann an rialtas aon chailliúint! Guais mhorálta a thugtar ar chás mar sin, agus is é sin is bunsiocair na bhfadhbanna go léir seo.
Maraon leis an nguais mhorálta sin, spreag dlithe na tíre na comhlachtaí seo chun iasachtaí a sholáthair do dhaoine (mar gheall ar a gcine) nach raibh ábalta iad a íoc ar ais. Thosaigh na bainc go léir chun a leithéid a dhéanamh, ar eagla nach mbeadh an rialtas sásta lena n-iompar. An iomarca riosca a bhí ann, mar sin.

Bhí airgead ró-shaor ón Federal Reserve, banc lárnach na Stát, mar gheall ar shocruithe a rinne siadsan. Cheannaigh i bhfad ní ba mhó daoine tithe mar bhí airgead ar fáil ó na bainc, gan costas mór, gan scrúdú géar. Bhí luach an dollar ró-íseal mar gheall ar a gcuid polasaithe, agus na cinntí a rinne i dtíortha eile, an Eoraip go háirithe. Infheistíocht sna tithe i Meiriceá, bhí sé sin an-tarraingteach do dhaoine ar fud an domhain - agus bhí brabús maith le déanamh ann ar feadh i bhfad. Bhí praghas an ola ag éirí as smacht, mar gheall ar droch-réamhfhaisnéis ó rialtais an domhain. Agus araile. Bheadh fadhbanna ann sa mhargadh, pé scéal. Ach bhí rudaí tábhachtacha eile mícheart, freisin, agus bhí an tubaiste i bhfad ní ba mheasa mar gheall airsean.

Bhrú an rialtas córas cuntasóireachta nua ar na comhlachtaí móra, ar a dtugtar 'mark to market.' Tá ar chomlachtaí pé luach dá bhfuil acu a chur síos de réir praghasanna an mhargaidh, seachas an luach a cheapann siad a bheith ceart agus cóir. Mar sin, tá sé i bhfad níos éasca brú a chur ar chomlacht leis an nganndíol agus a leithéid. Is féidir 'rith' a thosú ar chomhlacht.

Sin an rud a tharla do Bear Stearns.

Ach leis sin, chuir an rialtas a ladar isteach sa scéal arís. Bhrú siad margadh uafásach ar Bear Stearns, agus fuair JP Morgan iad ar phraghas an-íseal. Níor lig an rialtas cúrsaí an mhargaidh a oibriú sa chás sin (ach oiread).

Ceapadh gurb é sin a tharlóidh le gach comhlacht mhór as sin amach. Ansin, theip ar Lehman Brothers. Agus ní dhearna a rialtas faic sa chás sin, mar níor ghlac siad droch-mhargadh. Ach ceapadh go ndéanfadh an rialtas margadh éigin - agus mar sin, ní raibh éinne ullamh don bhuile sin, ar fud an domhain. Reo an margadh creidmheasa. Bhí rith ar chistí an mhargaidh airgid - an infheistíocht is sábhálta dá bhfuil ann, beagnach! Bhí ar an rialtas anois an phraiseach seo a ghlanadh den mhias, agus tá sé sin ar siúl fós - agus botúin eile á ndéanamh acu a dhéafaidh dochar eile, faraor. Tá an ghuais mhorálta i bhfad níos measa anois ná riamh, mar gheall ar na bailouts agus a leithéid sin. Tá airgead beagnach saor. Tá gach rud trína chéile fós, agus níl a fhios ag éinne cad eile a dhéanfaidh an rialtas faoi BHO. Ní aon mhuinín ag an margadh in Tim Geithner.

An é seo an saormhargadh?

Más mian leat cac a dhéanamh d'aon rud, cuir an rialtas ina bhun.

Cad é an Difear idir 'Ireland' agus 'Iceland?'

2009-04-14T12:01:00.000-07:00

Sin an cheist ghrinn atá ag dul timpeall. An freagra? Litir amháin, agus sé mhí. Greannmhar? Ní dóigh liom, más Éireannach thú! Ach tá an dearcadh sin forleathan, faraor. Tá droch-chlú ar gheilleagar na hÉireann le tamall anuas. Tá ísliú céime ar fhiacha na tíre, ó AAA go AA+, fiú.

Tá an Íoslainn as gnó. Tubaiste uafásach a bhí ann. Bhí cúrsaí as smacht go huile is go hiomlán. Ní féidir go bhfuil Éire chomh holc. Ach tá mórán daoine amhrasach, fiú a cairde san AE.

Seo roinnt alt faoi gheilleagar na hÉireann agus an tochchaí. An tíogar íogair atá ann, b'fhéidir! Luaitear cúpla rud suimiúil sna hailt sin, go háirithe ceisteanna a bhaineann leis an AE céanna agus an Euro. An bhfuil cúrsaí níos measa in Éirinn (agus san Eoraip) mar gheall ar an Euro? Nach mbeadh sé ní b'fhearr dá mb'fhéidir le hÉirinn a cúrsa féin a stiúradh maidir lena cúrsaí airgeadais?

Tá baol ann go mbeidh tíortha eile na hEorpa chun Éire a 'shábháil,' agus go mbeidh a gcos ar bholg na hÉireann dá bharr. Is iomaí rud atá ag teacht salach ar a chéile i ngeilleagar na hEorpa. Ach tá daoine ann agus an tuairim acu go mbeadh cúrsaí i bhfad ní ba mheasa mura mbeadh Éire san AE agus ball an Euro. Síleann siadsan gur cuid de fhadhbanna na hÉireann ná gur dhiúltaigh sí Conradh Liospóin! Is iomaí léamh ar ghéarchéim - agus iomaí úsáid le baint aisti!

Tá cúrsaí go dona, sin rud cinnte, agus níl gach éinne (mórán, fiú) dearfach.

Go dtaga sibh slán as! Agus tiocfaidh, cinnte, ar ball. Ach faraor, de réir dealraimh, beidh cúrsaí níos measa sula mbeidh siad níos fearr.

Níor Thosaíomarne É

2009-04-10T07:41:00.000-07:00

Mar is iondúil, nuair a bhíonn fadhb ar bith ann, cuirtear an milleán ar na Stáit Aontaithe. Sa chás is déanaí, táthar ag tagairt don mheath eacnamaíoch domhanda. Sílim go nglacann BHO féin leis an teoiric seo. Ceaptar go coitianta gur thosaigh an fhadhb le morgáistí agus baincéirí lena gcuid díorthach. Fadhbanna a bhí ann, cinnte, ach níorbh iad ba chionsiocair leis an bhfadhb ollmhór atá ann - a thosaigh i dtíortha eile sular thosaigh i Meiriceá, agus a bhí is atá níos measa iontusan ná atá sna Stáit.

Cad a tharla, mar sin? Seo míniú an-mhaith ar an scéal (as Béarla). Praghas na hola, i gcúpla focal. Cén fáth go raibh sin chomh hard? Tá teoiricí éagsúla ann. Pé rud a smaointear, is léir nár éirigh go maith leis na bainc is na comhlachtaí airgeadais. Dá mbeadh margadh saor ann, seachas OPEC is a leithéid, ní bheadh cúrsaí chomh holc, dar liomsa.

Ach is féidir an milleán a chur ar na Giúdaigh, más mian leat.

Comhcheilg na nGiúdach

2009-04-08T09:23:00.000-07:00

Féachaint go mbíonn an-suim ag lucht léite na Gaeilge (de réir mar a sholáthraíonn na heagarthóirí é mar ábhar) i gcomhcheilg idirnáisiúnta na nGiúdach, seo radharc eile ar an scéal. Scríobh Giúdach é (as Béarla - teanga idirnáisiúnta na nGiúdach), agus mar sin, níl sé iontaofa, is dócha. Ach má tá suim ag éinne fós sa loighic agus san fhírinne, b'fhiú é a léamh.

Mar obair bhaile, léigh alt nó leabhar ar bith mar an ceann a scríobh Ó Cathain, agus cuir 'Críostaí' ann in áit 'Giúdach,' agus 'An Róimh' ann in áit 'Iosrael,' 'Caitliceach' in áit 'Síónach' agus sloinne Éireannach in áit gach sloinne Giúdach, agus déan do mhachnamh an frithChaitliceach é. (Ach más Caitliceach thú, níorbh fhéidir leat sin a mheas, is dócha, mar is ball den chomhcheilg thú...)

Maidir le Giúdaigh ar fuath leo Giúdaigh, daoine a cheapann daoine áirithe nach féidir a bheith ann ("Theip ar an frith-Sheimiteachas nua mar straitéis, dar le Gates, óir is deacair míchlú 'frith-Sheimiteach' a chur ar raibithe!" Cliste!), bhuel, is léir ó Chomsky agus a leithéid go bhfuil siad ann, agus an-úsáideach do na frithGhiúdaigh i gcoitinne. "The fact that they are Jews – however nominally – gives a free pass to the non-Jewish Jew-haters to dress up their bigotry as high-minded conscience, while still others of good will are led to believe the hateful lies and libels about Israel in the misguided belief that, since Jews are giving voice to them, they cannot be an expression of prejudice."

Léigh Maidhc Ó Cathail leabhar!

2009-04-02T10:02:00.000-07:00

Gach uair a smaoiním nach féidir leis na meáin Ghaeilge a bheith níos measa maidir le hIosrael agus na Stáit Aontaithe, faighim sampla níos measa fós. Cheap mé go ndearna an t-eagarthóir nua ar Beo! droch-chinneadh an mhí seo caite. Ach is léir gur polasaí é anois, alt maslach amaideach maidir le hIosrael a fhoilsiú gach mí le mo dhuine thuas. Mo náire iad.

Tá an t-alt seo lán de leithéid Noam Chomsky, Daily Kos agus uisce faoi thalamh na nGiúdach srl. Ní fiú mórán a rá faoin gcacamas atá ann ach gur náireach é go gceaptar gur iriseoireacht a leithéid. An nuacht is déanaí ó chorcracha an fhiabhrais (the fever swamps) atá ann. Ach má tá sé i gcló, ní hamhlaidh nach fíor é! Go díreach mar an Davinci Code, Protocols of the Elders of Zion, Mein Kampf agus Das Kapital!

Leabhar a scríobhach i gcoinne John McCain i rith an fheachtais uachtaránaigh is ea an píosa caca seo, agus ionsaítear McCain tríd síos, de réir dealraimh. Ach ní leor sin. Ní mór dó a insint do gach éinne conas a tharlaíonn go bhfuil sindeacáit choiriúil Shíónach taobh thiar de gach polasaí Meiriceánach, srl. Níl a fhios agam an séanann sé gur tharla an tUileloscadh, ach ní chuireadh sin aon ionadh orm, mar is ón dream siúd atá mo dhuine. Ach ní frith-Ghiúdach é, an dtuigeann tú.

"Noam Chomsky says: Breathless Just Reading It" Muise, sin "guilt by association."
Nach leor sin ina aghaidh, d'aon duine ciallmhar? An bhfuil aon daoine ciallmhara ann fós?

Céad Míle Fáilte?

2009-04-02T07:15:00.000-07:00

Ní bhíonn gach blagadóir fáilteach romhamsa, is cosúil. Féach ar na blaganna Gaeilge agus na naisc atá luaite acu. Cé a bhíonn in easnamh? Blag lán-Ghaeilge é seo, agus podchraoladh agus físchraoladh Chumann Carad na Gaeilge, lán-Ghaeilge. Is cosúil gur Rodney Dangerfield na Gaeilge mé, muise.

iGaeilge? Gan aon cheann de mo bhlaganna.
An Druma Mór? Mar an gcéanna.
An Cainteoir Dóchais? Nílimse dóchasach go leor, is dócha.
Cumann Scríbhneoirí Úra na Gaeilge - Mise i mo bhall ansin, agus gan aon nasc!
Garraí Johnny Mhorgan? Sarraí!
Chetwynde Downs? Nílim ardnósach go leor, is dócha...
Seo Panu ag labhairt? Níl sé ag labhairt fúmsa - ach níl naisc go blaganna eile aige.
Hilary NY? Níor inis éinne di gan nasc a chur ann, is dócha! GRMA a Hilary.
Smaointe Fánacha Aonghusa? Muise, ceann eile! GMRA a Aonghus!
An tImeall? An chéad nasc! Is eipidéim é!
An Cnagaire? GRMA arís - cé go sríobhaimse níos minice...

Chun a bheith cothrom, ní raibh nasc agamsa go gach ceann díobh seo ach oiread. Is iomaí blag a d'imigh uainn feadh na mblianta. Cé eile atá ann a bhíonn ag scríobh as Gaeilge na laethanta seo? Sin a bhfuil? Nach uaigneach saol na Gaeilge, muise. An é seo an fáth go bhfuil duais na blagadóireachta ag an Oireachtas? Dosaen éigin blag?

Amaitéarach agus Sotalach

2009-03-31T13:07:00.000-07:00

Gach rud a dúirt a naimhde faoi George Walker Bush, an chuid is mó de nach raibh fíor, is féidir an méad sin a rá le fírinne faoi Barack Hussein Obama. Seo liosta:

• “Tá sé sotalach.” Muise, ní fhaca mé riamh aon duine chomh lán le féinghrá ná BHO. Síleann sé go bhfuil sé in ann airgead as cuimse a chaitheamh AGUS gach fadhb eile, mar fhiacha na tire, a réiteach ag an am céanna, gan cabhair ar bith ó éinne nach n-aontaíonn leis.

• “Níl fios a ghnó aige.” Bhí Bush ina fhear gnó agus ina ghobharnóir sula raibh sé ina uachtarán. Níl aon chúlra mar sin ag an bhfear seo ach bheith ina pholaiteoir. Tá sé caillte.

• “Tá sé ina bhuachall bó ag déanamh a rogha ruda.” Rinne Bush iarrachtaí chun obair leis an bpáirtí eile ó am go chéile. Níl suim dá laghad ag BHO ina leithéid, pé rud a deir sé. “I won” deir sé, agus sin a bhfuil.

• “Ní meas ag éinne thar sáile air.” Is náireach é iompar lucht BHO maidir le cúrsaí idirnáisiúnta. Botún i ndiaidh botúin á ndéanamh acu, ag cur oilc ar Shasana, ag tabhairt bronntais náirigh don Rúis, srl.

• “Tá sé chun cogadh a fhearradh gan chúis gan chiall.” Maslaí don Phacastáin, bagairtí orthu, agus cogadh níos mó san Afganastáin. Cén plean atá aige chun éirí as sin? Agus caitheann a bheidh na trúpaí ag teacht abhaile ón Iaráic? Ón Eoraip?

• “Céasadh agus seachadadh urghnách agus Guantanamo…” In ainneoin gach a ndeir sé, tá na polasaithe céanna aige agus a bhí ag Bush. Ach amháin, ní thabharfar ‘war on terror’ ar an gcogadh seo. Athrú! Dóchas!

• “Caitheann an rialtas an iomarca faoina stiúir!” Bhuel, dúirt a pháirtí féin sin. Ní raibh Bush ach mar pháiste neamhurchóideach i gcomparáid leis an bpraiseach atá BHO le déanamh, fiacha ar bhfiacha leis na cianta!

• “Is dlúthchara na bhfir ghnó saibhre é.” Nuair nach mbíonn BHO ag glacadh seilbhe ar chomhlachtaí príomháideacha, bíonn sé ag fáil airgid óna n-úinéirí.

• “Is amadán é.” Ar chuala éinne BHO ag caint gan teleprompter?

• “Ní féidir leis caint.” Bhuel, tá teanga óir ag BHO, cinnte, ach ní bhíonn aon chiall sna focail ghalánta. Agus minic go leor, tá a chuid fadhbanna féin aige ag caint.

• “Bíonn sé ag iarraidh eagla a chur ar gach éinne chun a chlár oibre a chur chun cinn.” Beidh tubaiste ollmhór ann mura ndéantar gach rud ab áil le BHO!

• “Tá sé chun dialathas a dhéanamh de na SAM.” Deirtear gur Críostaí é BHO. Ach níos minice, ceaptar gur dia é féin!

• "Bíonn sé ag brú a chuid moráltachta orainn!" Nach maith leat an ginmhilleadh?

• “Ba mhaith leis easaontóirí a chur ina dtost agus faoi smacht.” B’fhearr le BHO Rush Limbaugh a throid ná a phost a dhéanamh i gceart.

• “Is faisistí é.” Ón eite chlé riamh a thagann an faisisticeas.

(srl.)

Folús na Gaeilge

2009-03-12T09:47:00.000-07:00

Ré, sin focal eile ar 'gealach,' nach ea? Cad is ré nua ann, mar sin? An uair nach bhfuil an ré le feiceáil.

Is iomaí rud atá os comhair an tsaoil anois maidir le Comhar agus iompar an Fhorais ina leith. Agus níor cheap siad gurb fhiú don teanga go mbeadh nuachtán laethúil ann (rud atá tabhachtach do beagnach gach teanga eile). Cé hiad, is cad a dhéanann siad in aon chor? Dar leo féin, is iad "an comhlacht atá freagrach as an Ghaeilge a chur chun cinn ar fud oileán na hÉireann" iad. Muise, is trua liom iad an fhreagracht sin! Is minic a magtar fúthu, agus is minic nach mbíonn daoine sásta leo.

Is iomaí rud fiúntach a dhéanann siad nó, is dócha, a n-íocann siad as (le hairgead mhuintir na hÉireann), mar focal.ie, an tOireachtas, foisiúcháin agus eagraíochtaí a bhraitheann ar an airgead seo, srl.

An féidir mórán a dhéanamh ar son na Gaeilge gan an t-airgead seo? Cinnte. An bhfuil sé níos éasca leis an airgead? Ar shlí, cinnte, is féidir i bhfad níos mó a dhéanamh. Ach ar shlí eile, is féidir go bhfuil sé níos deacra. Aon uair a ghlactar airgead, glactar le húdarás agus cur isteach uathu siúd a bhronn an t-airgead sin ort. Téada a bhíonn ann. Agus má thagann malairt intinne ar an bhForas, titeann gach a bhfuil idir lámha agat as a chéile (féach Lá Nua). Má ghlacann duine airgead ón bhForas, tá an duine sin sa 'cheardchumann,' mar atá. An mbíonn na deiseanna is na cearta céanna ann don té nach bhfuil sa chearchumann sin? Thug Concubhar an Ciorcal Órga ar an gclub seo. Cloistear 'Tionscal na Gaeilge' go minic, freisin. Tá tú istigh nó amuigh, sin a bhfuil. An bhfuil sé sin sláintiúil don teanga?

An é an dóigh is fearr é gach cumhacht maidir le maoiniú thionscadail na Gaeilge a chur faoi chúram boird amháin? An bhfuil aon ghuth ag lucht labhartha na Gaeilge ina gcuid socruithe? Tá siad freagrach as an nGaeilge, ach an bhfuil siad freagrach d'éinne ag a bhfuil an teanga? D'éinne ar chor ar bith?

Cé hiad baill bhoird an Fhorais? Níl an t-eolas sin ar a suíomh idirlín. Cad a dhéanann siad, nó fiú cad a rinne siad anuraidh? Níl eolas ann ach ó 2004 agus níos faide siar. Nach gcaitheann siad mórán airgid phoiblí? Nach bhfuil suim ag éinne sa dóigh a gcaitear sin? Nár chóir go bpléití go poiblí a leithéid, agus go mbeadh fáilte roimh iochur ón bpobal? (Nó an smaointí aisteacha Meiriceánacha iad seo?)

Cloistear go minic faoi na Béarlóirí a bhíonn ag caitheamh anuas ar an teanga sna nuachtáin (IT), agus cén chúis leis sin, de ghnáth? Airgead caite amú. Cá bhfuil an fhianaise nach bhfuil an ceart acu? Airgead poiblí caite ag daoine anaithnid ar rudaí nach bhfeictear, le torthaí amhrasacha. An córas iontaofa sin?

Maidhc Ó Cathail - Beo! agus na Fíorsceimhlitheoirí

2009-02-09T13:11:00.000-08:00

Tá alt le Maidhc Ó Cathail in Beo na míosa seo, a chuireann an cheist "Cé hiad na fíorsceimhlitheoirí?" Is deacair dom a chreidiúint go bhfuil daoine ann nach dtuigeann a leithéid, ach seo duine díobh. Cé hé? Feicim gur scríobh sé cúpla alt frith-Iosraelach do Indymedia roimhe seo. Sin iris idirlín na radacach (eile) ón eite chlé. (An ionann sin agus 'iris Éireannach?' Nílim cinnte.) Is "síochánaí" é, de réir dealraimh, a bhíonn ag caitheamh anuas ar Iosrael, srl. Bhí sé thall i limistéir na bPalaistíneach, agus tá sé an-dáiríre ag tacú leo. Ní hé seo an chéad alt a scríobh sé ar Beo ach oiread. Tá ceann ar Rahm Emanuel aige, ina dtagraíonn sé do eagarthóir an Electronic Intifada, gan náire, mar shampla.

Cad é le rá aige san alt seo in Beo? Is é an saghas duine é a chuireann líomhain i ndiaidh líomhna in abairt nó dhó, ionas go mbíonn sé an-deacair gach bréag is botún a fhreagairt. Bíonn sé éasca líomhaintí a dhéanamh. Bíonn sé níos deacra iad a fhreagairt. Ón fhocal 'mídhleathach' sa réamhfhocal ar aghiadh, tá sé ag caitheamh anuas ar Iosrael (1948 ar aghaidh...).

Is beag duine in Éirinn (agus ar fud na cruinne?) nach bhfuil ar buile faoi Iosrael, deir sé, agus sílim go bhfuil an ceart aige faoi sin. Imithe le craobhacha, fiú.

Nílim chun gach cacamas nimhneach a fhreagairt, ach déanfaidh mé mo dhícheall roinnt mhór de a fhreagairt. Ní mór taighde a dhéanamh ar na seanscéalta srl.

Deir sé nach bhfuil ach "roicéid gan mhaith de dhéantús baile" ag Hamas. Tá a fhios ag daoine eolasacha nach fíor sin, agus seo alt ar an ábhar. Deirtear a leithéid chun taispeáint nach bhfuil airm chearta ag Hamas, mar atá ag Iosrael, chun trua a tharraingt orthu. Och, na Palaistínigh bhochta, nach féidir Iosraeligh a mharú mar ba chóir... Ach tá na hairm atá acu marfach go leor .

Níl mo dhuine sásta go raibh plean ag Iosrael maidir le Gása roimh an am a raibh gá leis. Is léir nach dtuigeann sé cúrsaí míleata ar chor ar bith ach oiread. Má tá naimhde ina gcónaí taobh leat, bíonn plean ann chun déaláil leo má thagann an chúis. Mura mbíonn plean ann roimh ré, ní éiríonn leat. Is rud bunúsach seo.

Níor chuir na hIosraeligh na hArabaigh seo i gcampaí - rinne na Náisiúin Aontaithe sin. Le beannacht gach tír Arabach. Sin an fáth gur cás ar leith iad na "teifigh" Phalaistíneacha.

Maidir le 4 Samhain 2008 agus an tollán...is cuma le mo dhuine cén fáth go raibh siad ag tógáil tolláin, agus cad a tharla.

Luann sé duine darb ainm Arnon Soffer a thug 'ainmhithe' ar na sceimhlitheoirí a bhíonn ag iarraidh gach Iosraelach a mhárú. Is dócha ionas nach dtuigeann sé cé hiad na fíorsceimhlitheoirí, sin an fáth nach dtuigeann sé an fáth go bhfuil fearg mar sin ar Iosraelach. Daoine gan srian gan choinsias a bhí i gceist aige, agus níl sé mí-oiriúnach maidir le sceimhlitheoirí, cé go bhfuil sé drochbhéasach, b'fhéidir (dá mbeadh sé ceart a bheith dea-bhéasach le daoine a bhíonn ag iarriadh tú a mhárú - ach sin ceist eile). Ach seachas an droch-ainmn sin, is iomaí rud fíor a deir an duine seo.

Cé hé Arnon Soffer in aon chor? Is ollamh é, agus ba dhuine díobh a shochrú ar chúlú Iosrael ó Ghása, agus a scarú ó na hArabaigh Phalaistíneacha. Thug sé comhairle do Sharon. Déamagrafaí is ea é. Tuigeann sé na fadhbanna atá ann dá thír. Mhol sé polasaí an díscoirthe. Sin an t-aon rogha a bhí ag Iosrael féachaint nach bhfuil suim dá laghad acu siúd a chur Hamas i réim mar rialtas sa síocháin. Nach bhfuil an díscor níos fearr ná an síorchogaíocht? Ach sin ábhar eile, is dócha, a gcuireadh fíorshíochánaí suim ann.

Deir an Maidhc seo againn gur thug Iosrael airgead do Hamas fadó, mar phlean mar

“a direct attempt to divide and dilute support for a strong, secular PLO by using a competing religious alternative.”

Agus gur thug an FBI airgead dóibh faoi Chlinton, freisin, mar phlean chun lorg an airgid a bhaint amach. Is féidir gur tharla, agus is féidir gur drochphleananna a bhí ann. Ach ní féidir go raibh ceachtar acu ag tacú le cuspóirí Hamas! Ach sin an fáth go luann sé na rudaí seo - ba mhaith leo iad, ach anois, tá siad á dtroid! Ach is léir nach amhlaidh a bhí. Is iomaí rud a dhéantar mar 'realpolitik' agus boladh bréan air. Agus is cinnte nach mbeinnse de ghnáth chun polasaithe Clinton agus Reno a chosaint. Ach níor mhaith le Meiriceá Stalin riamh, mar shampla, cé gur thugamar cabhair dó sa chogadh mór, agus níor mhaith le Meiriceá Hamas riamh ach oiread. Thugamar cabhair do Saddam freisin...

Ní thugann Maidhc foinse ar bith ina alt, agus mar sin, is deacair a bheith cinnte gur fíor aon rud a deir sé, go háirithe nuair nach fíor roinnt de.

D'fhág Iosrael Gása, agus cad é an cúiteamh a bhfuair siad air? Ionsaithe. Cad a rinne na hArabaigh Phalaistíneacha leis? Scrios siad é. Ach nár scrios na hIosraeligh na tithe? Bhí cúiseanna ann chuige sin - agus cead acu:

Israeli forces are due to start large scale demolitions of the settler homes in Gaza today. Palestinians have agreed that they wanted the houses destroyed.

Dhóigh na Palaistínigh na sionagóga nár scriosadh.

Cén fáth go bhfuil a leithéid d'alt in Beo in aon chor? Bhíodh duine darb ainm Caoimhe Ní Laighin ina heagarthóir le tamall, agus ní cuimhin liom a leithéid faoin a stiúir. Faoi Éamonn Ó Dónaill, is iomaí alt frithMhericeánach a bhí ann, agus ní cuimhin liom ach sílim go raibh ailt mar seo ann freisin - ach ní cuimhin liom aon cheann chomh claonta agus chomh nimhneach. Anois, feicim go bhfuil Seosamh Mac Muirí ina eagarthóir. An Seosamh Mac Muirí céanna? Tá díomá orm. Agus comhairleoir: Éamonn Ó Dónaill.

Tá ceist agamsa ort, a Mhaidhc. Cé hiad na fíorshíochánaithe? Iadsan a bhíonn ag tacú le leithéid Hamas, nó a mhalairt? Ba chóir duit a insint do lucht Indymedia nach ceart do chuid a chuir faoin lorgfhocal 'frithchogadh.'

Hamas ag Déanamh Ionsaithe eile ar Iosrael

2009-02-09T08:53:00.001-08:00

Sin ceannteidil nach bhfeictear ar An Druma Mór - ach tá an scéal ann, fair play dóibh! Dóbair go bhfuil sé ar fáil sna meáin go léir. Ach tharla, inné. Seoladh dhá dhiúracán ón nGása isteach Iosrael.

Ní fheictear de ghnáth ach gearáin faoi Iosrael mar is iondúil...agus uaireanta, feictear scéal eile faoin bhfrithghiúdachas domhanda, atá bunúsach do leithéid Hamas.

Tá líomháintí ann ó ghrúpa Palaistíneach cearta daonna, nach maith leo Iosrael ar chor ar bith, go bhfuil Hamas ag céasadh daoine. Muise, tá siad chomh dona go bhfuil fiú na Náisiúin Aontaithe ag éirí bréan díobh!

Go n-éirí le Netanyahu sa toghchán Iosraelach. Is fear stuama é. Agus tá rudaí deasa le rá aige faoi GWB, fiú.

Tús na Ré Nuaí

2009-01-27T09:58:00.000-08:00

Bliain a hAon atá ann, dar ndóigh, agus an Slánaitheoir i réim. Cad tá sé ag déanamh go fóill?

Tá sé chun Guantanamó a dhúnadh. Níl tuairim dá laghad ag éinne cad a dhéanfar leis na sceimhlitheoirí sin, ach ní bheidh siad i gCúba. Seolfar go hÉirinn iad, b'fhéidir? Stad sé na trialacha míleata, freisin. Tá 10 Meán Fómhar 2001 ann arís. Bhí mé in íoctar Mhanhattan inniu, agus is cuimhin liomsa cad a tharla, agus cén fáth nár tharla a leithéid arís le hocht mbliana. Tá súil agam nach mbeidh an seandearcadh ann arís, ach tá an dealramh sin ar an scéal, mo léan.

Tá rialtas na Stáit Aontaithe chun íoc as an nginmhilleadh thar sáile arís. Agus tabhairfimid airgead don UN Population Fund, chun an ginmhilealladh a mhol is a spreagadh do na bochtáin ar fud an domhain, agus chun cabhair a thabhairt do na Sínigh é a bhrú ar shaoránaigh a dtíre. Sea, is sacraimint don eite chlé é an ginmhilleadh. Tá Nancy Pelosi chun mórán airgid a chaitheamh ar a leithéid mar chuid den phacáiste chun an geilleagar a spreagadh. Mar chuid den phacáiste ón nDáil Mheiriceánach chun breis is ocht gcéad billiún dollar a chaitheamh (a dhéanamh agus ansin a chaitheamh)....go sábhála Dia sinn. Ní íocfar an bille sin go deo, agus ní dhéanfaidh an chuid is mó dé difear ar bith chun an geilleagar a fheabhsú. Muicfheoil agus coiscíní atá i gceist. Ach is breá le Ó Bama é.

Tá an t-uachtarán Ó Bama ag rá gur mhaith leis an Defense of Marriage Act a aisghairm. Sin chun an homaighnéasachas a chur chun cinn, agus an pósadh traidisiúnta a scriosadh.

Tá fadhbanna leis na daoine a roghnaigh sé mar chomhairleoirí, ach sin scéal eile. An chuid is mó díobh, is lucht Clinton iad (fiú Bean Uí Chlinton féin!), agus tuigimid na fadhbanna ansin.

Níl cead ag an CIA rudaí áirithe a dhéanamh níos mó. Tá baol ann mar gheall air sin. Ach tharlódh sin agus McCain ina uachtarán, freisin.

Sin samplaí. Agus níl ann go fóill ach a chéad sheachtain. Muise.

Nílim i m'Aonar

2009-01-14T10:15:00.000-08:00

Ar 14 Eanáir 2009 thug Rónán Mac Aodha Bhuí deisín dom agus do dhuine eile nach spalpann líne an pháirtí, duine darb ainm Tom Carew, cás Iosrael a mhíniú ar a chlár. Bhí a lán eolais agus tuiscint ar na fíricí ag mo dhuine, agus treisim leis.

Ag tús an chláir, d'iarr Rónán ar Sheosamh Mac Muirí stair na Palaistíne a ríomh, agus rinne sé jab réasúnta maith, ach amháin nach raibh gach dáta i gceart aige (réim na Muslamach) agus go háirithe nach raibh sé ag caint faoin bPalaistín, ach go raibh sé ag caint faoi Iosrael amháin. Is féidir nach cuimhin liom i gceart, mar níl an clár ar fáil fós ar an idirlín - is féidir gur iarr Rónán air stair Iosrael a ríomh. Pé scéal, ní leor an stair sin gan comhthéacs. Thug sé roinnt de, ach is ábhar rómhór sin. Táim den tuairim nach bhfuil Seosamh claonta, as an méad a dúirt sé ar an gclár. Sílim go dtuigeann sé castacht an scéil, ar aon nós. Tá súil agam.

Agus mé ar an gclár seo, rinne mé botún - is í an Iordáin an leath eile de sheanlimistéir na Palaistíne. Dúirt mise an Liobáin. Ar aon chuma, tá a dtír féin ag na hArabaigh cheana féin - tír atá níos mó na Iosrael. Rinneadh an Iordáin den chuid is mó den limistéir seo in 1922. Ceist agam oraibh, a shaineolaithe:
Cén fáth nach dtugtar Palaistínigh ar mhuintir na hIordáine?

Ach níl sé sin i gceist i ndáiríre. Níl sé ceart ar chor ar bith stair tíre a phlé chun cead a thabhairt don stát sin a bheith ann tar éis seasca bliain. Níl éinne ag iarraidh an stát sin a thabhairt ar ais go na Sasanaigh, ná do na Tuircigh, ná do na Rómhánaigh... Níl suim ag éinne sa stair mar a tharla, le fírinne, agus ní féidir linn dul ar ais agus an stair sin a athrú (cé go n-athraítear í go minic nuair a insítear í). Beatha nó bás Iosrael atá i gceist.

Dúirt duine ar an gclár raidió inné nach bhfuil sé de cheart ag éinne taobhú le hIosrael agus an feachtas atá ar bun faoi láthair, go bhfuilimid a dhéanann amhlaidh dall agus araile. Sin tús agus deireadh aon phlé lena leithéid. Nós na liobrálach (sa tuiscint nua-aimseartha) sin, gan cead cainte a thabhairt d'éinne nach n-aontaíonn leis na daoine ceartchreidmheacha. Faisistí iad, le fírinne, ach sin scéal eile...

Ah, lucht na síochána... Is póilíní na smaointe roinnt mhór díobh, le fírinne, agus níos measa. Nach bhfuil sé ceart náire a bheith ar na hÉireannaigh as a leithéid sin d'iompar?

Is léir nach mbíonn na frithIosralaigh ag obair ar son na síocháine ar chor ar bith. Tá siad ar thaobh iadsan a deir nach bhfuil cead ag Giúdach a bheith ann, agus nach bhfuil tír darb ainm Iosrael ann. Tá siad ag taobhú leis na sceimhlitheoirí, sin uile. Agus is é sin is cionsiocair an bháis a bhíonn á imirt sa Mheánoirthear. Iadsan.

(DAS, cén fáth nach mbíonn lucht tacaíochta Iosrael ag iarraidh tairge na bPalaistíneach a cnagadh ó sheilfeanna sna siopaí? a) Níl sé ceart. b) Níl aon tairgí mar sin ann.)

Bíonn lucht tacaíochta Hamas ag rá nach bhfuil sé ceart go bhfuil arm cumhachtach ag Iosrael nuair nach bhfuil ach cúpla diúracán ón Iaráin ag Hamas. Ansin, maíonn siad go bhfuil Iosrael ag iarraidh sibhialtaigh a mhárú, páistí srl. Mar a dúirt mé ar an gclár:
Dá mbeadh cuspóir ag Iosrael sibhialtaigh a mhárú, bheadh i bhfad ní ba mhó daoine marbh! Sin a thuigtear as a ráitis féin (dá mbeadh suim sa loighic acu)! Ach is cinnte gur cuspóir Hamas é sibhialtaigh a mhárú - sin an t-aon rud a bhíonn siad ag iarraidh a dhéanamh lena gcuid diúracán. Ach is cuma leis na daoine céanna sin, muise. Lucht na síochána agus na gcearta daonna. Mo thóin.

Ní raibh deis againn freagra a thabhairt do gach rud mícheart a dúirt na daoine eile ar an gclár sin, agus ní dóigh liom go ndéanfadh sé aon mhaith. Ach tá súil agam go léighfidh cúpla duine an stuif a chuirim anseo, mar is beag foinse eile atá ann don Éireannach, go háirithe as Gaeilge. Bualadh bos do Rónán as an dá thaobh a léiriú, cé go bhfuil sé féin ar thaobh Hamas.

Fisk: Bearta is Briathar

2009-01-13T08:52:00.000-08:00

Bhí deis agam inniu éisteacht le clár Rónáin agus an t-agallamh a rinne mé leis. Níor thuig mé ar an bhfón an méad a dúirt sé agus é ag lua Robert Fisk ag an am. Scríobh mé faoi Fisk roimhe seo, sílim, ach is féidir go ndearna mé sin ar chlár plé amháin. Ní cuimhin liom anois.

Is Sasanach de dhéanamh Michael Moore nó Noam Chomsky é. Úsáidtear a ainm mar bhriathar, agus is é an bhrí de ná go dtaispeáintear gach botún a bhíonn in alt le leithéid Fisk, pointe ar phointe, agus go gcuirtear na fíricí in iúl mar fhreagra d'alt amaideach na heite clé mar a bhíonn ag Fisk. Tá clú (droch-chlú) air ar fud an domhain. Seo sliocht as alt ón Astráil:

Propagandists masquerading as journalists - such as Robert Fisk of The Independent - constantly assert that 9/11 happened only because of longstanding Israeli aggression. If so, how does one explain the internecine carnage in Iraq, Algeria, north Lebanon, Pakistan and Afghanistan? Does this look like a crisis of modernity gripping the Muslim world? Or is it perhaps a Mossad conspiracy? Fisk would have us believe the latter.

Agus seo ceann ón Tuirc: Robert Fisk, a Pathological Liar?

A liar, such as Robert Fisk, has no partition between his imagination and his information.

Agus dar ndóigh, aithníonn na hIosraeligh é.

In the worst case of commentary on Tuesday's events, notorious anti-Israel polemicist Robert Fisk actually accuses Israel of lying in The Independent

Tá blag ainmnithe ina onóir, fiú...

Is slí bheatha Fisk í bolscaireacht na sceimhlitheoirí a scapadh, agus olcas Israel agus Mheiriceá (agus de réir dealraimh, na Tuirce) a nochtadh i gcónaí. Tá sé cosúil leis an Huffington Post agus moveon.org, agus chomh iontaofa. Tá a lucht léite aige, agus beidh a leithéid ann i gcónaí sa ghleann seo na ndeor. Ó am go chéile, b'fhéidir go mbeadh duine dá léitheoirí ábalta a thuiscint gur raiméis nimhneach a bhíonn á scríobh aige, agus gurb fhéidir leo a machnamh féin a dhéanamh ar chúrsaí an tsaoil. B'fhéidir. Lá éigin. Le cuidiú Dé.

Nuair a d'inis Rónán dom go raibh aisfhreagra maith i ndiaidh an agallaimh, cheap mé go mbeadh plé ní b'fhearr ná "Neocon Naitsí" a thabhairt orm agus bagairt an cac a bhualadh asam, ach sin caighdeán an phlé a bhíonn ann ar an ábhar seo, faraor. Léitheoirí Fisk iadsan, gan dabht.

Tá colún le teidil an-oiriúnach ag Fisk: Robert Fisk's World

My favourite moment came when I pointed out that journalists should be on the side of those who suffer. If we were reporting the 18th-century slave trade, I said, we wouldn't give equal time to the slave ship captain in our dispatches. If we were reporting the liberation of a Nazi concentration camp, we wouldn't give equal time to the SS spokesman. At which point a journalist from the Jewish Telegraph in Prague responded that "the IDF are not Hitler". Of course not. But who said they were?

Nach bhfuil sé cliste? Is dócha go mbeadh sé ar thaobh na Naitsithe in Earrach 1945, freisin. Agus is duine eile é gur mhaith leis Israelach a mhárú gach uair a mháirítear Palaistíneach, agus a mhalairt, chun a bheith cothrom...nó thuigfaí sin dá mbeadh loighic ar bith ina chuid scríbhneoireachta.

Is fearr liomsa bheith ar thaobh na fírinne agus ar thaobh an chearta. Ach is Neocon Naitsí mé...(AGOA)

Coireanna Cogaidh

2009-01-12T08:20:00.000-08:00

Deir Comhairle Chearta Daonna na NA (mar dhea) gur féidir go bhfuil Iosrael ciontach as coireanna cogaidh i nGása. Mar is iondúil, is cuma leo cad atá ar siúl i bhfírinne. Tá na NA níos measa ná gan mhaith, dar liom. Déanann siad dochar. Ach cad eile a tharlódh agus tíortha mar Chúba, an Éigipt agus an tSín ag déanamh urraíochta ar rúin mar bhaill den chomhairle ar chearta daonna? Is seafóideach ar fad ceann a thabhairt dá leithéid ar an ábhar seo. Ba chóir seasamh ina n-aghaidh go minic (beannacht Dé ar Cheanada - mar ní dhearna na Stáit an rud ceart an uair seo). Níl tuairim na NA intaofa maidir le hIosrael, le blianta fada. Agus tugann siad cabhair do na sceimhlitheoirí gach uair a dhéanann siad a leithéid seo. Sin an t-arm is cumhachtaí atá ag na sceimhlitheoirí - tuairim an domhain.

Agus féach conas a úsáideann siad an t-arm seo: manufacturing disaster
Táim cinnte go bhfuil siad an-bhuíoch den phreas/bhlagchruinne Éireannach, i measc daoine eile...

Ní aontaím le Colin Powell i gcónaí, ach bhí an ceart ar fad aige nuair a dúirt sé an méad seo leanas:

As Secretary of State Colin Powell observed, as long as the Palestinians believe they can win in the court of world opinion, they will have no incentive to pursue peace.

Is iad an bholscaireacht agus na daoine saonta a ghlacann léi a choimeádann an foréigin ar siúl sa MheánOirthear. Sea, na daoine a bhíonn ag caint is ag ologón faoin síocháin... Creidann siad siúd a scaipeann an bholscaireacht seo go bhfuil siad an-sofaisticiúil agus níos cliste ná aon daoine eile. Ach buailtear bob orthu i gcónaí. Go háirithe maidir leis na Palaistínigh. Féach a gcuid bréag faoin imshuí, agus i gcoitinne (le cabhair ó na NA, dar ndóigh).

Is cuma leis na frithIosraeligh go mbíonn coireanna cogaidh á ndéanamh ag na Palaistínigh i gcónaí, agus iad ag déanamh sciatha de shibhialtaigh agus ag márú sibhialtach...

Seo sampla eile den saghas seo iompair:
http://www.youtube.com/watch?v=eTGbP55HGi8

Na líomháintí a chloistear i gcónaí i gcoinne Iosrael, tá roinnt díobh bunaithe ar an gCúirt Idirnáisiúnta* (nach nglacann Iosrael leis), agus le Protocol a hAon, nach nglacann Iosrael leis. Agus gach uair a luaitear an Protocol sin, tuigim níos fearr cé chomh hamaideach is atá sé. Níl sé "féaráilte" arm láidir a úsáid in aghaidh daoine gan na hairm chéanna, agus a leithéid sin de chacamas. Mar a d'fhiafraigh mé de Rónán Mac Aodha Bhuí ar an raidió, an mbeadh sé ní b'fhearr dá mbeadh clocha agus bataí ag na hIosraeligh? Muise, ba mhaith le daoine áirithe seans a thabhairt do na sceimhlitheoirí, amhail is go mbeadh seilg mhadra rua i gceist. Ach ní cluiche é seo.

Aontaím leis an mana Béarla seo: Peace through superior firepower. Níl meas madra (rua) ag sceimhlitheoirí ar aon rud eile.

* - Gabh mo leiscéal faoi na botúin sa seanalt faon gcúirt. Ceartóidh mé ar ball é, lcD.

Cé hIad Hamas?

2009-01-09T12:17:00.000-08:00

Cé hiad Hamas? Is sceimhlitheoirí iad, dar le Bill Clinton, srl. Níl seans dá laghad go mbeadh siad sásta síocháin a ghlacadh le hIosrael go deo. Faigheann siad tacaíocht agus spreagadh ón Iaráin, mar a bhfaigheann Hiosboladh sa Liobáin. Tuigeann na tíortha eile mórthimpeall orthu go bhfuil Hamas ag obair faoi scáth na hIaráine, agus níl siad an-sásta leis sin. Tuigeann siad freisin nach mbeidh aon tsíocháin ann agus Hamas i réim sa limistéir Phalaistíneach. Sin an fáth nach bhfuil siad ag tacú leo. Níl Fatah agus muintir an Bhruaigh Thiar ach oiread. Féach Easaontas na bPalaistíneach.

Is beag duine atá ag tacú leo, ach amháin an Iaráin, agus dar ndóigh, Éireannaigh (agus Jimmy Carter). Bhuel, agus na gnáthdhaoine eile sna Náisiúin Aontaithe, san Aontas Eorpach, agus b'fhéidir leithéid Hugo Chavez...agus frithGhiúdaigh an Domhain.

Cad a dhéanann na daoine deasa seo, dlúthchairde na nÉireannach? Féach:

Hamas agus 'comhoibrithe' Fatah

Hamas agus sibhialtaigh Phalaistíneacha:
Witnesses: Hamas fired from school

Hamas agus a bpáistí féin:
Rayyan Trained His Kids to Die

Na hIosraeligh i nGása, ag bualadh leis na daoine áitiúla (agus an cur i gcéil os comhair na gceamaraí):
"Nice Try"

Ar ábhar amháin eile, tá roinnt daoine ag baist ainmneacha maslacha ar na hIosraeligh, ag maíomh gur an SS nua iad agus raiméis mar sin. Ní cuimhin lena leithéid cé acu atá sa troid seo a bhí ag obair leis an SS agus cé acu... ah, níl suim dá laghad ag a leithéid sa stair is sna fíricí.

An bhFuil Cead Agaibh Fós?

2009-01-05T09:01:00.000-08:00

Tá an lucht frithMheiriceánach idir dhá chomhairle le déanaí. An bhfuil cead acu fós fuath a thabhairt do Mheiriceá, agus Ó Bama ina uachtarán (beagnach)? I Meiriceá, na daoine ar fuath leo Meiriceá agus an tIarthar i gcoitinne, is iadsan is mó atá trína chéile. Le bliain anuas, tá siad agus a gcairde ag insint dúinn go mbeidh gach rud i gceart nuair a thágann a slánaitheoir, Barak. Ach dúirt Barak gur cara d'Iosrael fós Meiriceá, agus tá amhras ar a chairde thar sáile (agus sa bhaile) ó shin i leith. Nach cuimhin leo gur fuath leo Meiriceá i gcoitinne, seachas George W. Bush amháin? Tá siad dóchasach go fóill go ndéanfaidh Barak toil na hEorpa nuair a bheidh sé i gcumhacht, agus nílim féin cinnte faoi sin. Ach ní dóigh liom go mbeidh fiú Barak H. Ó Bama ag tacú le Hamas agus a gcairde.

Seo sampla dá bhfuil le teacht

Agus maraon lena sheasamh le polasaithe seanbhunaithe Mheiriceá, níos measa ná sin, tá Giúdach ag Ó Bama mar chomhairleoir! Agus is iomaí frithGhiúdach atá ann i measc na bhfrithMheiriceánach. Muise, nach údar dóchais é in aon chor?

Caveat empor, a lucht na heite clé! Is Meiriceánach fós é. Agus tá cead agaibh fós, go dtí an uair go mbeidmid go léir ag canadh an Internationale...

Go sábhála Dia Stáit Aontaithe Mheiriceá. Agus go n-éirí le hIosrael na sceimhlitheoirí a chosc, is a scriosadh, más gá, ionas go mbeidh síochán ann lá éigin.

(Ach maidir le foireann Uí Bhama agus an tsíocháin, nílimid ró-dhóchasach...féach deireadh an ailt iontaigh seo.)

An Chomhréireacht

2008-12-31T07:14:00.000-08:00

Baintear feidhm as an téarma comhréireacht seo i gcónaí agus daoine ag maíomh go bhfuil coireanna cogaidh ar siúl ag Iosrael nó na Stáit nó pé argóint eile. Agus is léir ón móramh dá leithéid nach dtuigtear an téarma, an coincheap ná an dlí.
Is é brí an téarma seo ná nach bhfuil sé ceart ná cóir níos mó dochair a dhéanamh ná an maith a bheadh mar thoradh air, sin a rá, an dochar a choscann sé. Sin an tuiscint thraidisiúnta agus an tuiscint dhlithiúil. Ní bhaineann sé le tit-for-tat ná leis an méad daoine a mharaítear mar chothromaíocht ar na daoine a mharaigh an taobh eile. Tá daoine ann a cheapann go mba chóir an saghas sin cothromaíochta a chur i bhfeidhm - duine ar bith a mharú i measc na sibhialtach Palaistíneach mar chúiteamh ar bhás Iosraelach a tharla mar gheall ar a gcuid diúracán. Ní deir siad go díreach sin, dar ndóigh, ach sin deireadh a gcuid 'loighice.' Ní bheadh aon mhaith ann i gcóras mar sin, dar ndóigh.

Ba dheacair dom a bhfuil ráite ag Andy McCarthy (as Béarla) ar an ábhar seo a shárú.

Agus seo níos mó le Tigerhawk ar an ábhar seo.

Maidir leis an dlí, ní thuigeann mórán daoine go dtagann roinnt mhór den chaint seo faoin gcomhréireacht as dlí nár ghlac Iosrael ná na Stáit Aontaithe leis. Sin an 1977 Protocol I to the Geneva Conventions. Is iomaí uair a chuireann Eorpach i leith Meiriceá nó Iosrael go bhfuilimid ag briseadh dlí éigin a thuigeann siad a bheith ann sa chonradh sin. Ach níl na Stáit ná Iorael páirteach sa chonradh sin, agus níl feidhm ar bith aige orainne. Ní bhíonn dlí i bhfeidhm mura nglacann rialtas leis. Ní féidir leis na hEorpaigh ná le héinne dlí a bhrú ar aon tír eile. Sin an fáth go mbíonn conarthaí ann! Cén fáth nár ghlacamar leis an gceann seo? Is iomaí cúis atá ann, ach is é an ceann is mó ná go mbronann sé stádas dlithiúil ar sceimhlitheoirí. Seo an rud a dúirt Ronald Reagan, nuair a dhiúltaigh na Stáit é:

It would give special status to 'wars of national
liberation' ... and grant combatant status
to irregular forces even if they do not satisfy
the traditional requirements to distinguish
themselves from the civilian population.

Seo alt iontach eile (as Béarla):
Melanie Phillips

Ionsaí Iosrael ar Ghása

2008-12-30T10:55:00.000-08:00

Cá dTosóinn? B'fhéidir ba chóir dom tosú le moltaí faoi conas nuachtán a léamh.

Má bhíonn nuachtán (nó foinse nuachta ar bith eile) ag tagairt do Phalaistínigh a maraíodh, luaitear uimhir na sibhialtach sa chuntas sin i gcónaí. Is cuma gur maraíodh iad de thaisme, más sibhialtaigh i bhfírinne iad, agus gur maraíodh iad mar go raibh sceimhlitheoirí ag déanamh ionsaithe ón áit a gcónaidís... Ach ar aon nós, nuair a luaitear (má luaitear) Ioraelaigh a maraíodh, ní bhíonn iontusan ach Iosraelaigh. De ghnáth, dar ndóigh, ní maraítear ACH sibhialtaigh in Iosrael, mar ionsaíonn na sceimhlitheoirí na sibhialtaigh d'aon ghnó, agus bíonn targaidí fánacha ag a gcuid diúracán. Ní bhaineann Iosrael feidhm as a cuid sibhialtach mar sciatha, ach oiread, mar a dhéanann na sceimhlitheoirí. Na hIosraelaigh sin, is gnáthdhaoine neamhurchóideacha iad.

Má dhéanann Iosrael ionsaithe ar dhaoine a bhíonn ag seoladh diúracán agus ag marú a gcuid sibhialtach, chun a dtír a chosaint, deirtear sna nuachtáin go bhfuil drochbeart eile ar bun acu, mar is iondúil. Cé gur choimeád siad srian orthu féin ar feadh na míosa nó mblianta roimhe. Ní thosaíonn na Palaistínigh aon troid sna nuachtáin, ach uaireanta luaitear an fhíorchúis ag deireadh ailt nó ar leathanach eile. Má lorgaítear iad, uaireanta bíonn fíricí le fáil. Dá mbeadh suim ag éinne...

D'imigh Iosrael Gása in 2005. Moladh sin sna nuachtáin. Ach botún a bhí ann, mar déantar ionsaithe ar Iosrael gan stad gan staonadh ón limistéar sin. Mar is iondúil, bhí Iosrael flathúil agus foigneach, agus fuair siad diúracáin is sceimhlitheoireacht mar bhuíochas. Sna nuachtáin, bíonn an locht ar Iosrael, ach de ghnáth, bíonn an scéal faoi sceimhlitheoireacht na nArabach agus a hiarmhairtí, má léitear go cúramach é, agus má fhiosraítear an stair de. Is dóchúil go mbíonn botún Iosrael i gceist aon uair a bhíonn na nuachtáin á moladh.

Ní aon scéal nua claonadh seo na nuachtán. Rinneadh amhlaidh maidir le Hezboladh freisin. Léitear idir na línte má léitear gach a ndeirtear sna nuachtáin. Roghnaíonn duine scéalta, agus bíonn dearcadh ag duine. Go minic, bíonn an dearcadh sin chomh dian go gcumann an duine scéalta chun é a chur chun cinn. Sin 'iriseoireacht', mar a thuigtear é sa lá atá inniu ann, mo léan. Ní mór níos mó ná foinse amháin a scrúdú, agus, bhuel, an blag seo a léamh!

Maidir leis na scéalta faoi dhaoine a mhaíonn go bhfuil siad ar son chearta daonna srl, agus iad ag tacú leis na sceimhlitheoirí, bhuel, bíonn siad ag taispeáint rudaí eile fúthu féin dúinn, dar ndóigh. Is áis mhaith é a n-ainmneacha a chuimniú, mar gach uair a deir nó a dhéanann a leithéid rud, ní bhíonn i gceist acu ach bréagacha a scaipeadh faoi Iosrael, agus a gcairde, na sceimhlitheorí, a chabhrú. Ní bhíonn aon nuacht i scéal mar sin. Is fearr neamhaird a thabhairt dá leithéid, cé go mbíonn siad ann agus go mbíonn scéalta ann fútha, gach uair a bhíonn seans ag na nuachtáin (gach uair a bhíonn Iosrael sa nuacht).

Dul Chun Cinn (agus a Mhalairt)

2008-12-26T13:41:00.001-08:00

An bhfuil suim ag éinne fós san Iaráic? Mar a tharlaíonn, tá dul chun cinn nach beag ann. Tuairiscítear deachtóir na hIaráine a bheith ar an teilifís le haghaidh na Nollag... Bualadh bás do dhuine de na naimhde is mó dá bhfuil ag an gCríostaíocht (gan trácht ar na Giúdaigh)...
Sea, seo FíorMheon na Nollag, dar lena leithéid sin. Cúlú an Chine Dhaonna, muise. Ach déanann Iosrael trócaire ar na sceimhlitheoirí, agus cáintear iad mar sin féin.
Seo cuntas ar Rehavam Ze'evi. Níor mhol sé "glanadh eitneach" mar a thuigimse é, a Dhruma Mhóir. Ní raibh sé chun na hArabaigh a scriosadh mar gheall ar a gcine. Bhí sé conspóideach, cinnte. Ach ní raibh sé de cheart ag éinne é a dhúnmhárú.

Déanfar Reifrinn go bhFaighfidh siad an Freagra atá Uatha!

2008-12-23T11:52:00.000-08:00

Ceapann an t-ambasadóir John Bruton go bhfuil na hÉireannaigh a dhiúltaigh an conradh seo aineolach agus dall (níl sé éasca a léamh ná a thuiscint...). (Agus sa chaint sin, tugann sé gach sonra dá bhfuil tábhachtach ann, dar leis - agus ní luann sé an ginmhilleadh!) Dar leisean agus mórán daoine eile, beagnach gach tír eile san Aontas Eorpach, ní mór reifreann eile a reachtáil. Agus déanfar sin go bhfaighfear an torradh atá uatha. Sea, sin an plean atá ag na Francaigh, srl.
Agus is léir ón scéal uafásach seo ó Phoblacht na Seice cad é an saghas measa atá ag lucht an Aontais, go háirithe sa Fhrainc, orthu siúd nach n-aontaíonn leo faoi gach aon rud. (Tá tuiscint nach beag acu i bPoblacht na Seice ar a leithéid, agus ba chóir éisteacht leo.) Níl ann sa Daonlathas ach bealach chun a dtoil a chur i bhfeidhm. Is uirlis é, sin uile. Agus is amhlaidh a bhíonn gach áit a bhfaigheann rialtas sóisialach smacht ar thír, mura mbíonn réabhlóid ann. De ghnáth, bíonn uachtarán fad a shaoil ann i ndeireadh na dála (féach a bhfuil ar bun ag Chavez, mar shampla).

Is fadhb mhór an diúltú seo, dar le lucht na hEorpa, agus beidh Éire thíos leis. Ach an fíor sin? Cad tá cearr le múnla na hEilvéise? Nach tír shaibhir sin? Nach bhfuil siad in ann oibriú le tíortha eile na hEorpa?

An púdal na hEorpa í Éire? Nó an é, mar a deir na Gearmánaigh, go bhfaca Éire "was des Pudels Kern ist" (croí an phúdail)?

(Spreag an t-alt seo in Beo! an bhlagmhír seo.)